旺角小店$38小菜午市放題！記者實測任食任添20款菜式 紅燒肉/魚香茄子/鹽焗雞
位於旺角的「農家樂湛江私房菜」推出超抵價$38仼食小菜午市放題，於上午11時半至下午3時期間供應菜式達20款，1小時任添任食。人氣菜式包括紅燒肉、魚香茄子、鹽焗雞等，而且味道不錯兼份量多。在這個物價高漲的年代，想食到抵食夾大份的一餐，相信這裏會是平價之選！
「農家樂湛江私房菜」位於旺角廣東道，餐廳最近於午市時段推出1小時$38小菜任食任添放題。記者當日到場有11款小菜供應，員工英姐表示下月開始加派人手後就會供應20款。是日菜式都會擺放在門口位置長枱上，其中紅燒肉、鹽焗雞及魚香茄子都是人氣菜式，賣相不失坊間兩餸飯店，配上英姐毫不吝嗇的一大舀米飯，份量超多，若然還未夠喉，食完碟中餸飯後就可以再添。
即刻去片睇記者直擊
最令人驚喜的是除了價錢便宜，食物質素亦相當不錯，當日有蒸水蛋、紅燒肉、鹽焗雞、魚香茄子、麻婆豆腐、滷水雞翼、炸魚、炆蘿蔔魚蛋、炒白菜、蒸南瓜及芋頭，共11款小菜可選擇，有肉有菜有魚，絕對滿足到大部份人口味，款款賣相吸引。實試紅燒豬肉肥瘦相間，炆得相當入味，私心推薦！而魚香茄子絕對是送飯必選，軟腍掛汁，亦是英姐推介必食之一。
餐廳主要由大廚謝師傅和英姐二人打理，英姐負責樓面和買餸等工作；而謝師傅更是早上一人在2小時內炒出新鮮餸菜，每日如是。當日門外不停地播放着「$38午市放題，20款餸」的叫賣聲，$38的價錢能在鬧市中食到一餐飽肚飯實屬難得，英姐表示餐廳附近是街市、舊式民居等地，居民消費價格不高，所以以實惠街坊價希望令他們食得開心滿足。記者當日在場眼見11點已有街坊等侯出爐，其後時間亦不斷有顧客光顧，坐無虛席。
英姐表示除了附近街坊及學生會恆常光顧外，不少人亦會專乘到訪一試。各位若然都想試試平靚正的小菜放題，這裏絕對是個不錯的選擇呀！
【農家樂湛江私房菜】
地址：旺角廣東道1100-1102號地舖
電話：2603 7883／5265 4938
$38午市放題時段：11:30am-3pm
-
吹水
每日發掘一個新角度📸EP8
每日發掘一個新角度📸EP8
閱讀更多
-
香港攻略
千海水產海鮮火鍋放題（荃灣店）
超正海鮮放題
真係正到黐線x10000 出story嘅時候已經俾人炸爆私訊 個個都話呢間正‼️仲教我拎圍裙添🤣 呢個價錢呢個質素真係冇得彈 😱海鮮好生猛😱直程捉都捉唔住添🤣 牛仔骨係我食過咁多間放題最出色🤤 我一個人已經食咗10嚿牛仔骨了🤣 而且新出嘅甜品都係唔錯‼️ 鍾意海鮮放題嘅一定要試 而且每個海鮮個牌裏便都會有佢煮嘅時間 所以係非常之細心✨ 揀完海鮮放低俾佢拎個牌 佢會幫你洗乾淨 咁上下就去拎就得㗎啦👍🏻👍🏻👍🏻 新鮮撈 新鮮食 爽歪歪👍🏻👍🏻👍🏻 晚市仲有呢個鹽焗蟹 啲蟹膏多到爆✨ 📍千海水產海鮮火鍋放題 (荃灣) 荃灣大壩街4-30號荃灣廣場B1樓B126號舖 電話:36222223/36222226 #荃灣#放題#美食#海鮮#高質
閱讀更多
-
香港攻略
莆田
原來莆田今天踏入26週年啦🥳 店員更送上辣媽醬,慶祝26周年晚市活動! 聽店員說去到10月31日晚市用餐就有啦 點選鰻魚孖寶組合 $298 超抵 普寧豆醬焗活鰻魚 選用出口日本鰻魚,豆醬香味俱全,鰻魚肉質口感惹味 加配 脆皮蒜香雞 (半隻) 另甜品 榴槤撞奶 新品有驚喜 探用馬來西亞榴槤,榴槤控大愛
閱讀更多
港生活人氣本地熱話
↓【送禮】七海健絡康復草天然減痛膏500支↓
↓【限時搶⚡】moonwell尊貴花膠食療系列養生燉湯↓
↓正宗原條花膠筒｜滋陰養顏↓
U GO 本週好去處
