「如心廣場 x 如心園－如˙森之旅」以四感探索古代森林首創木化石互動遊戲等你黎玩

文: a.Ki

2023.07.27

去到荃灣區要小心喇！因為唔覺意就會穿越古今時空、返咗去遠古森林世界！
講緊嘅係可以用視覺、聽覺、嗅覺及觸覺四感體驗嘅「如心廣場 x 如心園－如˙森之旅」！由即日起至9月17日，「如心廣場 x 如心園－如˙森之旅」將會帶領訪客，走入遠古森林國度，齊齊展開溯古旅程，集互動、學習、打卡、遊戲於一身，即刻睇吓點好玩啦~

第1站：打卡必到！6米高呆萌充氣長毛象

為歡迎大家到訪「如心廣場 x 如心園－如˙森之旅」，如心廣場邀得已經絕種嘅長毛象，到臨喺一期露天廣場正門外同大家見面！呢隻得意可愛嘅6米高充氣長毛象仲好鍾意同大家影相打卡，梗係要同佢影番夠本啦！

造型肥嘟嘟、髮型夠晒Q嘅6米高充氣長毛象萌爆荃灣，絕對係打卡必到之地。

第2站：舒壓勝地！「探索之森」聽森林聲音

日常生活壓力令你透不過氣？走入商場中庭嘅「探索之森」，中間設有3楝約4米高環形燈飾大樹，訪客可以一邊踏着柔軟草地、一邊聽柔和森林聲音，睇住懸浮空中嘅植物攀藤，帶嚟舒緩視覺效果。每位走入森林嘅訪客，都可以好好享受每一口清新森林香氣，將身體沉浸於滿滿森林芬多精之中，透過視覺、聽覺、嗅覺及觸覺四感，脫離現實煩囂。

設有大自然聲效及充滿芬多精嘅森林香氛裝置，令四感都得以舒緩、洗滌心靈。

第3站：玩遊戲贏禮券！首創木化石互動遊戲

如心園係香港首個及唯一的木化石公園，入面設有由木化石數碼化成「如 · 森互動」遊戲，可以畀訪客喺平版電腦上，為木化石及一種上新世時期動物如長毛象、劍齒虎、樹懶、狐獴及渡渡鳥填上顏色，完成作品會立即投射到如心廣場中庭大屏幕與大家分享；記得玩埋「如 · 森互動」遊戲填色比賽。參加者完成作品後，有機會贏取指定餐飲禮券價值最高$300，記得唔好錯過。

第4站：與新世時期動物打卡

上新世時期除咗長毛象外，仲有好多動物你未見過！不過今次喺「森之好友」內，你可以見到威猛嘅劍齒虎、出名慢動作嘅得意樹懶、可愛醒目嘅狐獴、外型趣致嘅渡渡鳥及長毛象隊長，全部集合喺如心廣場一期1樓巨型落地玻璃窗前嘅古代森林同大家見面，大家可以無限量咁盡情同呢班萌友打卡喇！

一班萌爆嘅「森之好友」，已經ready等緊同大家見面打卡喇！

第5站：探索大自然認識植物及木化石

除咗打卡，今次活動更聯乘「遊沐」及「Grow Something」本地兩間社企，將環保元素融入好玩工作坊之中，更會喺工作坊中展示多件木化石，畀大家近距離觀看！只要憑電子貨幣即日消費滿指定金額就可以參加，不過就先到先得，換完即止。

3個工作坊包括可以畀參加者探索來自陸地和海洋動物標本嘅「認識動植物標本」、認識植物天然染料及拓印手藝嘅「植物拓印環保袋工作坊」，以及學習利用廢紙循環再造成新的紙張「再造紙製作工作坊」，既富教育意義、亦可以製造完美親子時光。

第6站：與本地社企共同企劃專屬禮品

如心廣場與本地兩間社企――「Grow Something」及「再生玩具店」為是次【如心廣場 × 如心園――如．森之旅】活動共同企劃兩款專屬禮品，讓大家從不同角度認識自然環境及環保概念。於如心廣場憑電子貨幣即日消費滿指定金額，即可換領「微型菜種植套裝」或「動物大板牙玩具套裝」乙份。

【如心廣場 × 如心園――如．森之旅】

*電子貨幣包括︰信用卡、易辦事、八達通、支付寶、微信支付、拍住賞、銀聯閃付、Payme、Google Pay、Apple Pay及Samsung Pay。

#每張發票最少HK$100，連同相符的正本電子貨幣顧客付款交易存根。

^ 12歲以下參加者須由家長或成年人陪同參與。

資料由客戶提供

更多真實評價

西澳飯阿婆

澳洲攻略

珀斯

💙【西澳之美: 全球最宜居城市之一】🇦🇺

今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。真正住落之後，👵🏻 發現… 珀斯真係好「慢」。大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻‍🦲 「肥人」（哈哈，純粹係當年留學生之間流傳嘅一句玩笑。）但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活

閱讀更多
Chan Zoey

香港攻略

Bingo and Cook

朗豪坊醬油蟹放題！ $498 🦀🇰🇷

❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚鮑魚口感幾彈牙~呢個我都有再叫嚟食🤣 醬油帶子帶子味道正常,醬汁幾入味醬油蝦蝦食落甜甜地🦐仲有蝦膏! 牛油炸雞外皮夠脆,牛油香味濃,熱辣辣最好! 紫菜飯紫菜撈飯,然後可以加埋蟹蓋嘅膏食,好夾❣️ 醬油三文魚三文魚有醬油嘅鹹香味~ 牛肉煎餅煎餅一般,建議食其他嘅小食排骨湯味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹

閱讀更多
Travel Couple

名古屋攻略

Comfort Inn Nagoya Sakae

名古屋核心地區高質酒店

酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡自由自取備品區牙刷､免費化妝水､洗面乳､髮圈,甚至包含男用面膜與入浴劑｡自助行李寄存區二樓設有密碼鎖行李保管區,入住前或退房後均可免費自助存放｡自助洗衣房配備多台投幣式洗烘衣機,方便長途旅行者隨時清洗衣物｡其它基本設施 2 樓大廳設有專用吸菸室､製冰機與飲水機｡交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店

閱讀更多