千層蛋糕由透薄班戟餅皮及軟滑忌廉相互堆疊而成，口感充滿層次，令人滿足～製作出高質千層蛋糕並唔容易，小編已為您做好資料蒐集，整理出本地千層蛋糕及精美造型蛋糕精選推介，以後掛念千層蛋糕嘅時候就有多個選擇啦！
「Shaz Confections - 少女心組合配搭千層！」
品牌主打千層蛋糕，每款口味都經過精心巧妙搭配～皇牌「玫瑰荔枝千層蛋糕」帶有淡淡清甜香氣，充斥住春日溫柔感覺；「斑蘭千層蛋糕」以椰子襯托香濃斑蘭味道，東南亞風味指數爆燈！品牌亦有售賣市面少見嘅朱古力「甘納許蛋糕」，值得一試！
「ManTopia - 歐洲復古風 x 精緻甜品！」
蛋糕店採用歐式復古風裝修擺設，到訪時猶如置身於歐洲古典博物館內，令人陶醉～其中「伯爵茶千層蛋糕」最受歡迎，千層餅皮厚度適中，伯爵茶忌廉口感細滑，推薦俾各位茶控！「士多啤梨千層蛋糕」酸甜不膩，係夏日清新之選！
「Lamlam脷 - 高人氣性價比高千層蛋糕！」
呢間蛋糕店由網店起家做至實體店，人氣有目共睹！「抹茶流心千層蛋糕」用上丸久小山園及宇治抹茶粉，入口更會回甘；「朱古力流心千層蛋糕」聽落普通但絕不簡單，切開後中間澎湃嘅朱古力醬湧出，視覺及味覺雙重享受～蛋糕價格親民，性價比極高！
「山下菓子 - 純手工製作千層蛋糕！」
千層蛋糕採用全手工製作，糖度亦切合港人口味，其中「八式千層」組合可以一次過品嚐八款千層蛋糕口味，超過癮！「柚子檸檬味」最有驚喜，檸檬配上晶瑩剔透嘅柚子果肉，為味蕾帶來清新衝擊！另一款「保鮮花水晶球蛋糕」賣相精緻，品嚐蛋糕後保鮮花更可保存一年，夠曬實用！
「Chateraise - 日本新鮮空運直送蛋糕！」
品牌來自日本，甜品款式包括蛋糕、泡芙及雪糕等。千層蛋糕由日本新鮮空運直送，並採用北海道忌廉製成，入口香濃軟滑、帶有濃濃奶香味～偶爾「千層蛋糕症」發作嘅時候，不妨考慮購買一件品嚐。
「Lady M - 超經典法式千層蛋糕連鎖店！」
呢間千層蛋糕連鎖店人氣極高，相信大家都耳有聽聞～每款法式經典千層蛋糕都超過20層，極考功架！「抹茶千層蛋糕」外表平整且層次分明，賣相誘人～蛋糕班戟皮薄軟綿，入口時忌廉奶香味及抹茶回甘味交織，口感豐富，抹茶愛好者必試！
「agnès b. Café LPG - 法國時裝品牌生活咖啡店！」
除咗千層蛋糕之外，亦可試試其他精美造型蛋糕～法國時尚品牌Cafe提供多款蛋糕輕食，係忙裡偷閒嘅好去處！「士多啤梨蛋糕」以覆盆子海綿蛋糕配搭酸甜草莓醬，超級開胃；「小熊蛋糕」實則為熱帶水果慕斯，口感輕盈綿密，充滿夏日清新感覺！
「荳子 Beans - 木系簡約風悠閒Cafe！」
Cafe 除咗主食及咖啡出色外，各款精美造型蛋糕同樣有水準～「柚子芝士慕絲伯爵茶芝士餅」外型同芝士一模一樣，微酸嘅柚子中和芝士味道，比例剛好；「士多啤梨慕絲蛋糕」層次分明，香脆餅底同幼滑慕絲形成強烈對比，而且啖啖都充滿草莓香氣！
「當文歷餅店 - 超打卡able精美造型蛋糕！」
打卡之選！餅店每款蛋糕嘅造型都落足心思，有創意之餘更十分本土化！「港式西多士」蛋糕底為杏仁口味，配上雲呢拿米布甸，味道新穎；「紙包檸檬茶」造型還原度高，佛手柑奶酪配合伯爵茶馬斯卡彭幕絲，為味蕾帶來新驚喜！
《社群》「香港人氣打卡蛋糕地圖」隆重登場！
U Lifestyle「香港人氣打卡蛋糕地圖」強勢登場，為您實測本港50間不同類型嘅蛋糕店，並親身試食評分，為您篩選出優質蛋糕店！有咗呢本指南就唔怕啦！
《社群》請您食100件千層蛋糕！
睇完千層蛋糕合集，您心目中嘅「世一」千層蛋糕又係邊間呢？即日起至2023年9月27日，於《社群》介紹全港必食嘅千層蛋糕，即有機會贏走蛋糕專門店現金券！品嚐軟綿千層嘅好機會！
《社群》請您食 Asok Thai Cake 泰式蛋糕200件！
泰式食品造型蛋糕賣相精緻，令人流晒口水！即日起至2023年10月11日，於《社群》分享您食過嘅打卡甜品相片，即有機會免費試食 Asok Thai Cake 十款泰式造型蛋糕，享受味覺及視覺驚喜！
想知道更多最新著數、生活資訊？記得開埋 >> U Lifestyle App 推送通知<<，就唔怕會錯過各種精彩優惠！
步驟一︰開啟 U Lifestyle App 並成為會員後，點擊右上角人像標誌，下拉到「設定」欄目
步驟二︰點擊「設定」中的「推送通知」
步驟三︰一鍵開啟「推送通知」，搶先獲取更多優惠著數詳情！
《社群》推出全新「個人地圖」功能！
U Lifestyle App會員註冊教學
以下教您如何成為 U Lifestyle App會員！
步驟一︰立即下載 U Lifestyle App
步驟二︰打開App後，點擊右上角人像標誌，再點擊「登入 / 註冊」
步驟三︰點擊「新會員註冊」
步驟四︰輸入相關資料後點擊「註冊」，收到確認電郵後，便完成註冊程序
本地千層蛋糕／精美造型蛋糕精選推介包括「Shaz Confections」、「ManTopia」、「Lamlam脷」及「山下菓子」等～如果仲想知道更多本地優質蛋糕店，歡迎進入《社群》「香港人氣打卡蛋糕地圖」！
活動期間，於《社群》介紹全港必食嘅千層蛋糕，即有機會贏走蛋糕專門店現金券！係品嚐軟綿千層嘅好機會！按此進入《社群》專區。
想接收優惠領取通知以及更多本地優惠著數資訊，記得開啟 U Lifestyle App 推送通知，我哋會第一時間為您送上各種折扣優惠、會員送禮活動及本地消息快訊！
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
