香港街市致敬劉嘉玲龍蝦裝 推出買龍蝦減$10優惠！賀梁朝偉第6度奪金像獎影帝

hidden.lady

中式料理

嘉華餐室

海鮮控衝呀！屯門半價加工🤤🦀🦐

聽講屯門有間餐廳做緊海鮮半價加工優惠,北角人都要專登去實測下,睇下有無伏! 我地搭輕鐵去到屯門嘅良景站,餐廳就係站嘅隔離,要試海鮮加工緊係要有海鮮先,係餐廳隔離個良景市集就有一間好大間嘅海鮮檔,超多海鮮種類,有鮑魚､海蝦､貝類､蟹､花甲､龍蝦､長腳蟹､東風螺等等,全部都好新鮮生猛,係街市買海鮮明碼實價,完全唔洗驚俾人劏｡ 最後我就買咗1斤花甲王､1斤花竹蝦同埋1隻波士頓龍蝦,之後就去咗餐廳加工,有蒸､炒､煮､炸等多款煮法,價錢公開,決定好煮法就同店員溝通｡ 價格參考: 豉椒炒花甲王(1斤)($58)加工價$45/斤 豉油王炒蝦(1斤)($108/斤)加工價$45/斤 上湯焗波士頓龍蝦(1隻)($158/隻)加工價$50/斤 等咗15分鐘左右,海鮮就開始上枱喇!豉油王花竹蝦,炸到啲蝦殼好脆,豉油汁濃郁入味,蝦肉爽口｡豉椒炒花甲王,1斤估唔到咁大碟,完全唔覺得有偷工減料,花甲鮮甜,鑊氣十足,香辣惹味｡上湯焗波士頓龍蝦開邊啖啖肉,肉質彈牙,蝦肉索晒啲湯汁,真係超正! 最後埋單記得用張半價coupon,原本加工費要$140,而家$70就搞掂,真係抵到無人信,coupon淨係可以平日17:00後使用,優惠到9月30日,趁有優惠真係要黎食多幾次先得喇! 環球海產 新界屯門田景路31號良景街市良景廣場地下 67-69號鋪 嘉華餐室 屯門田景路31號良景廣場地下良景市集LK1號舖 #良景市集#環球海產#海鮮加工#嘉華餐室#屯門友#屯門好去處#屯門新地標#好好食

J Yen

打卡熱點

豪宴薈

銅鑼灣豪宴薈晚飯優惠！😋 四大菜式$88起！

年尾流流,都係飲飲食食為主,在港消費其實都有好多好嘅選擇｡銅鑼灣豪宴薈晚飯推出四大優惠,由$88起 💥砂鍋雲吞雞 💥薑蜜叉燒王 💥老壇酸菜魚 💥椒鹽大連鮑魚 仲有開心孖寶有開心價$358 😋上湯焗西澳龍蝦🦞送稻烏冬底 😋脆皮吊燒雞半隻 再加點蒜蓉炒芥蘭,蟹肉粉絲煲,清蒸海魚 十分豐富晚餐,每道菜味道都啱啱好,已成為老best飯堂｡ {{hket:campaign display="食飽過馬年"}}{{/hket:campaign}}#打卡美食#香港美食#相機食先#ucreator#foodie

LctyFamily

打卡熱點

國穗軒 (沙田)

酒店中菜廳開心孖寶套餐😋

家姐👧🏻二哥👦🏻補習完📚一見到兩個都話餓到暈😆 經過帝都酒店見到｢國穗軒｣晚市有個｢開心孖寶套餐｣—— 平日$348就食到原價$538嘅組合🤩包半隻脆皮吊燒雞🐓同埋1斤西澳洲龍蝦🦞仲送烏冬底!👧🏻👦🏻即刻衝入去坐低食😁 話哂都係位於酒店內嘅國穗軒夠曬闊落,檯與檯之間唔會逼夾,帶住小朋友都坐得舒服｡服務真係要讚,服務員會主動拎小朋友餐椅同餐具🍴換碟､添熱水都好快手👍🏻❤️ 🍽️ 我哋今次order咗: ✅ 開心孖寶套餐 - 吊燒雞皮真係脆卜卜,肉嫩有雞味;龍蝦用上湯焗,鮮甜彈牙,撈埋稻庭烏冬吸曬湯汁👍🏻 ✅ 拔絲新鮮菠蘿嚕肉 - 外層酸甜脆身,入面肉質軟熟,菠蘿新鮮解膩,家姐仔👧🏻都話好味😋 ✅ 黑椒金薯牛柳粒 - 牛柳粒夠腍,金薯甜糯,黑椒香得嚟唔嗆喉,二哥👦🏻食到舐舐脷! ✅ 西蘭花炒花枝珊瑚蚌 - 鑊氣足,海鮮爽口,西蘭花翠綠｡ 🌟 另外見到佢哋｢三大皇牌｣做緊$68起,包括沙汁大蝦球､老壇酸菜魚同薑蜜叉燒皇,下次一定要試! 💬 真心話:環境舒服 + 服務好 + 價錢抵食,絕對係家庭飯聚之選｡套餐優惠份量足,5個人食都夠飽!不過優惠期同數量有限,想試就趁手啦~ ………………………………………  @hoyingroup 國穗軒 (帝都店) |地址|沙田白鶴汀街8號帝都酒店1-2樓 *優惠期及產品數量有限,售完即止｡ 推廣詳情請參閱店內宣傳品｡ #豪宴薈#HoYinBanquet#afternoonteahk#香港美食#UCreatorHK#BESTFOODwithUCreator#新界美食#香港地道美食#香港美食#UCreator#打卡美食#好去處#隱世打卡點 #打卡