香港逸蘭銅鑼灣酒店翻新重開！188間法式客房/必試餐廳蒸籠甜品、港風調酒

安妮媽媽

親子

深圳

【 俯瞰高空美景｡深圳車公廟逸扉酒店 】

【 俯瞰高空美景｡深圳車公廟逸扉酒店 】 🎄聖誕假期去深圳玩3日2夜,我哋選擇入住｢深圳車公廟逸扉酒店｣,睇中佢嘅頂層客房可以一覽無遺深圳灣美景,日落時分好靚呀! ☕️一個價錢就可入住高級套房,包雙人早餐+雙人自助水果+雙人膠囊咖啡+免費使用健身器材,好抵呀! 🌇酒店房環境舒服乾淨,大床足夠2大2小一齊瞓,設施齊全,雪櫃內的小食飲品可免費享用｡最吸引係客房位於高達 160米嘅高空,可眺望一覽無遺海景,影相打卡好靚架! 🥐酒店大堂典雅,有輕鬆休閑的感覺,大堂供應咖啡､輕食等｡酒店職員親切友善,對小朋友好熱情｡酒店仲有24小時健身房､自助洗衣房以及會議室｡ 🍳自助早餐係頂層嘅270度海景餐廳享用,可以一邊嘆美食,一邊欣賞靚景｡🧸酒店樓下就有個大商場,有好多餐廳､飲品店和兒童玩樂設施,好方便,可以玩足一日｡ ⭐️快啲book番晚去玩下啦! ➡️ https://www.kkday.com/zh-hk/product/176998?cid=11438 ——————————————— #KkdayHK#深圳車公廟逸扉酒店#深圳假日好去處#深圳#深圳親子遊#親子好去處#動物園#chill賞遊世界#chill歎旅遊 #安妮媽媽親子日記 IG: http://www.instagram.com/Annie_mama_diary FB: https://www.facebook.com/Anniemamadiary Blog: https://blog.ulifestyle.com.hk/blogger/anniemamadiary/

Cynthia Cheung

泰國攻略

曼谷新通凱賓斯基酒店

終於搵到我心目中嘅no.1曼谷五星級酒店

去咗咁多次曼谷,住過唔少五星酒店,今次終於遇到我心目中嘅Favorite! 就係Sindhorn Kempinski Hotel Bangkok啦~ 其實係1月嘅時候去,不過最近先得閒同大家介紹下｡呢間酒店位置鬧中取靜,房間空間大到誇張,放鬆感一流,想推介俾大家好耐! 📍 交通 提提大家,交通係唔方便的,因為唔係直駁BTS,要行15分鐘路先到酒店,沿路又無乜野行,BTS搭車過去都要3-5分鐘｡ 不過酒店提供免費shuttle服務(7人座房車),可以直接送到Chit Lom BTS､Ratchadamri BTS等等,好方便又舒適｡我個人出入就基本上都係靠搭車或叫shuttle｡ 附近有倫披尼公園,環境寧靜,無市中心嘅喧鬧擠迫｡(本身好擔心唔方便,但酒店其他質素太好,所以覺得唔方便都唔緊要,但係唔中意搭車出入嘅朋友可能未必啱) 🏨 大堂 一入到大堂已經覺得超有氣派,裝修好雅緻,處處打卡位,落地玻璃引入大量自然光,後面仲有個大花園,大花園又連接一個好多餐廳同有超市嘅小型高級商場｡ 每日都有現場演奏,坐低飲杯野都覺得好享受,好多人唔係住呢度都專門黎食Tea｡ 🛏️ 房間 今次住咗一房嘅套房,酒店大部分房間嘅size喺曼谷五星酒店入面應該都算數一數二寬敞｡ 套房裡面有小型洗衣間､開放式廚房(焗爐､煮食爐､大型雪櫃､咖啡機､餐具等等全部都齊)､客飯廳､小露台､睡房､更衣室､廁所(浴缸加淋浴)｡床鋪舒適,隔音一流,夜晚安靜可以好好休息｡浴室嘅大浴缸有包埋頭枕,浸浴超relax,而且洗護用品全部用西班牙頂奢品牌｡值得一提嘅係,清潔水準極佳,好少遇到酒店咁乾淨,真係好難先搵到一粒塵｡ 🏊‍♂️ 設施 9樓有個無邊際泳池,一部分伸出建築外,大部份位置都有遮蓋｡成個泳池唔算太大,但係好啱我呢d中意游水又怕曬嘅煩膠人士,而且服務極佳,一坐底就送上冰水,客人一離開張沙灘凳,就即刻有人拖地及換凳上嘅毛巾,衛生程度一流｡ 健身室設備超級齊,係專業級水準,有d機24 7都無見過,但係景觀以公園為主,唔算wow級別嘅景觀｡ 🍽️ 餐飲 喺酒店食咗早餐,款式豐富有心思,而且食材用料好高級,有室內室外座位,好舒適,好浮誇地係度食咗3hrs但係都食唔曬全部款式｡ 酒店裏面仲有好多米芝蓮餐廳,今次就無試到啦~大家如果試完可以share返比我知｡ 價錢方面幾浮動,因為呢間酒店都幾受商務客同遊客歡迎｡連早餐大概每晚2000到3000港幣不等(視房型同季節),唔連早餐可以再平啲,最平見過1000中到尾都有,旺季就自然貴啲｡ 總結嚟講,如果你鍾意喺曼谷慢慢chill,追求大空間､寧靜環境同五星級嘅服務,而近BTS同大型泳池唔係你最關注嘅Point的話,Sindhorn Kempinski真心好正~住完真係會唔捨不得走,推介比想喺曼谷好好放鬆嘅大家! #曼谷週末遊 #酒店推介系列 #曼谷酒店推介 #sindhornkempinski #kempinski

Tracy Keong

珠海

不用港幣$1000！五星級酒店行政套房（包早、晚餐）

Crowne plaza旗下的酒店水準一向不錯 珠海這一間真的超級推薦 由前台､餐廳服務員到經理服務都很好 而且會再之前再次向您確認 免費將我們訂的房間升級至行政套房 雖然裝潢有一點年份 但房間所有細節位都非常整潔 而且有親手寫的入住歡迎信 非常窩心,還會給小禮物 餐廳的雙人晚餐水準也不錯(是包括在房費內的😍) 只是牛扒略嫌偏熟(哈哈,國內酒店的通病) 自助早餐符合一般五星水準 用餐環境舒適 略嫌有一點小瑕疵就是地下停車場很早就滿了 要在露天的地方泊車🥲 剛好下雨,所以泊車的位置有很多水氹 還有游泳池､Gym room､兒童遊戲室等設施 性價比是超值的五星酒店 #珠海#珠海自由行#珠海五星酒店#超抵五星級酒店#大灣區旅遊#珠海旅遊