實測 | 生日蛋糕2023～九大人氣本地小店／網店高分打卡蛋糕推薦！文青森林系蛋糕／半糖少甜健康配方／和風洋菓子甜點！
本地有唔少好睇兼好食嘅特色打卡蛋糕，同家人朋友慶祝時不妨搞搞新意思，訂購各種來自本地小店嘅精美高質蛋糕！就等小編同您分享9間珍藏蛋糕愛店，為您提供稱心滿意嘅蛋糕選擇～蛋糕全部經過小編實測，水準有保證！立即閱讀內文詳情啦！
「Bu Guu Bake House - 精緻文青藝術風格蛋糕！」
蛋糕走文青森林系風格，賣相精緻如畫，超級打卡able！「草莓忌廉伯爵茶蛋糕配草莓紅桑子」層次豐富，內藏滿滿嘅草莓紅桑子，酸甜清新；「茉莉綠茶戚風蛋糕配茉莉綠茶淡忌廉」則以日本夏蜜柑 、日本高知縣柚子醬及蘆薈作主打，入口時陣陣清香！
「LIFETASTIC - 清新時令水果蛋糕！」
品牌嘅招牌水果系列蛋糕選用時令水果，令您可以品嚐到新鮮水果嘅鮮甜美味～「招牌草莓西瓜蛋糕」入口果汁爆發，配埋洛神花果凍及玫瑰花瓣，散發淡淡花果香氣；「荔枝玫瑰蛋糕」以荔枝為主角，玫瑰忌廉更將味道昇華，猶如置身溫柔花海中！
「7181cake - 健康半糖少甜蛋糕配方！」
注重健康嘅人士一樣都可以品嚐蛋糕～蛋糕店採用半糖少甜配方，蛋糕甜度恰到好處，食得多都唔洗擔心會有罪惡感！樽仔巴斯克芝士蛋糕有六款不同口味，送禮或作為散水餅都十分適合；招牌「美祿恐龍瀑布蛋糕」玩得又食得，瀑布效果震撼澎湃，最啱一大班人慶祝玩樂！
「瓜破菓子店 - 特色和風洋菓子小店！」
小店主打特色和風洋菓子，成品精緻且鮮豔，帶有洋菓子嘅特有色彩。和風洋菓子「B」以小蜜蜂作點綴，清新柚子味刺激味蕾；洋菓子「花」以玫瑰花作造型，櫻桃酒香慕絲同朱古力味道交融，甜而不膩。原個蛋糕「蕾」以希臘乳酪配搭芒果慕絲及沖繩菠蘿啫喱，令人感受到初夏嘅活潑生機！
「Mon cher - 北海道農場直送牛乳蛋糕！」
一試上癮嘅大阪人氣卷蛋！招牌「大阪堂島卷」有多款不同口味，其中夾心嘅生忌廉更以北海道農場空運直送嘅牛乳製成，口感幼滑且帶有濃濃奶香味，令人欲罷不能～原個「彩虹派對」蛋糕選色夢幻，極有少女心！細膩忌廉配上鬆軟蛋糕，係完美嘅味覺享受！
「La Passion Patisserie - 夢幻風打卡造型蛋糕！」
蛋糕店主打夢幻風打卡造型蛋糕，多款糖果色系甜點明艷繽紛，為人帶來愉悅心情！「糖果色雪糕筒馬卡龍蛋糕」雪糕球真身為芝士蛋糕，唔洗擔心打卡中途會融化！另外亦有低糖低脂嘅「馬卡龍奶油霜Cupcake」，同朋友分享就最啱！
「COCO - 時尚型格咖啡甜點！」
被喻為時尚型格餅店，品牌以銀色為設計主調，並提供各款精選朱古力、糕點、甜品以及優質咖啡，「Tiramisu法式泡芙」咖啡味濃，還原經典提拉米蘇味道同時添上鬆脆口感；「雲呢拿芝士蛋糕」芝士味道濃郁，表面嘅榛子脆餅令口感層次豐富！
「Italian Tomato - 高性價比自家手製蛋糕！」
呢間日式蛋糕店品牌注重用料，並以手製蛋糕及櫥窗內嘅多樣款式聞名～「皇牌士多啤梨蛋糕」用上原粒新鮮士多啤梨，忌廉夾層同樣放滿果肉，超足料～「芒果芝士餅」放滿芒果果肉，連埋厚厚一層嘅芝士，入口清甜軟滑，夏日必食！
「Zoe - 海量款式精緻蛋糕甜點！」
餅店擁有超過20年經驗，並提供多款精緻蛋糕甜點供客人選購，總有一款啱您心水！「Hibiscus Chocolate」還原洛神花造型，味道酸甜，開胃解膩～「The Lawn」層次分明，集合抹茶忌廉、紅豆同脆脆餅底；而「Chestnut」栗子味濃郁，最啱入秋時品嚐！
《社群》「香港人氣打卡蛋糕地圖」隆重登場！
U Lifestyle「香港人氣打卡蛋糕地圖」強勢登場，為您實測本港50間不同類型嘅蛋糕店，並親身試食評分，為您篩選出優質蛋糕店！有咗呢本指南就唔怕啦！
《社群》請您食五星級酒店拿破崙蛋糕！
牛油香氣酥皮配上幼滑吉士醬，令人無法抗拒！即日起至2023年10月18日，於《社群》分享您食過嘅世一拿破崙，即有機會贏走五星級酒店蛋糕現金券！
想知道更多最新著數、生活資訊？記得開埋 >> U Lifestyle App 推送通知<<，就唔怕會錯過各種精彩優惠！
步驟一︰開啟 U Lifestyle App 並成為會員後，點擊右上角人像標誌，下拉到「設定」欄目
步驟二︰點擊「設定」中的「推送通知」
步驟三︰一鍵開啟「推送通知」，搶先獲取更多優惠著數詳情！
《社群》推出全新「上載影片」功能！
U Lifestyle App會員註冊教學
以下教您如何成為 U Lifestyle App會員！
步驟一︰立即下載U Lifestyle App
步驟二︰打開App後，點擊右上角人像標誌，再點擊「登入 / 註冊」
步驟三︰點擊「新會員註冊」
步驟四︰輸入相關資料後點擊「註冊」，收到確認電郵後，便完成註冊程序
人氣本地小店／網店高分打卡蛋糕推介包括「Bu Guu Bake House」、「LIFETASTIC」、「7181cake」、「瓜破菓子店」、「Mon cher」及「La Passion Patisserie」等，如果仲想知道更多本地優質蛋糕店，立即進入《社群》「香港人氣打卡蛋糕地圖」！
想接收優惠領取通知以及更多本地優惠著數資訊，記得開啟 U Lifestyle App 推送通知，我哋會第一時間為您送上各種折扣優惠、會員送禮活動及本地消息快訊！
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣本地熱話
↓【限時搶⚡】高露潔光感白高純度維他命C美白牙膏↓
↓7天提亮，淡色美白↓
↓【✨送您Poled HK消毒機/涼感墊✨】↓
>簡單登記領取<
U GO 本週好去處
