聖誕好去處2023︱「東尼電機」聖誕懷孕動物登陸旺角! 3米高巨型懷孕雪人/15倍懷孕聖誕鹿車/「嬰國」

文: 鄺梓晴
2023.11.30

創意無限的本地插畫家及發明家「東尼電機」首次同T.O.P合作搞搞新意思,舉行「T.O.P x 東尼電機 • 聖誕懷孕動物大TWINS徙」。今個冬天東尼將召喚懷孕雪人和懷孕聖誕鹿幫助BB們大遷徙,有三大全新懷孕動物角色即將誕生,而且更有四大打卡勝地呀!

由11月22日至2024年1月14日,位於旺角的T.O.P商場將會上演「T.O.P x 東尼電機 • 聖誕懷孕動物大TWINS徙」!東尼電機因懷孕動物而著名,今次他忙着幫一眾「懷孕動物」BB遷徙到「嬰國」過聖誕,而且更會召喚三大聖誕限定角色,懷孕雪人、懷孕聖誕鹿及懷孕聖誕東尼幫助BB們大遷徙。

同場加映:【衝出嚟玩】最新影片

而T.O.P將搖身一變成大型「育嬰院」,一眾搞笑動物BB遍佈全場,打造四大打卡位。由位於商場1樓的「懷孕聖誕鹿車」揭開序幕,放大15倍的可愛懷孕聖誕鹿伴隨着聖誕樹及花環,洋溢濃厚的聖誕氣氛。誰又騎著那鹿車飛到5樓的神奇國度—「嬰國」?答案是3米高「巨型懷孕雪人」及一眾「龍鳳胎」動物BB!他們屹立於T.O.P的空中花園,就算於彌敦道都能感受滿滿的冬日氣氛。在「嬰國」,捕捉完最多「龍鳳胎」動物BB的黃金畫面後,記得到2樓跟懷孕小狗一同「懷孕夜繽Fun」,以及陪伴懷孕小豬進行「聖誕產檢」喇!

除了一系列場內搞笑打卡位,T.O.P更為大家精心準備「懷孕動物」聖誕系列獨家精品供大家消費換領。顧客只須於活動期間,單日累積電子消費滿200元或以上,即可換領「聖誕懷孕動物」懷孕雪人LED燈座、懷孕聖誕鹿環保袋及聖誕懷孕鎖匙扣等。盲盒粉絲更不可錯過期間限定推出的「聖誕懷孕動物」雪人盲盒。

【T.O.P x 東尼電機 • 聖誕懷孕動物大TWINS徙】
地點︰旺角彌敦道700號 T.O.P商場
日期︰11月22日至2024年1月14日

活動資訊

  • 開始日期2023年11月22日 - 2024年1月14日
  • 地點

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