鄭秀文演唱會2024｜鄭秀文紅館騷演出全直擊！許志安成頭場嘉賓上台合唱 首場精華+完整歌單+座位表
鄭秀文演唱會2024｜Sammi重返紅館啦！去年因確診新冠無奈要腰斬演唱會的鄭秀文，今年終於圓滿舉辦《You & Mi 鄭秀文世界巡迴演唱會香港站2024》，即睇演唱會精華！
鄭秀文演唱會2024｜鄭秀文首度回應許志安擔任嘉賓
鄭秀文今年7月的演唱會邀請得許志安作常駐嘉賓，早前鄭秀文出席品牌活動，首度開腔回應...
「我覺得係，好順其自然成件事我都好跟住我自己個心去進行，咁我覺得呢一Part，我有咁樣嘅構思，你可唔可以上台幫我，咁佢都好自然成件事。」被問到會否有互相陪伴的感覺，鄭秀文回應︰「其實我多謝佢陪伴我。」解釋上次演唱會因為新冠肺炎而決定腰斬令自己的心理壓力非常沉重︰「咁所以我覺得呢一Part佢肯同我上台一齊唱歌比到好多嘅力量我，咁我覺得呢Part係佢幫我手，令到我壓力少啲。」至於巡迴會否保留許志安環節，鄭秀文則表示未知。同時有記者表示以為尾場二人會縮短在台上距離，鄭秀文解答︰「唔洗，我覺得咁係好舒服嘅一個同台，咁樣呢個好舒服，咁但又唔代表永遠都喺呢個台到隔咁開，不過係今次咁樣嘅演出，好自然我自己個心好舒服囉。」
鄭秀文演唱會2024｜演唱會完騷13場嘉賓全揭盅
鄭秀文演唱會終於正式圓滿落幕，早前鄭秀文否認古天樂成為尾場嘉賓之後，尾場嘉賓竟是新一代男神Jeffrey魏浚笙！魏浚笙與Sammi合唱《不要驚動愛情》，表演過後Jeffrey表示：「多謝Sammi姐姐帶我嚟呢個舞台。」Sammi回應：「好彩係姐姐唔係姨姨。大家都知道我鍾意同新歌手和音樂人合作，去年我邀請與Jeffrey合唱《致我們的夢想》。」原來鄭秀文早在Jeffrey出歌之前就已經邀請合作，果然獨具慧眼，Jeffrey更笑指︰「當時我一首歌都未開始唱，仲以為收錯邀請。」Sammi得戚地說：「我幾叻，睇到你幾唱得又靚仔，點可能唔做歌手？好開心你依家有咁好成績。」其後Jeffrey獨唱《失約巴黎》後，隔了幾首歌換衫再出場與Sammi跳唱他們的合唱歌《致我們的夢想》，全場驚喜，實屬尾場專屬的演出！
13場補場的演唱會終於圓滿結束，亦代表13場的演唱會嘉賓都全數揭盅，早前網上瘋傳鄭秀文嘉賓名單，鄭秀文亦於台上澄清為假名單，即睇鄭秀文演唱會真假嘉賓對照名單！
鄭秀文演唱會2024｜頭場嘉賓︰Serrini (網傳︰Serrini) 中！
鄭秀文演唱會2024｜第二場嘉賓︰林家謙 (網傳︰林家謙) 中！
鄭秀文演唱會2024｜第三場嘉賓︰張敬軒 (網傳︰張敬軒) 中！
鄭秀文演唱會2024｜第四場嘉賓︰陳凱詠 (網傳︰陳凱詠) 中！
鄭秀文演唱會2024｜第五場嘉賓︰謝雅兒 (網傳︰姜濤) 錯！
鄭秀文演唱會2024｜第六場嘉賓︰鄧麗欣 (網傳︰馮允謙) 錯！
鄭秀文演唱會2024｜第七場嘉賓︰COLLAR (網傳︰陳健安) 錯！
鄭秀文演唱會2024｜第八場嘉賓︰周殷廷(網傳︰MC張天賦) 錯！
鄭秀文演唱會2024｜第九場嘉賓︰林峯(網傳︰待定)
鄭秀文演唱會2024｜第十場嘉賓︰Jer柳應廷 (網傳︰無)
鄭秀文演唱會2024｜第十一場嘉賓︰Dear Jane (網傳︰無)
鄭秀文演唱會2024｜第十二場嘉賓︰岑寧兒 (網傳︰無)
