食家召集！德福Market Place 開幕限定激優價搶優「材」

期間限定 開幕激優價食材選

入得Market Place掃貨，都係對食材有要求嘅品味之士，重新開幕嘅Market Place除咗提供一般新鮮肉類及蔬果外，更引入無數特色食材及鮮活水產，係乾淨舒服嘅環境，就可以搵到生猛青斑、新鮮鮑魚等；最正係為方便繁忙人需求，海鮮櫃位將提供多款方便餸包，顧客可以返屋企即煮即食，省時又貼心！另外亦有日本和牛、澳洲Chef Mama慢煮系列牛肉、羊肉及無激素添加雞肉等提供。

今次開幕期間激優價限定食材方面，亦以鮮活食材及水果為主，不過數量有限，lunch hour即刻去掃貨啦~

必搶No.1：法國鮮活麵包蟹 $148/隻 （即日起至1/12）

大大隻嘅法國鮮活麵包蟹每隻重500-600g，肉質鮮甜，爆膏度十足，每日限量20隻，點可以錯過！

必搶No.2珊瑚菇/珍珠珊瑚菇/黃金珊瑚菇 各$8/100g

由本地廠房種植，營養價值豐富，衛生程度有保障。

必搶No.3：澳洲空運直送巨無霸藍桑子 $99/2盒

體積幾近5毫大小嘅巨無霸藍桑子，直徑長達20mm，粒粒碩大甜美，營養價值豐富，係時候畀個藉口自己補吓眼！

必搶No.4：但馬屋精選日本和牛半價

入口即溶、雪花均勻嘅日本和牛，其他國家同類產品難以媲美，半價入手值得一試！ 

必試推介：

必試No.1：韓國空運秋雪士多啤梨 $129/盒

全新品種嘅韓國秋雪士多啤梨色澤鮮艷，果肉飽滿，味道清甜多汁，一食難忘！

必試No.2：和歌山半乾柿乾  $168/盒

以乾燥機低溫45度稍微烘烤2小時後，經10天繁複工序製成，柿乾仍保留一半水份而甜度依然十足，口感濃厚而柔軟多汁，人生必試之果！

必試No.3：三個零蔬菜（10款） $20-30/包

採用自然生態技術種植，不使用化學肥料、化學農藥或化學激素，並控制種植環境，更利農作物吸收營養而成，如此高質，媽媽們一定要支持！由即日至12月1日，買兩包仲有9折優惠添﹗

輕食站為上班族加油 

現今港人對健康追求更為著重，德福Market Place於店內特設專區，引入合適輕食族需求嘅食品，除咗沿有URBAN麵包櫃外，本地茶飲品牌茶狼及馬來西亞人氣No.1的沙律碗亦進駐當中，要keep diet或時間有限嘅人士就啱晒喇！

空運馬來西亞沙律碗 $39/盒 共4款

每碗均含特製沙律醬，配以雞肉、雞蛋、豆類等蛋白質豐富之食材，亦有專供素食者選擇沙律碗，並列明卡路里含量，令你食得更健康有say！

左起：荔枝白露茉莉茶 $32/杯

珍珠烏龍奶茶 $26/杯

水果四季春 $36/杯

以優質茶葉配上來自世界各地時令生果製造，特色與美味兼備；加$6仲可配埋雙倍奶蓋就更perfect！

6吋士多啤梨芝士蛋糕 $268    6吋柚子芝士蛋糕 $268 

URBAN除咗牛角包出眾外，蛋糕系列亦令人期待，尤其濃郁惹味嘅芝士蛋糕系列，每口都帶嚟大滿足！

美酒推介︰

Market Place一直致力搜羅全球靚酒，無論係葡萄酒、汽酒、香檳或日本酒，都有得畀你揀！依家至12月1日，去德福Market Place全線紅酒、白酒、汽酒或香檳，購買6支享85折優惠；買12支更享8折優惠。而全線清酒8折！

MOET & CHANDON皇室香檳 $340

原價$369嘅MOET & CHANDON皇室香檳以優惠價$340發售，另外仲可享買6支或12支享85折或8折嘅優惠。如果買12支，折後價只係$272！啱晒嚟緊聖誕開party飲！

營業時間：上午 7時 至 晚上 10 時半

地址：九龍九龍灣德福廣場一期平台P27號舖

（資料由客戶提供）