澳門「新濠風尚」會員濠玩濠食85折！4月容祖兒演唱會+住宿玩埋B.Duck兼豪歎米芝蓮名菜

文: a.Ki

2023.02.17

「耳朵也懷孕」嘅感覺，你幾耐未試過？
嚟緊呢個4月份，大家可以再一次感受「懷孕」feel喇！由澳門新濠主辦嘅「新濠巨星系列演唱會」，邀得天后容祖兒隆重登場，率先為巨星系列打響頭炮，大會更為新濠風尚會員推出尊屬優惠，超抵酒店Package，用激優價一次過睇演唱會兼歎星級住宿！即刻睇吓新濠好玩推介啦。

天后降臨唱好音樂盛宴

新濠影滙由4月份起，將會引爆首個巨星尊屬演唱會系列，更邀得樂壇天后容祖兒打響頭炮。據知今次演唱會仲係特別為新濠影滙而設，獨一無二，能夠親身現場感受由祖兒無可媲美嘅音樂盛宴，你又點能夠錯過！

而作為「新濠風尚」微信會員，除左睇演唱會，想留多晚歎番吓，亦有住宿優惠套票畀大家，立即約朋友一齊去澳門啦！

預訂日期：由即日起至2023年4月22日
入住日期：限2023年4月1、2、8、9、15、16、22、23日
酒店選擇：新濠影滙/ 新濠鋒/ 澳門君悅酒店

為會員特設演唱會住宿套票，除咗可以選擇入住新濠影滙外，仲可以揀住新濠鋒或者澳門君悅酒店，包含兩張門票連一晚酒店，火速預訂！

網址：URL

演出日期：4月1-2、8-9、15-16、22-23日（共8場）
演出地點：澳門新濠影滙綜藝館

住宿+演唱會套票優惠

預訂日期：由即日起至2023年4月22日
入住日期：限2023年4月1、2、8、9、15、16、22、23日
酒店選擇：新濠影滙／新濠鋒／澳門君悅酒店

套票包括︰

一晚住宿
「新濠巨星系列：容祖兒演唱會2023」門票兩張
免付費本地通話及無線上網

打卡吸like 超萌B.Duck主題裝置現身

鍾意B.Duck嘅你，想感受吓被B.Duck包圍嘅感覺，睇完演唱會就一定要留底玩番晚！因為得意可愛嘅B.Duck已經成功進駐新濠影滙每個角落，除咗滿佈於室內唔同地方外，更有期間限定B.Duck主題摩天輪車廂，喺130米全球最高嘅影滙之星8字形摩天輪上出現影蹤，由佢嚟陪住大家「登高」，刺激得嚟又夠晒溫馨！

「影滙之星」設計概念源自荷里活巨製之震撼場景，恍如兩顆熾熱行星衝擊大樓外牆，留下了一個近乎完美的「8」字。除咗有期間限定嘅B.Duck主題車廂，另設有17個復古科幻為主題觀景廂，每個包廂可容納多達8至10人，畀你盡情喺空中打卡！

B.Duck裝置又點只打卡咁簡單，仲可以帶埋小朋友一齊嚟玩餐飽！

新濠室內亦有多個打卡靚位，隨便一按靚相即有，啱晒各位social animals！

盡情放電勁FUN室內主題遊樂場

淨係打卡，小朋友又點會夠喉？帶佢去埋全新「滿紛樂園」真正玩足一整日！全新室內主題遊樂場「滿紛樂園」佔地四層，特設五大主題區，包括山岩、叢林、海底、外太空及太空站，每一區都有唔同體驗，畀小朋友盡情跳躍、攀爬、探索，保證玩到樂而忘返！