鄭秀文演唱會2024｜第9場表演嘉賓林峯 大爆心急到現場仆至爆缸
鄭秀文第九場演唱會昨日舉行，鄭秀文登上預告嘉賓為「細細個睇佢TVB劇大」，結果響起《愛在記憶中找你》前奏時，觀眾已經估到嘉賓為近期大熱的林峯！
兩人手拖手合唱《愛在記憶中找你》，林峯更貼心親手為鄭秀文抹汗。雖然林峯已經一段時間沒有在紅館表演，但依然狀態大勇，今場觀眾有福了！
林峯指自己能夠成為鄭秀文演唱會的嘉賓是榮幸，更大爆自己因為急不及待來紅館演出，在家中不慎跌傷至爆缸。同時林峯表示自己有留意到網絡流傳的嘉賓名單，指自己出現該日為「待定」，鄭秀文在旁連忙表示嘉賓名單假的，叫觀眾不要相信！林峯再表示網絡流傳的嘉賓名單明天會有古天樂現身，鄭秀文回應︰「假㗎，佢話唔得閒。」粉碎古天樂擔任嘉賓的傳聞，林峯馬上笑言︰「早知頭先同你合唱《今期流行》。」
其後鄭秀文準備一份厚禮予林峯，現場贈一大碗「叉燒飯」給林峯，對應近期大熱的《九龍城寨之圍城》，用一碗叉燒飯描寫龍捲風與陳洛軍的情義，今次改為鄭秀文贈送！意義非凡。林峯更預告自己明年有望再登紅館，最後就為大家獻上另一首經曲歌曲《愛不疚》。
鄭秀文演唱會2024｜第8場表演嘉賓周殷廷 Sammi掀開YT低胸西裝褸全場尖叫
「You & Mi 鄭秀文世界巡迴演唱會2023」（Rescheduled ）繼續進行得如火如荼，第八場的演唱會為近期人氣急升的周殷廷！周殷廷出場就與鄭秀文合唱《不要驚動愛情》，期間更一邊唱一邊手拖手！Sammi身穿一身黑色Givenchy仿毛外套、皮革上衣、皮裙和皮Boots，配搭Vann jewelries型格登場，與黑色西裝的YT襯絕。合唱過後Sammi問現場觀眾：「有冇聽過周殷廷嘅《三生有幸》？呢隻歌Hit到爆！」然後她對YT說：「多謝你接受我嘅邀請。你喺音樂旅途上嘅奮鬥史令我好感動，我欣賞你鍥而不捨、為咗自己嘅夢想好努力，雖然中間你幾乎想放棄，好彩你捉緊信念和機會，所以人生真係柳暗花明又一村，永遠唔好放棄，機會就在眼前。」
YT其後表示：「其實今次唔只係我第一次喺紅館唱歌，我仲係第一次做演唱會嘅嘉賓。」獲得全場尖叫鼓勵，Sammi即笑說：「我想問吓你，今日點解無除衫，你平時成日除衫，睇到大家心心眼！」YT說：「你先係肌肉擔當！」Sammi立即舉起雙手展示股肉，自豪地說：「『排骨文』練到『大隻Mi』，真係唔少嘢㗎！」
YT續說：「你真係香港嘅傳奇，我第一次喺Sammi嘅IG度見到佢po咗《三生有幸》，然後收到佢嘅邀請。只要有華人嘅地方都一定聽過鄭秀文嘅名字，而一個咁傳奇嘅人物，同我分享佢嘅舞台，係我三生有幸。你做咗一個好好嘅榜樣畀香港樂壇所有歌手，雖然你已經係一個傳奇，但係你仍然堅持不斷進步、不斷創新做啲唔同嘅嘢俾大家睇，令我非常之敬佩！」Sammi回應：「今日真係好開心，可以同你分享呢個舞台，因為你係一個有實力嘅人，好值得大家去欣賞你嘅歌，呢首歌係你自己作曲填詞監製主唱，嘩，我終於可以喺現場聽到你唱呢首歌啦！」而Sammi離場之前，YT請求希望與她在舞台上自拍一張，Sammi假裝掀開他的西裝褸，全場尖叫。
事關周殷廷亦於社交平台上甫出其自拍，並表示︰「致 夢想。 多謝你。」鄭秀文亦有回覆其帖文表示︰「YT 大哥，非常謝謝你參予我的concert. 真的三生有幸。嘻！」
