情侶打卡必讀！跟小塵埃遊屯門5大超美景點推介趣綠平台睇日落兼玩「趣在一起」嘉年華

文: a.Ki

2024.06.14

香港人多車多，難得放假想同另一半嚟個甜蜜約會都唔係咁容易，既係情侶又係樂隊伙伴—小塵埃嘅Jonathan同Pollie就最愛遊走屯門唔同角落，既有自然美景又有靚商場同餐廳，一日約會提案都可以有好多唔同主題，輕鬆影到打卡靚相，留下二人嘅甜美回憶。一齊睇吓小塵埃最愛嘅屯門5大超美景點，當中仲有集睇日落、打卡、食飯、購物優惠同好玩嘉年華活動嘅私藏景點，情侶們跟住玩就可以輕鬆享受浪漫又精彩嘅拍拖時光。

小塵埃帶你遊屯門 5大打卡景點逐個數

1. 屯門海濱花園 + 幻愛橋
劉俊謙近來憑《九龍城寨之圍城》飾演『信一』而爆紅，當年一樣口碑極好嘅《幻愛》亦被不少影迷攞出來考古，事實上電影中不少動人又浪漫嘅場景，都係喺屯門取景，當中包括自電影推出後直接被大眾暱稱為「幻愛橋」嘅屯門海濱長廊一帶。海濱長廊坐擁一望無際嘅大海景，最啱邊散步邊打卡，日落期間更可睇住橙黃色嘅夕陽落入海平線，此情此景，浪漫滿分。

點擊圖片放大

2. 屯赤公園浩和街
同樣係無敵大海景，種有長長一排棕櫚樹嘅屯赤公園浩和街就更有異國風情。位於屯赤隧道屯門入口附近，浩和街嘅沿海堤壩人煙稀少，旁邊更有一大片草地，還有棕櫚樹配合藍天白雲營造極具度假感嘅空間，讓你忘記自己身處香港！

點擊圖片放大

3. 藍地水塘 + 彩虹欄杆
藍地水塘被譽為屯門人嘅後花園，由屯門站行到山徑入口只需約5分鐘，之後慢慢沿著山徑步行，就可以來到長達200米嘅彩虹欄杆，居高臨下一覽屯門全景之餘，仲可以同色彩繽紛嘅彩虹欄杆打卡，一次滿足兩個願望。之後再往藍地水塘方向前進，水塘雖然不大，但長年常滿，四周翠綠自然，讓人心曠神怡，回程可選擇走到藍地大街，這裡更有藍地壁畫牆可順道一遊。

點擊圖片放大

4. 青山村站
輕鐵係遊走屯門交通工具嘅不二之選，近年更有網友發現唔少輕鐵站或途經之地都好有外國情懷，為香港繁忙的生活中帶來片刻的悠閒氛圍。小塵埃最愛嘅其中一個打卡車站就係附近只有工廠及學校嘅青山村站，成個Vibe勁有feel，打卡一流。

點擊圖片放大

打卡/美食/嘉年華海趣坊一站式消閒好去處壓軸登場必玩6月底「趣在一起」嘉年華

去勻以上4個景點打卡，係時候醫肚兼shopping，壓軸登場嘅第5個景點就集合咗靚景、餐廳、購物甚至有期間限定活動玩，作為約會尾聲嘅最佳目的地。位於屯門碼頭上蓋嘅海趣坊，不單有極多元化嘅商店同餐飲選擇，更有面積近萬呎嘅戶外空間「趣綠平台」，可以坐喺造型可愛嘅雲櫈之上，欣賞廣闊開揚嘅海景，邊享受雪糕感受夏日甜蜜滋味，更可以舒舒服服欣賞日落美景。想約會更有儀式感，仲可以喺商場嘅十幾間餐廳當中選擇心頭好，訂定位共享美味晚餐。

點擊圖片放大

海趣坊喺6月最後一個周末，仲會舉辦好玩多FUN嘅「趣在一起」嘉年華，到時趣綠平台將會有多個以運動及環保為主題嘅攤位遊戲，人人都可以免費參與，「MTR Mobile」登記會員更可以邊玩遊戲邊集蓋印，集齊蓋印即可換領精美小禮品乙份，禮品數量有限，先到先得，換完即止。

嘉年華期間商場亦同時推出感謝折活動，場內多間人氣商戶推出低至45折貨品優惠，不論食買玩都有折！當中包括：

鯉魚門紹香園黑豆黑芝麻糕（粒裝）低至45折
FREE JUMP and move LE COQ SPORTIF 輕便斜孭袋低至6折

情侶們不妨趕在暑假未到之前，到屯門各浪漫景點打卡兼玩嘉年華遊戲，最後仲可以以浪漫晚餐同超抵購物優惠，為完美嘅一天約會作結。

「趣在一起」嘉年華
日期：6月29日至30日
時間：1pm-6pm
地點：海趣坊戶外空間「趣綠平台」 (意樂餐廳旁)