小朋友可以運用平衡力，跨越12條不同高度的柱子，盡情挑戰自我。

佔地2,400平方呎嘅海底「泡泡紛FUN堡」滙集阻礙挑戰、滑梯及波波池，家長都可以陪同小朋友齊齊挑戰，FUN享快樂。

想同小朋友玩盡「滿紛樂園」，記得提前預訂入場門票啦！

價格：

小童全日門票: 澳門幣180
成人全日門票: 澳門幣100

（部分遊戲需當日到場預約體驗時段）

豪歎米芝蓮中菜品嚐秘製拉麵

嚟到新濠呢個美食總匯，當然不能錯過任何美饌！榮獲米芝蓮一星嘅「玥龍軒」就係其中一所必食推介！以嶄新方法、嚴選尊貴食材，以極致雍雅

將中菜重新演繹，而贏得世界級享譽，「玥龍軒」當之無愧！必試美饌首推享譽全城嘅鮑魚及燕窩料理、鵝肝金錢雞、黑蒜雙蔥和牛粒等，只要嚐過一口，你將會對中菜標準提升到極致水平。

榮獲米芝蓮一星嘅「玥龍軒」，無論在擺盤、用料及製作心思上，都充份表現出極致水準！從一道由傳統菜式演變而成嘅鵝肝金錢雞，製作步驟繁複，卻處處盡顯大廚功架，係必試菜式之一。

翡翠鮑魚燒賣及玥龍精選三小品建基於傳統小食之上，每口皆帶來驚喜。

另一推介餐廳瀛菊拉麵，擁有由豚骨、雞骨、牛骨配以蔬菜、昆布、魚乾、蔬菜熬製嘅獨家湯底鑽研秘方，當中以北海道鹽味湯和牛拉麵、札幌辣味噌湯海鮮拉麵、博多豚骨湯叉燒拉麵、鹿兒島濃厚雞白湯雞肉拉麵及東京醬油湯叉燒拉麵最受歡迎，配上特製調味醬後，即時震撼每顆味蕾。

瀛菊拉麵每款均各具獨特風味，以即點即煮方式泡製手工拉麵，呈現地道和味！最受歡迎之一嘅東京醬油湯叉燒拉麵醬香獨特清雅，採用鹽味清湯帶出最道地口味。

除咗鹿兒島濃厚雞白湯拉麵、札幌辣味噌拉麵、北海道鹽味和牛拉麵及博多豚骨拉麵屬招牌必食外，瀛菊亦提供多款多款炸物、日式小食及丼飯，當中火焰和牛叉燒溏心蛋丼牛香四溢，肉質入口即溶，係重點推介之一。

而家就立即預訂4月份澳門食玩住宿旅遊行程啦：URL

更多新濠影滙資訊：URL

Source : Studio City

更多真實評價

西澳飯阿婆

澳洲攻略

珀斯

💙【西澳之美: 全球最宜居城市之一】🇦🇺

今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。真正住落之後，👵🏻 發現… 珀斯真係好「慢」。大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻‍🦲 「肥人」（哈哈，純粹係當年留學生之間流傳嘅一句玩笑。）但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活

閱讀更多
Chan Zoey

香港攻略

Bingo and Cook

朗豪坊醬油蟹放題！ $498 🦀🇰🇷

❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚鮑魚口感幾彈牙~呢個我都有再叫嚟食🤣 醬油帶子帶子味道正常,醬汁幾入味醬油蝦蝦食落甜甜地🦐仲有蝦膏! 牛油炸雞外皮夠脆,牛油香味濃,熱辣辣最好! 紫菜飯紫菜撈飯,然後可以加埋蟹蓋嘅膏食,好夾❣️ 醬油三文魚三文魚有醬油嘅鹹香味~ 牛肉煎餅煎餅一般,建議食其他嘅小食排骨湯味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹

閱讀更多
Travel Couple

名古屋攻略

Comfort Inn Nagoya Sakae

名古屋核心地區高質酒店

酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡自由自取備品區牙刷､免費化妝水､洗面乳､髮圈,甚至包含男用面膜與入浴劑｡自助行李寄存區二樓設有密碼鎖行李保管區,入住前或退房後均可免費自助存放｡自助洗衣房配備多台投幣式洗烘衣機,方便長途旅行者隨時清洗衣物｡其它基本設施 2 樓大廳設有專用吸菸室､製冰機與飲水機｡交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店

閱讀更多