香港咖啡地圖2024 | 10大精選高質必到Cafe合集！全新探店介紹 與您開展咖啡深度遊！
召集咖啡友！U Lifestyle App 《香港咖啡地圖2024》強勢登場！本年度嘅咖啡地圖加入全新探店介紹，為啡迷持續搜羅本地最新最潮高質靚啡，同大家精選出50間一試難忘嘅咖啡店！以下即睇其中10間遍佈港九新界嘅優質Cafe，睇吓自己去齊未？
Hap Coffee
以藍白色調為主嘅簡約系Cafe～店內有唔少靚靚打卡佈置之外，佢哋嘅咖啡同食物同樣好適合打卡！咖啡上有精緻拉花圖案，其中「雲朵蛋牛油果竹炭吐司」更係必試招牌菜，鬆軟嘅雲朵蛋白配上竹炭吐司，黑白對比，超適合打卡留念！
地址：北角渣華道133號北角匯三期地下P3G2B號舖
Lassana Coffee
Lassana 喺香港有唔少分店，係質素嘅保證！其中佢哋嘅 House Brend 更係以巴西、哥斯達黎加及危地馬拉三種不同產地嘅咖啡豆拼配而成，飲落帶有果酸及淡淡甜味，加入牛奶後更能品嚐到堅果及巧克力嘅味道，十分神奇嘅風味！
地址：中環荷李活道52號高層地下
Artista Perfetto
咖啡店隱身於銅鑼灣小巷，寧靜放鬆，白色系外牆配上門外嘅一張長椅，身心猶如置身於台灣小區內，逃離繁囂鬧市。咖啡店有兩種 House Blend，分別係果仁味及果香味，咖啡豆更係於台灣總店親自手炒，誠意滿分！
地址：銅鑼灣霎西街3A號地下2號舖
Amber Coffee Brewery
啡迷必訪之地！咖啡店由香港咖啡師大賽冠軍開設，店名寓意將咖啡豆變為閃爍嘅琥珀，為客人製作一杯杯珍貴嘅咖啡。店員會向客人介紹各款咖啡嘅特色，讓前來嘅每一位都可按照個人取向，享用到最適合自己嘅咖啡口味～
地址：中環德輔道中142號地舖
Flow
店舖走輕工業風型格路線，並主打以不同地區嘅單品豆沖調咖啡。咖啡店有提供凍手沖咖啡，凍飲容易突出咖啡豆較唔好的風味，但店內嘅凍咖啡仍然保持水準、能夠保留咖啡豆嘅優點，以此可見咖啡師嘅技術，值得探訪一次！
地址：深水埗大南街195-201號興基大廈地下3號舖
Coffee Slave
咖啡店位處觀塘工廈地下，店內主打提供各式口味咖啡，有各種本地烘培及外國烘焙嘅咖啡豆品種，啱曬一班「咖啡奴隸」！咖啡店仲有提供主食及甜品，去到可以食豐盛嘅一餐，係附近打工仔嘅飯堂之一！
地址：觀塘鴻圖道43號鴻達工業大廈地下2A號舖
Saturn Coffee Roaster
慢活輕食之選～創辦人將品啡愛好變成職業，由精品咖啡豆網店一步步擴大至咖啡店規模，希望將香港少見嘅咖啡豆帶入本地市場。咖啡店內唔單止可以品嚐到層次複雜馥郁嘅咖啡，更有自家製糕點及精品咖啡豆售賣！
地址：觀塘海濱道181號One Harbour Square地下1號舖
CoCo Espresso
作為本港第六間分店，CoCo Espresso 當然保持著一貫水準！九龍灣店面為外賣店，以黑色曲線及金色金屬作為主調，方便各位上班族購買咖啡～咖啡店採用原產地直送的當季咖啡豆，更有近年興起嘅氮氣咖啡，等客人可以品味細緻綿密嘅咖啡。
地址：九龍灣常悅道21號The Eastmark地下4號舖
Reactors Coffee
熱鬧嘅屋苑商場內，自成一角嘅慢活節奏Cafe～客人可自行選擇 Fruity 或 Nutty咖啡豆，咖啡及奶味比例平衡，味蕾餘韻持久；咖啡店亦有各種全日餐點及甜品選擇提供，客人可以坐於落地玻璃面前，望住室外園景悠閒地度過一天嘅時光。
地址：沙田銀城街1-2號置富第一城地下G92號舖
APRIL COFFEE LAB
隱身於元朗內嘅人氣咖啡小店！咖啡店走文青路線，店面以水泥風為主，再以內在光線及鏡面打造焦糖色主題。環境氛圍高質之外，最重要嘅係咖啡嘅高質素～咖啡口感香醇濃厚，奶嘅份量掌握恰當，配上精美拉花，極考咖啡師功夫！
地址：元朗裕榮徑11號好旺洋樓地下22號舖
U Lifestyle《香港咖啡地圖2023》全新亮相！
作為啡迷，10間咖啡店點評係咪睇到您意猶未盡呢？如果想知道更多隱藏於本地嘅精品咖啡室，就一定要細讀《香港咖啡地圖2023》，U Lifestyle 走遍港九新界，親自探店，為大家精選出50間一試難忘嘅咖啡店，搜羅本地最新最潮高質靚啡！
《社群》咖啡深度關注組！
啡友必睇！U Lifestyle App 人氣生活及美食專區《社群》特設「咖啡」主題，為各位愛啡之人提供集中地記錄品啡旅程～主題內有各飲啡達人分享嘅咖啡打卡照，並附上咖啡店地址、評分及價錢等資訊，係您咖啡旅行中最可靠嘅同伴！
U Lifestyle App會員註冊教學
以下教您如何成為U Lifestyle App會員！
步驟一︰立即下載U Lifestyle App
步驟二︰打開App後，點擊右上角人像標誌，再點擊「登入 / 註冊」
步驟三︰點擊「新會員註冊」
步驟四︰輸入相關資料後點擊「註冊」，收到確認電郵後，便完成註冊程序
《香港咖啡地圖2023》是 U Lifestyle 本年度全新推出的本地咖啡店指南，裏面雲集50間一試難忘的精品Cafe，致力令喜愛品味咖啡的人認識更多本地優質咖啡店。
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣本地熱話
↓ 【免費送】美食博覽2026入場套票！↓
↓ 同一門票玩盡四大展覽✨環球特產應有盡有🛍️ ↓
↓【✨ 勁送海洋公園門票 ✨】↓
一步登記拎飛～玩轉夏日大熊貓生日派對🐼🎂！
U GO 本週好去處
