茶果嶺海濱公園「發吽哣大賽」！一連三天免費參加 工作坊/展覽/放空體驗區
「Chill想放鬆祭2024」將於5月起正式開始第2站，於茶果嶺海濱公園及灣仔「水上運動及康樂主題區」舉行，今年以「放空」和「夢境」作主題，一共有5大區域讓大家透過不同工作坊與體驗活動，務求讓都市人在海濱自然景色下舒壓休息，恢復能量。其中更會於5月12日破天荒舉辦「發吽哣大賽」，勝出者有機會獲取豐富獎品！一於報名讓自己有藉口發吽哣啦！
港人生活壓力大，久不久一定要鬆一鬆，以免爆煲。發展局和海濱事務委員會聯同香港遊樂場協會合作舉辦關注精神健康活動 —— 「Chill想放鬆祭」，讓各位市民可以好好放鬆歇息。參加費用全免，有時候不妨到場睇睇，參考解壓小貼士。
活動分成3周在3個海濱場地舉行，並分別以「睡眠健康」、「放空」和「夢境」為主題，提供一系列的互動體驗，場內將設置「放空裝置體驗區」、「戶外放鬆活動區」、「主題展覽區」、精神健康主題攤位及工作坊。
而5月起正式開始第2站，於茶果嶺海濱公園及灣仔「水上運動及康樂主題區」舉行，同樣設置5大區域讓大家體驗，所有活動費用全免，而當中最特別是大會將於5月12日破天荒舉辦「發吽哣大賽」，地點是茶果嶺海濱公園，勝出者有機會獲取豐富獎品，大家一於同朋友報名去chill下啦！除此之外，活動期間設置了「放空裝置體驗區」，讓大家在豆袋梳化攤唞裝置上放空或靜觀，同時亦有不同體驗班，包括戶外瑜珈、動物流(Animal Flow)、空靈鼓及筋膜刀；一系列手作工作坊及「主題展覽區」，大家千萬不要錯過啦！
另外，灣仔「水上運動及康樂主題區」為大家帶來三天以「夢境」為主題的活動 —「Chill想Day Day Dream」。大家不要錯過「放空裝置體驗區」內的巨型床褥裝置，讓入場人士打卡之餘，更可以在舒適的灣仔海濱「發白日夢」。場內更有「睡眠衛生主題攤位」，舉辦一系列「夢境」主題工作坊，包括「解夢工作坊」，讓參加者透過夢境了解自己的精神狀態。市民亦可以到「戶外放鬆活動區」，參加一系列放鬆活動！
活動詳情
日期：2024年5月10日至12日（星期五至日 | 3天活動）
時間：上午11時至晚上8時
位置：九龍觀塘偉業街
交通：觀塘港鐵站B1出口步行約13分鐘或藍田港鐵站D1出口步行約15分鐘
活動詳情
日期：2024年5月31日至6月2日 (星期五至日 | 3天活動)
時間：上午11時至晚上8時
位置：灣仔北沿鴻興道至鴻興道天橋對開
交通：從灣仔會展站A2出口步行約5分鐘；從灣仔渡輪碼頭步行約５分鐘；銅鑼灣港鐵站C出口步行約9分鐘
活動詳情
來源：撲飛
同場加映：【著數慳家王】最新影片
活動資訊
- 開始日期2024年5月10日 - 2024年5月12日
-
親子
茶果嶺海濱公園
Chill想齊齊放空活動
上個星期同Kaylie 參加咗由發展局及海濱事務委員會聯同香港遊樂場協會(遊協)合作喺 #茶果嶺海濱公園舉辦嘅Chill想放鬆祭!活動除咗有各種免費工作坊同活動班之外,仲有獨特嘅咖啡靜心工作坊､頌缽､瑜伽同動物流等等｡ 雖然當日天氣不似如期,但都無阻參賽者們嘅熱誠!媽咪第一次見識到何謂 #發吽哣大賽~ 😙😙原來真係好認真地成個過程除咗可以用耳機之外,其他所有電子產品都唔可以用!仲會定時check住參賽者們嘅心率𠻹! 一連串嘅活動主要係想帶出關注精神健康､放鬆攤唞等等對現今每日營營役役工作嘅香港人嚟講,學會放鬆心情､停一停慢活一下其實對我哋身､心､靈都有好大嘅幫助🥰 嚟緊5月31日 - 6月2日一連三日喺 #灣仔｢水上運動及康樂主題區｣會以｢夢境｣為主題嘅活動,除咗有 #解夢工作坊,可以俾參加者以簡單線條及圖畫表達夢境,從而了解自己嘅精神狀態｡