SUKIYA青衣店開業送限量紀念品！壽司郎/燒肉like等日式餐廳陸續進駐
青衣Sukiya正式開業啦！日本人氣牛丼專門店Sukiya（すき家）現已進駐青衣，開設全新分店還有紀念品送贈食客！Sukiya青衣分店是繼早前將軍澳開店後又一新店，取替已結業的別府九州拉麵舊舖位。除此，青衣亦有多間日式餐廳陸續準備進駐，街坊日後可以有多個選擇，而且無需再跨區，非常方便。
Sukiya青衣店正式開業
Sukiya（すき家）進駐青衣城開設全新分店，據悉，該舖位原先為已結業的別府駅前料理，今次由日本牛丼專門店Sukiya承租，令不少街坊大感驚喜！今日起（9月10日）Sukiya青衣城店正式開業，官方宣布推出特別活動。指開幕當日起，凡選購主餐包括堂食或外賣的食客，將獲贈限量開幕紀念環保購物袋乙個，大家記得留意喇！
開業首日人流旺
開業首日餐廳都未開始營業，就已經令不少青衣街坊急不及待！有網民在Facebook群組「青衣街坊吹水會」上傳一張相片，稱「第一日開張情況」，樓主亦表示「趕返工，冇得試下個早餐」。相中可見，Sukiya的大閘都未完全拉起，就有數十位街坊在門外排隊、看餐牌。有街坊留言表示「未開門就排咁誇張」、「估唔到咁多長輩排隊」。
多間餐廳陸續進駐青衣
另外，青衣城亦有多間日式和越南餐廳進駐，連日本人氣壽司郎、燒肉like都有！而新開張的香港首間越南vietmiam及吉列豬扒專門店Tonkichi已經吸引不少街坊。有街坊興奮表示，「太好啦，終於有平價嘢食」、「終於吾洗特登出旺角食啦」，都有人笑指青衣城進駐大量日式餐飲品牌，笑言「變左日本城」 ；都有街坊預測屆時肯定「日日爆場」、「排長龍」。目前店舖準備裝修工程，開幕日期有待公布。
▼多間日式和越南餐廳▼
Sukiya餐牌及分店
Sukiya（すき家）於2019年12月進軍香港旺角開首間分店，及後持續擴張至油麻地、尖沙咀、黃埔、將軍澳、灣仔等，若計及青衣新店，目前於全港共有12家分店。
▼即睇部份Sukiya餐牌▼
▼Sukiya 調景嶺店▼
▼Sukiya 樂富店▼
▼Sukiya 灣仔店▼
Sukiya青衣店詳情
地址：青衣青敬路31-33號青衣城1 3樓301A號舖
開業日期：9月10日起
營業時間：09:00-22:00（最後落單時間：21:30）
<< 提醒大家，圖片只供參考，實際款式視乎分店存貨！購買前留意訂購平台的使用條款及細則，一切以訂購平台及餐廳公佈的價錢為準。數量有限，售完即止；所有優惠細則更新至文章發佈日期，訂購平台及餐廳保留更改優惠權利，U Lifestyle 概不負責。>>
-
日式料理
青衣城一期
📍 とん吉日式吉列豬扒專門店 @ 青衣城
同大細寶去青衣城行, 突然識食爸話去食新開嘅とん吉日式吉列豬扒專門店😋真係好味道~ 今次食左吉列豬扒､豬柳同蠔, 真係食得好開心🤗 🐷 吉列豬扒超級鬆軟, 咬落去外脆內嫩, 肉汁滿滿, 完全唔會乾😍 豬柳就多咗啲嚼頭, 肉質一樣Juicy, 炸粉薄薄一層, 食得出豬肉嘅鮮味｡🦪蠔更加係驚喜, 炸完仲好嫩, 入口有海鮮香, 點少少他他醬👍 𓇢 一坐低, 店員拎咗個小缽同芝麻俾我哋自己磨, 磨完嘅芝麻好香🥄 將芝麻混入佢哋特製嘅吉列醬, 香氣同醬汁好夾, 點豬扒食好加分!! 