肉肉大米漢堡扒專門店登陸沙田新城市！ifc排隊店挽肉と米有對手？

foodie_emily

香港攻略

真人實測‼️香港霸王茶姬要排「咁耐」😱附3個貼士🌟減等待時間

內地人氣茶飲店霸王茶姬已於9月28日正式在尖沙咀K11開業｡試業首日(9月20日)已吸引大量顧客,聽聞有當天預計等候時間超過3小時,需輪候超過600杯以上,超受歡迎👏🏻!人氣大熱茶飲,當然要去湊熱鬧試吓新嘢啦😍我係正式開業後一星期去嘅(10月7日),無諗過一星期後人氣依然旺盛! 即刻睇下我實測分享啦😍最後有小貼士提大家,縮短等待時間🙌🏻 💙霸王茶姬K11店 地址:尖沙咀河內道18號K11 Art Mall購物藝術館地下G29號舖 營業時間:上午10時至晚上10時 #UCreator#打卡美食#好去處#全新景點#打卡#深圳美食#深圳探店#香港好去處#香港探店#香港打卡#攻略

Savour_Life

香港攻略

肉肉大米 (屯門)

屯門和牛漢堡扒🥳 等都值得！

今日去咗屯門一間長期人氣､要排隊嘅日式漢堡扒專門店｡好彩今日落大雨,唔使排長龍,去到啱啱剩低兩個位,超正🤭! 喺門口揀好餐點就買飛,齊人就可以入內入座!呢間店主打和牛漢堡扒,一共有三款口味:原味､芝士味､蒜香黑胡椒煙肉味,可選兩件或者三件漢堡扒套餐｡ 今次我哋點咗兩份三件裝漢堡扒,我三種口味全部試匀｡漢堡扒全部即叫即煎,套餐包一隻生雞蛋,西蘭花､日本米飯同湯品都係任添任食｡ 檯面擺有九款調味料俾你揀,檯前亦貼有提示卡,教大家最佳食法｡一開始我以為一般漢堡扒都會用牛肉頭頭尾尾絞碎,但頭先喺廚窗發現,職員係直接用靚牛肉絞碎,感覺餐廳十分有誠意｡ 原味和牛漢堡扒 漢堡扒煎至六至八成熟,外層焦香､內裡軟嫩,肉汁非常豐盈｡如果想食熟一啲,可以同店員講,或者將漢堡扒擺枱上嘅鐵板多一陣,就會更熟｡原味嘅好處係可以自由搭配心水調味料,我最鍾意佢哋嘅燒肉醬汁｡ 芝士和牛漢堡扒 漢堡扒面頭鋪一塊芝士,店員會即場刨大量芝士鋪成芝士山,濃郁車打芝士融落漢堡扒面,仲可以拉絲,味道超夾｡ 煙肉蒜香黑胡椒漢堡扒 炭燒和牛釋出嘅油脂,配埋煙肉､大蒜同黑胡椒,搭配得天衣無縫,超好食,非常送飯｡ 三件漢堡扒套餐(原味/芝士/煙肉蒜香黑胡椒)$140 三件漢堡扒套餐(原味兩件+芝士一件)$125 另加10%服務費 價錢一概以店內公佈為準｡ 餐廳:肉肉大米 地址:屯門屯順街1 號2 號餐廳屯門市廣場FOODMAZE 內1期2樓 2253A 號舗 #肉肉大米#日式漢堡排#屯門肉肉大米#屯門市廣場 #屯門美食

nicolabbyan

日式料理

德福廣場

德福肉肉大米漢堡扒🤤必食！

九龍灣德福肉肉大米食評:原味､芝士､期間限定忌廉菇菌漢堡扒 九龍灣德福廣場1期1樓F23號舖的肉肉大米(Niku Niku Oh! Kome),係日式漢堡扒專門店,人氣超高,經常排長龍!用九州黑毛和牛混美國牛肉手打漢堡扒,厚度足､Juicy爆汁,配日本東北虹煌米(即磨即煮),飯香軟糯一流｡套餐仲有無限添飯､味噌湯､西蘭花,食到飽! 原味漢堡扒:最經典推介!外層微焦香脆,內裡6-7成熟嫩滑多汁,咬落牛肉鮮味濃郁､肉汁四溢｡唔加任何醬都好食到飛起,最能突出肉質本身｡加生雞蛋+醬油拌飯,滑順又邪惡,食評一致讚｢原味最正､最尋味｣! 芝士漢堡扒:芝士控必試!師傅即場刨海量芝士碎落面,熔化後拉絲超澎湃,鹹香濃郁配肉汁,層次豐富似食豪華漢堡包｡多層次口感邪惡但好好食,份量足夠滿足重口味! 期間限定忌廉菇菌漢堡扒:最新推出,熱辣辣上碟!即炒三種菇菌(雜菇豐富)配新鮮煮出忌廉汁,淋上漢堡扒,菇香淡淡滲入肉裡,creamy滑順又唔膩,襯托肉香更上一層樓｡食評話｢菇味濃郁､忌廉汁香滑,層次爆燈｣,必試限定口味! 整體環境開放式廚房,可近距離睇師傅即製,服務貼心會講解配搭｡價錢$101-200,性價比高｡缺點係高峰期等位耐,建議平日早去｡OpenRice､IG食記滿分推介,食過返尋味!鍾意厚肉漢堡扒嘅你,呢三款絕對係德福必食~ #德福廣場#漢堡扒#肉肉大米#日本