聖誕自助餐優惠｜港島海逸君綽酒店自助餐勁減61折 聖誕節限定！人均$570起歎新鮮即開生蠔/龍蝦蟹腳/海鮮刺身/鴨肝

Bean Wong

擦餐勁

8度餐廳

快閃優惠半價食酒店自助餐

快閃半價🤩性價比極高聖誕自助餐🎄 成人$3xx(連加一=$448)就有即開生蠔､長腳蟹､香煎鴨肝､新鮮日式刺身､燒牛肉羊扒､酒店招牌蛋糕同MOVENPICK雪糕,由6:00食到9:00,盡情食😋 12月2-8日8度海逸酒店8度餐廳做緊快閃聖誕自助餐預訂優惠!一人都有半價💖 ✅每2位成人惠顧,同行之1位小童 (5歲或以下)可享免費用餐 😻 ✅特別日子買二送一,到時會有聖誕老人派禮物同小丑表演環節等節慶活動 有興趣就快啲去 8度海逸酒店eshop 預訂啦👀 #8度海逸酒店#即開生蠔#聖誕大餐

Ben Kwan

香港攻略

Harbour Grand Café - 海逸君綽酒店自助餐

即開生蠔質素高、份量足、環境好，真係好抵食！

最近去咗北角港島海逸君綽酒店的 Harbour Grand Cafe食自助午餐,真系超滿足!一入到餐廳,環境寬敞舒適,食得特別放鬆~ 海鮮區系最大亮點,即開生蠔肥美!肉厚汁多,鮮甜到爆,一啖落去完全無腥味,配檸檬同辣椒汁一流~凍蟹腳､蝦都新鮮,刺身壽司都唔錯,種類多到眼花撩亂! 食物整體選擇豐富,中西印泰日式都有,熱盤､沙律､咖喱､即制麵食樣樣齊,熱氣騰騰好正!最開心系連任飲,汽水啤酒任飲,食到飽仲唔使擔心飲品錢~性價比真系抵食,尤其有優惠時人均更抵! 甜品區簡直系天堂,Movenpick 雪糕有12種口味!朱古力､芒果､士多啤梨､雲呢拿.每款都 creamy順滑,必試!最後,誠哥酒店必食最推芒果拿破侖,層層酥脆餅皮夾住鮮甜芒果忌廉,芒果味超濃郁,絕對系完美收尾~ 總括嚟講,自助午餐質素高､份量足､環境好,強烈推介想食海鮮又想試多款甜品嘅朋友!食是2.5小時,而且優惠後人均只需$280-300,下次仲要再嚟｡ {{hket:campaign display="去新酒店staycation"}}{{/hket:campaign}}#lunch#buffet#香港美食#香港自助餐{{hket:place display="Harbour Grand Café - 海逸君綽酒店自助餐"}}6343_Restaurant{{/hket:place}}

A美食焚化爐

節日限定

Le Menu

龍蝦･鴨肝･佛跳牆 @ Le Menu ( 灣仔六國酒店 )

