近年香港市況不景氣，餐飲、零售業等儼如步入寒冬期，相反健身行業就發展得有聲有色，其中健身室品牌24/7 FITNESS就持續逆市擴張，目前全港已經開設超過100間分店，有網民更曝有行內營運者指有賺無蝕，亦有網民表示去Gym room時經常迫爆，認為仍然有發展空間，品牌最近再宣布將連開8間全新健身室。
健身室24/7逆市擴張狂開分店 新界九龍將再連開8間新店
新冠疫情持續了3年多，逐漸趨緩後市民對健康的注重有增無減，帶動本地健身行業的發展，其中24/7 FITNESS（簡稱247）健身室近年就默默堀起，在香港愈開愈多分店，幾乎每個地區都不難見到健身室的蹤影。
行內加盟營運者曝人流不跌反升：惟入場費高
早前有網民透過討論發帖，指曾查看友人24/7 FITNESS加盟店的營業數據，「呢幾年出面個市好差，但係247仲賺緊，人流不跌反升，不過入場費（加盟）就好高，小型都要5球幾」；有網民留言加入討論亦指，「我朋友開左，冇蝕」。
翻查官網資料，目前24/7 FITNESS在香港已開逾100間分店（105間，已計及新店），其中香港區24間、九龍區38間、新界區41間及離島2間，主打24小時經營，12個月健身會籍收費最平為$520（每月）。品牌上月尾宣布，將連開8間全新健身室，分別進駐樂富、觀塘樂華商場、觀塘順利、粉嶺（第二分店及第三分店）、上水（第二分店）、大埔（第三分店）、及慈雲山，並預告即將開幕。
▼24/7 FITNESS健身室將開幕▼
▼24/7 FITNESS健身室地點一覽（不包括新店）▼
全港現時有不少健身中心以月費或年費計劃收費，不時推出優惠，更不需預繳費用，每月劃一收費。究竟康文署健身室VS健身中心邊間好？如何選擇健身室？即睇7大香港健身中心推介及收費整合！
相關文章：
網民：朝早九點到夜晚十二點都爆場 完全供不應求
健身室如此渴市，除了24小時開放，收費亦算合理，難怪愈開愈多。有網民認為會長做長有，「每間gym每日由朝早九點到夜晚十二點都係爆場要輪機，完全仲係供不應求嘅情況」、「只可以話而家仲係上升期，連飽和期都未到」，亦有人覺得「比起以前真係覺得多咗人做運動注重健康，$500月費又唔係貴鍾意幾時去又得，機又齊」。
▼網民咁睇▼
資料及圖片來源：連登討論區、24/7 FITNESS官網
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
