深水埗美食 | 深水埗$190酒店級牛扒餐附90分鐘任食薯條！必試極鬆軟安格斯封門柳+澳洲M7和牛
深水埗出名美食多，但近期區內居然有間由退休工程師所開設的扒房——Supreme Steak & Grill推出晚市90分鐘$200有找的高水準牛扒餐配無限任食薯條！從安格斯級肋眼牛排、安格斯級封門柳，到西班牙黑毛豬鞍、烤比目魚排等，配90分鐘任食薯條，價位都只是落在$160至$190之間，如此平靚正，難怪深受附近街坊歡迎！
於2020年7月開業的Supreme Steak & Grill，曾因疫情而專營成西餐廳，而隨著疫情消退，曾任工程師的老闆屈先生決心重整定位，以「平價高質扒房」為目標，晚市所主打的8款套餐，全部都包90分鐘無限任食薯條，及贈送一罐汽水或一杯熱即磨咖啡，非常抵食！
即刻去片
安格斯封門柳200g（$190）
牛扒方面，除了有基本款安格斯級肋眼牛排200g（套餐為$190），招牌推介一定要試這個安格斯封門柳（Hanger Steak），足足200g都只需$190，燒至medium rare後可見肉質鬆軟，而且入口牛味濃，老闆說是店內最多人點的！
澳洲M7和牛里脊200g（$280）
如果有多少少budget，就一定要試200g澳洲M7和牛里脊！有 Queen of Steak 之稱的 Picanha，又稱 Rump Cap，是里脊下近臀部蓋肉，這個部位口感更加幼嫩，旁邊還有一層脂肪相連，油香十足！老闆說這塊扒一般坊間高級扒房都要$500以上先食到，而這裡只需$280再加送無限任食薯條，這個佛心價加如此高質素，難怪平時不少街坊幫襯！
除了以上兩款招牌牛扒之外，店内也有提供西班牙黑毛豬鞍200g（$160）、新西蘭法式羊架（$240）、紅燒鮑魚伴鯷魚蘑菇扁意粉（$145）及A4 和牛漢堡（$135）。
不過講到當中黑馬，就必須要特別Highlight這個烤比目魚排配阿根廷香草醬（$170）！比目魚排烤得靚，功勞一半全因老闆自己研發的特製烤爐！曾任工程師的老闆屈先生，不僅從樓面到廚房都親力親為，對出品之食物都有著極高的執著與要求，就連廚具扒爐也是透過自己經驗親自研發製成。透過計算安排，讓烤爐上下溫度火力完美在5分鐘內，將魚排烤至兩面都非常嫩滑，配上阿根廷香草醬(Chimichurri)味道更上一層樓！
配菜小食更加是招牌必點低溫慢煮西班牙叉燒（$60）、烤無激素雞中翅 (原味) 4隻（ $40）及鹽燒牛舌 (2 串)（$60）等，全部小食價位都落在$40至$60之間，性價比同樣很高！用相宜價錢已經食到媲美酒店等級的牛扒等美食，各位牛魔王不妨週末到此試扒啦！
Supreme Steak & Grill
地址：深水埗福榮街161號永邦樓地舖
電話：98802237
營業時間：12:00pm - 10:00pm
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣本地熱話
↓U Lifestyle App賞您挪亞方舟親子套票↓
↓職感實驗室2.0：玩轉暑假↓
【2026親子旅遊攻略✨】最Chill假日玩樂行程推薦～
U GO 本週好去處