好快就做聖誕節，大家會同朋友或家人去邊度慶祝？ 早前就同朋友去了灣仔六國酒店Le Menu，預先慶祝了聖誕節。 今次佢地主題係【極緻細嚐･華麗自助晚餐 - 龍蝦･鴨肝･佛跳牆】。   大家好關心既收費問題，因為不同日子有不同價錢，所以直接出相等大家睇仲好。   言歸正傳，都要知道食物質素，對嗎？  海鮮 有開半波士頓龍蝦，500gm左右size，喜歡的，大可挑多蝦膏的品嚐。   另外，又有加拿大雪花蟹腳、麵包蟹、青口、翡翠螺以及熟蝦，種類算多，不錯。   刺身 是看得出的進步，因為有赤貝、甜蝦、八爪魚、鯛魚、劍魚以及三文魚，解凍處理得好好，毫無雪味，食得過。   湯 每位客人都有一張佛跳牆卡，憑卡可取一盅熱辣辣的佛跳牆，內裡有齊鮑魚、海參、瑤柱及花膠，湯色清澈，入口鮮甜，真係連湯渣都消滅了。   龍蝦湯 很濃稠的質感，入口絲滑，配麵包一流。   鐵板燒 即煎鴨肝多士，油脂滿滿，入口即化。   其實建議大家可以一次過要齊虎蝦、牛柳粒、蒜茸雞扒、豬扒、牛脷串、雞軟骨串、多春魚 同埋鮮菠蘿。  個人推介牛柳粒、虎蝦、雞軟骨同菠蘿，   肉車區 當然少不了聖誕火雞，切了兩片，感覺比起海南雞是較為結實，沒問題，都是氣氛為主。   滿有聖誕氣氛的還有蜜汁菠蘿焗火腿及威靈頓牛柳。   牛魔王當然要來一片燒肉眼扒。  坊間好多都係片皮鴨，但Le Menu卻是片皮鵝，皮下脂肪較多，油香更好。   熱葷 芝士蘑菇焗蟹蓋 雖然及不上中菜廳單點多蟹肉，但都是誠意之作，芝士味幾香。   鹹蛋黃金蝦 好邪惡，蝦殼脆卜卜好入味。   煎比目魚配白酒忌廉汁(銀獎菜式) 啖啖肉少碎骨，好啱老人家。   龍蝦海鮮瑪莎曼咖哩、蔥餡拉餅 除了好多海鮮料，仲可以用拉餅蘸汁食，好惹味。   其他熱葷有薑蔥炒龍蝦鉗、酥炸生蠔、香煎芙蓉蟹、蠔皇扣海螺片、紅燒獅子頭、蜜餞金沙骨、上湯菜膽雞、白汁燴雞皇、龍蝦海鮮茶碗蒸、意式炒雜菜、瑤柱鮮蝦蛋白炒飯及肉醬意粉。   沙律類 有龍蝦三文魚藜麥沙律、龍蝦蟹肉香芒沙律、燒牛肉菠蘿沙律及凱撒沙律，想清清地應該試下。   Cold Cut 有豬肉凍批、煙鮫魚、煙燻黑椒牛肉、凍火雞碟、莎樂美香腸、煙三文魚及意大利火腿。   甜品區 哈根大師雪糕 有迷你版雪糕芒果紅桑子雪糕、朱古力雪糕、士多啤梨雪糕、雲呢拿雪糕以及曲奇雲呢拿雪糕。   係凍櫃放滿了檸檬撻、聖誕樹頭蛋糕、紅絲絨蛋糕、聖誕杯子蛋糕、朱古力蜜柑慕絲蛋糕、椰汁西米糕 、核桃批、意大利芝士布甸以及Mont-Blanc。   至於旁邊就有泡芙塔、葡撻 、棉花糖、藍芝士撻及即製窩夫，種類都夠多。   其實中間仲加插了廚師即席烹調菜色。  當中就有法式龍蝦海鮮酥皮盒 (晚上6:45)，之後會放係熱葷區供大家享用。  而另一道就是火焰雪山 (晚上7:15 / 單數日子推出)。   如果是雙數日子，就會換上法國經典橙酒班戟 (晚上7:15 / 雙數日子推出)。 【每逢星期五、六、日及公眾假期都會進行兩款甜品表演】 想同朋友過一個開開心心既聖誕節，大可考慮一下。 Facebook 專頁 : 六國酒店 地址 : 灣仔告士打道72號六國酒店1樓   電話 : 28663808   味道 : 4  環境 : 4  服務 : 4  衛生 : 4  抵食 : 5  位置 : 5   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #灣仔 #聖誕節 #自助餐 #六國酒店 #美食焚化爐 #BUFFET (此文章由U Blog 同步發佈至社群)