另外仲準備咗 #戶外放鬆活動區,提供一系列放鬆活動,例如筋膜刀､動物流､瑜伽等,讓大家可以放鬆兼回復能量,咁就 Day Day 都可以擁有 Sweet dreams! Chill 想放鬆祭 | Chill 想 Day Day Dream 📍地點:灣仔｢水上運動及康樂主題區｣ 📆日期:2024年5月31日至6月2日 ⏰活動時間:上午11時至晚上8時 活動班包括:筋膜放鬆棍班､AninalFlow､筋膜刀班及頌鉢體驗班等 工作坊包括:五感放鬆工作坊､酒精墨水畫班及解夢工作坊等 👉🏻立即報名及瀏覽更多活動資訊: https://www.popticket.hk/chill-relax-festival2024 *活動須網上登記｡所有活動費用全免,名額有限,先到先得,額滿即止! #HKPA#香港遊樂場協會#遊協#Chill想放鬆祭2024#海濱公園#精神健康#發吽逗大賽#一起遊樂攜手成長
閱讀更多
-
打卡熱點
荷里活廣場最近有個超正嘅展覽叫「心靈護航 Mind Your Mind」，絕對值得打卡參觀！展覽入面有唔同嘅展品，大家可以搵到最啱自己解壓嘅方法。除咗可以關心下身邊人，亦都可以好好照顧自己，學下點同自己嘅情緒相處，令自己心情更加平靜。 仲有一個好特別嘅地方，就係有一間「負壓房」，入到去就可以盡情大叫、放負，把心中嘅壓力全部釋放出嚟，情緒得到發洩，真係好舒服架！而且現場環境好舒服，冇職員看守，大家可以盡情放鬆，睇幾耐都冇問題，完全冇壓力，就算係i 人黎到都會感覺好舒服 😊 現場見到好多大人、小朋友，甚至學生都會嚟玩放鬆。我自己去參觀完之後，心情真係舒服咗好多。 而且星期六日仲有問答環節同其他工作坊，好適合一家大細一齊嚟享受呢份輕鬆愉快嘅時光。 我極力推介大家喺參觀完展覽之後, 一定要用最靚的心情打卡影相, 因為到有一日, 如果覺得自己情緒唔太平靜, 就可以翻睇返啲相，回想下點樣放鬆自己，做到真正嘅「心靈護航」！ #打造健康運動生活
閱讀更多
-
打卡熱點
陪您森呼吸，療癒心靈 🌿❤️
陪您森呼吸🌳照顧者療癒之旅💫🌬️✨ 愛其他人之前,首先要先愛自己🫶🏻 大自然係療癒心靈嘅庇護所🌱係喚醒人們內在力量嘅泉源💪🏻 我平時都會去海邊聽住海浪聲睇日落,成個人會好平靜同放鬆! 嚟緊進入照顧者月,｢陪您森呼吸🌳照顧者療癒之旅｣展覽已經開始咗喇⛵️希望呢一段暖心歷程可以比大眾了解到照顧者所面對嘅挑戰,亦為默默付出嘅照顧者提供沉浸式嘅五感療癒體驗🫶🏻從認識到諒解,一齊傾聽照顧者心聲,感受同行愛嘅溫度🩷 展覽期間除咗心靈療癒工作坊,可以免費參加 #心情瓶靜製作同埋 #空氣草療創作,享受過程中放鬆嘅時光!現場仲有豐富禮品派發🎁你哋都快啲約埋朋友一齊嚟啦~ 陪您森呼吸🌳照顧者療癒之旅 日期 📅 25-27/10/2024 時間🕛 12 - 7pm 地點 📍 太古城中心地下 (近誠品生活太古店) #Swireproperties#太古地產#LetsBreatheTogether#陪您森呼吸#太古地產愛心大使#CommunityAmbassador #UCreator#好去處#全新景點#狂歡partytime#日玩夜玩#出發打卡#想要人氣聯名系列
閱讀更多
港生活人氣好去處
《U GO》請您去Central Yards中環藝嚐展！
↓一齊開展一場睇得👀又食得😋嘅藝術展覽啦↓
《U GO》請您睇《末日聖母號》！
史詩科幻電影🌌Project Hail Mary🚀
假日好去處