掟彩虹砸界!Namco出動強大電視判斷獲讚專業好公道:VAR睇得清楚冇得嘈

文: 溫藹紅
2024.07.02

掟彩虹中獎與否經常成為爭議話題,有玩家更曾試過因為質疑店方判斷「砸界」而報警。近日就有網民留意到,有玩家在Namco大玩掟彩虹遊戲時,店員使用超強「大電視」判斷賽果,獲大批網民勁讚好專業之餘,更指「堅過英超VAR」,經放大的高清影像令賽果變得更加公道?不過相關操作早於多年前已經有店家採用。

掟彩虹砸界|Namco大電視判斷賽果獲讚專業 網民:堅過英超VAR

近日有網民在社交平台上載一段影片,顯示有市民在位於大圍圍方的室內遊樂場Namco大玩掟彩虹,有玩家一度掟中藍色內圈,職員隨即暫停遊戲,並且即場開啟大電視「對獎」。

相關文章:

 

從片中可見,職員開啟電視後,便以一個透明膠盒蓋向硬幣所在位置,拍片網民不禁大讚「非常認真」,雖然電視機中最終顯示「砸界」而未有中獎,不過認真判斷獲圍觀市民大讚,樓主更留言指「Namco嘅封牌上訴,真係堅過英超VAR」!

▼影片截圖▼

影片在網上瘋傳,有不少網民均認為員工專業,認為「有VAR睇得咁清楚就冇得嘈啦」、「咁樣幾好,起碼知道賽果」,笑指「大大個電視真係一條頭髮都唔會蝕畀你」、「差啲以為係骰盅,以為佢cup咗落去之後會起勢咁搖」。有網民則將Namco與美國冒險樂園對比,認為「「呢啲公道」、「冒險樂園真係輸曬」,不過其實後者早於多年前已經有運用大電視判斷賽果,不過今次店方所示畫面相當高清,變相更加容易避免出現「誤判」。

▼網民留言▼

資料及圖片來源:Facebook@慈雲山資訊交流

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】請您食卡樂B Potaland® 酸忌廉洋蔥味薯片!↓

↓ 濃郁開胃的酸忌廉味 + 香氣四溢的洋蔥味!↓

↓ 濃郁開胃的酸忌廉味 + 香氣四溢的洋蔥味!↓

↓【夏日送禮】送麒麟一番搾啤酒及夏日和風禮品套裝!↓

↓登記即有機會攞禮物番屋企↓

↓登記即有機會攞禮物番屋企↓