更多屯門南生活趣點：
https://www.tuenmunmtrmalls.com/tch

*Source: 海趣坊

更多真實評價

Seacole Law

打卡熱點

灣仔渡輪碼頭

鴨仔🐥船漫遊灣仔海旁

灣仔渡輪碼頭附近既鴨仔船,交通非常方便,可以係尖沙咀坐船到達,再同伴侶漫步海邊,日落時份一齊踏鴨仔船去觀賞海岸美景,打卡合照留念｡ #UCreator#好去處#打卡#隱世打卡點{{hket:campaign display="情人節甜入心"}}{{/hket:campaign}}

閱讀更多
Hahaarmuiha

親子

屯門新村

## 藍地大街壁畫打卡📸 超靚😍

天氣好當然要四圍去睇吓今次去左藍地屯門新村壁畫都打下卡真心覺得超靚超靚超靚好多熟悉嘅卡通人仲有貓頭鷹🦉 貓貓🐱 同埋花花🌼🌼 最鐘意影花花好colorful 非常適合打卡~ 不過溫馨提示打卡時都要保持安靜呀! 因為始終是民居地方! 📍地址:屯門藍地屯門新村 🚉交通:港鐵兆康站再轉乘輕鐵往元朗方向於藍地站下車 #親子好去處#親子活動#aaronakb玩玩玩#打卡熱點#打卡好去處#hahaarmuiha#hkfoodie#親子blogger

閱讀更多
Heiman118

親子

屯門

🚋 $50 玩盡屯門！一家大細輕鬆遊！🎉

假日想搵啲新玩法？我哋一家就試咗新推出嘅「屯門發現號」🚉，真係好啱一家大細放電之選！👍🏻 #屯門發現號有咩咁特別？呢條專屬輕鐵旅遊專線，係港鐵響應「無處不旅遊」理念推出嘅，限周末同公眾假期先行駛，途經 #12個特選車站，仲有三大主題行程俾你揀：「網紅打卡之旅📸」、「覓食嚐鮮之旅🍴」、「親子同樂之旅👨‍👩‍👧‍👦」。車廂內外都係色彩繽紛嘅手繪插畫🎨，將屯門嘅文化景觀、動感活力同美食一一呈現，好有文青feel！✨ 📍行程推介1：屯門碼頭幻愛橋搭咗「屯門發現號」直接落屯門碼頭站🚉，行幾分鐘就到咗幼愛橋！呢座橋設計得好靚，橋上風景一流，仲可以望到海景🌊。啱哂打卡📸，真係點影都靚！小朋友仲可以喺附近放電跑跑跳跳，開心到飛起～🤣 📍行程推介2：屯門公園爬蟲館之後我哋再轉去屯門公園，入咗爬蟲館，入面有好多唔同種類嘅蜥蜴、龜龜🐢，仲有蛇🐍！小朋友睇到好興奮，仲學到好多動物知識～呢度係屯門公園入面嘅隱藏寶藏，絕對唔可以錯過！✨ 🎫 $50超值攻略！買咗港幣$50嘅「屯門發現號」旅遊套裝，除咗可以 #一日內無限次搭車，仲有埋好多實用嘅優惠券🛍️（例如港鐵站商店、星巴克☕、家得路購物券），禮品總值$150，物超所值！套裝仲附送咗打卡相框📸，影相一流～👍🏻 ✨屯門 = 假日親子好去處✨ 呢次搭「屯門發現號」，真係幫我哋一家發掘咗好多屯門嘅hidden gems！假日同小朋友一齊出發，感受屯門嘅獨特魅力，絕對係又開心又抵玩！🎉 想玩盡屯門，記得試下呢條輕鐵旅遊專線啦～🚉💨 #MTR #屯門發現號 #輕鐵旅遊專綫 #鐵路輕旅行 #親子同樂 #屯門遊 #輕鐵旅遊 #假日好去處 #屯門打卡 #玩盡屯門 @mtrhk @abovethelinepr #假日好去處 #MTR #親子同樂 #屯門打卡 #屯門發現號 #輕鐵旅遊專綫 #鐵路輕旅行 #屯門發現號有咩咁特別？ #12個特選車站 #一日內無限次搭車 #屯門遊 #輕鐵旅遊 #玩盡屯門 (此文章由U Blog 同步發佈至社群)

閱讀更多