呢個小環節真係幾好玩又有日式feel~ 🌟 沙律菜同飯任食 最正係沙律菜同白飯可以無限添🥗🍚 椰菜絲好新鮮,配上柚子醋或者芝麻醬,爽口又解膩,食完一碗再添都無壓力!白飯粒粒分明,配吉列食好滿足! 環境好日式, 坐位闊得黎又舒服,仲有提供BB椅, 好岩帶埋小朋友去食💖 餐廳:とん吉日式吉列豬扒專門店 地址:青衣城1 期2樓212A號舖 #港鐵商場#MTRMalls#青衣城#MaritimeSquare#青新生活#青衣美食
閱讀更多
-
日式料理
青衣城
來青衣城一定要試下呢間新開張日式餐廳！
青衣城交通超級便利,與港鐵青衣站連接就去到 最近仲開左好多新餐廳 其中一間就係炸豬扒出哂名嘅とん吉 當然即刻去食佢個定食,好吸引🤩 . 點左滑蛋吉列深海大蝦､廣島生蠔､豬柳伴刺身定食,真的超級豐富😍刺身肥美新鮮,大蝦和生蠔炸到金黃色相當脆口又鮮味,豬柳厚身又juicy,配滑蛋飯好滋味😋大愛生菜可以無限refill,小食軟殼蟹脆卜卜,好滿足豐盛的晚餐🥰 . . 餐廳:とん吉日式吉列豬扒專門店 地址:青衣城1期2樓212A號舖 #港鐵商場#MTRMalls#青衣城#MaritimeSquare#青新生活#青衣美食
閱讀更多
-
日式料理
青衣城
蔡瀾都推介嘅｢吉列豬扒天花板｣‼️
♡ Tonkichi Tonkatsu Seafood ♡ . 連蔡瀾都推介嘅吉列炸豬扒專門店 被譽為｢吉列豬扒天花板｣嘅とん吉日式吉列豬扒專門店‼️終於喺青衣城新分店 環境優雅舒適✨ . 📌吉列上級豬扒定食 $136 店家招牌 唔係講笑勁好食🥹用上九州農場上級豚肉🐷炸至金黃酥脆唔油膩🔥肉質軟嫩爽彈 油脂豐富 鮮味十足 甘香juicy🥩醬料都好正宗 芝麻放入擂缽 比客人自己磨碎🥣再拌入濃稠秘製豬扒醬汁 勁惹味🤎配有日本椰菜清甜爽脆 中和油膩感 撈埋紫菜汁同柚子汁 更清新香口🥬日本白飯飽滿分明 柔軟富黏性 米香濃郁🍚兩款都任添架 啱晒大胃王🤩隨餐附有鹹鮮味噌湯同漬物🍱最後仲有清甜西瓜 完美作結🍉 . 📌小豆島職人木桶醬油雪糕 $52 強烈推介必食❤️🔥牛奶雪糕濃厚軟滑🍦醬油絕對係畫龍點睛💯兩者完美結合 甜中帶鹹 出奇地變左焦糖味🍮加埋大大粒黑豆 真係食到停唔到口🖤 . 📌刺身小鉢三點､日式蒸蛋､胡麻蕃茄 +$38 刺身好新鮮 三文魚油甘魚肥美甘香🍣生蝦爽嫩鮮甜🦐日式蒸蛋超滑溜 啖啖蛋香🥚胡麻蕃茄酸甜多汁 清新香口🍅 . 📌本格咖啡 +$26 咖啡甘苦濃醇☕️ . 📌日本泡茶 $9 入座就有 每位計🫖焙茶香氣濃郁 玄米茶清爽解膩🍵 . 📍とん吉日式吉列豬扒專門店, 青衣城1期2樓212A號舖 🏷️ @tonkichitonkatsuseafood @maritimesquarehk #寶寶食盡青衣 #港鐵商場#MTRMalls#青衣城#MaritimeSquare#青新生活#青衣美食
閱讀更多
港生活人氣本地熱話
《U GO》請您睇《末日聖母號》！
史詩科幻電影🌌Project Hail Mary🚀
《U GO》請您去國際潮流文化盛事ComplexCon香港2026！
匯聚最新潮流、流行文化、音樂、藝術等🌟
假日好去處