尖沙咀室內新派大排檔 復古裝修!懷舊焗魚腸/串燒拼盤/脆皮牛肋骨

文: 李沛堯
2024.02.17

尖沙咀一間新派港式大排檔,餐廳內部裝修極具玩味之餘,菜式選擇亦集齊潮洲打冷、撚手小菜、串燒等不同風味,近日餐廳還推出一人小菜午餐,無論是一個人想食lunch或是約上一大班朋友「啤一啤」都是一個不錯的選擇,即睇餐廳詳情及菜式介紹!

位於尖沙咀的「港久新街」為室內新派大排檔,內部採用最具香港代表的霓虹燈元素,超級復古吸精,仿效八、九十年代的「走鬼檔」風格,讓食客置身於舊時代嘆小菜。餐廳提供菜式繁多,包括店內主打港式大排檔小炒、潮式滷水、串燒等,適合大家約上朋友慢慢食,慢慢傾。

即刻去片

餐廳推出的一人小菜午餐大受食客歡迎,$56就能食到焗魚腸或蠔仔餅,配以米飯/菜飯/麵類再連餐飲,以尖沙咀午市來說都算幾抵食。而餐廳最近更搞搞新意思,推出「港久任你飲」活動。只要每日下午2點半至5點到餐廳惠顧套餐,即可免費無限添飲跟餐飲品,在兩個半小時內無限續杯也ok!各位不妨到場嘆tea之餘挑戰飲到幾多杯茶記餐飲!

散叫方面,多款串燒抵食送酒一流,其中蒜蓉燒蠔超惹味只需$16.8/隻就能食到。蒜香元貝($38/隻)及燒虎蝦($38/隻)咸香適宜,燒過後仍然保留到鮮味。如果不想散叫想試匀招牌串燒,可選串燒拼盤($368),有齊活白鱔、元貝、大虎蝦、牛肉串、五花腩及雞肉串。

最後當然不少得店內招牌小菜,有現今因工序繁複而買少見少的懷舊焗魚腸($98),香滑蒸蛋下滲出魚油香,不會過腥絕對推薦。而滷水拼盤($248)配上滷水汁超入味且充滿酒香。另一招牌香酥脆皮牛肋骨($268)份量超有驚喜,原條牛骨呈上外脆內軟,10分推薦!

港久新街 Soul Guide

地址:尖沙咀金馬倫道5號太興廣場二樓 (尖沙咀站B2出口)

免費續杯優惠時段:2:30 pm - 5:00 pm

訂座電話:2336 6338

Whatsapp:6382 3683

 

活動資訊

  • 地址 尖沙咀金馬倫道5號太興廣場二樓

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