鄭秀文演唱會2024｜頭場直擊
《You & Mi 鄭秀文世界巡迴演唱會香港站2024》今晚正式舉辦頭場，為去年不幸延期的演唱會進行補場，開騷未久，Sammi就表示︰「你哋好，畀啲聲嚟聽吓先，你哋真係要好大聲，因為我兩隻耳仔都塞住咗！多謝你哋365日嘅等待，多謝你哋嘅包容，揸住張飛呆等一年。你哋做咗好聰明嘅選擇，冇退到飛，唔退飛就代表可以睇到一個好精彩嘅演唱會。」並以《朝聖》及《發熱發亮》兩首快歌開場，High爆現場！
貴為「百變天后 」的鄭秀文，今晚開騷當然出盡各種造型及舞台設計，包括超高踭鞋以及黑魔后等的極浮誇造型，觀眾大飽眼福！
鄭秀文繼續於台上演出，期間許志安突然現身！先是隱藏身份地彈鋼琴伴奏，直到歌曲中段才突然開口唱歌，與Sammi在台上世紀合唱《世紀末煙花》！雖然兩人於台上相隔甚遠，但鄭秀文仍然於台上一臉甜爆，粉絲都齊齊以尖叫聲為兩人祝福，掀起全晚最高潮！
▼即睇其他造型▼
鄭秀文演唱會2024｜演出日子 購票詳情
《You & Mi 鄭秀文世界巡迴演唱會香港站2024》將於7月12日至7月28日假紅磡香港體育館補辦，目前並沒有再作公開售票。
鄭秀文演唱會2024｜換飛詳情
由於《You & Mi 鄭秀文世界巡迴演唱會香港站2024》為去年的補場，去年成功購票的歌迷請注意︰
▼持有門票印有2023年原定場次日期人士▼
門票印有2023年原定場次日期（2023年7月14-16日、18-19日、21-23日、25-26日、28-30日 — 共13場）的購票人士，不需要更換門票
可憑原定場次之演唱會完整門票（連同票根）於以下指定替補場次日期在紅磡香港體育按原座位觀看對應的補場演唱會：
2023年原定場次日期→2024年替補場次日期
2023年7月14日 (星期五)→2024年7月12日 (星期五)
2023年7月15日 (星期六)→2024年7月13日 (星期六)
2023年7月16日 (星期日)→2024年7月14日 (星期日)
2023年7月18日 (星期二)→2024年7月16日 (星期二)
2023年7月19日 (星期三)→2024年7月17日 (星期三)
2023年7月21日 (星期五)→2024年7月19日 (星期五)
2023年7月22日 (星期六)→2024年7月20日 (星期六)
2023年7月23日 (星期日)→2024年7月21日 (星期日)
2023年7月25日 (星期二)→2024年7月23日 (星期二)
2023年7月26日 (星期三)→2024年7月24日 (星期三)
2023年7月28日 (星期五)→2024年7月26日 (星期五)
2023年7月29日 (星期六)→2024年7月27日 (星期六)
2023年7月30日 (星期日)→2024年7月28日 (星期日)
▼門票印有2024年替補場次日期▼
門票印有2024年替補場次日期的購票人士，可憑替補場次之演唱會完整門票（連同票根）於門票上印刷之日期及座位在紅磡香港體育館觀看對應的補場演唱會。
鄭秀文演唱會2024｜座位表
鄭秀文演唱會2024｜歌單
1. 朝聖
2. 發熱發亮
3. 我們的主題曲
4. 禁果花
5. 同年同月同日生
6. 心魔
7. Bang Bang
8. 小心女人
9. 一夜成名
10. 哭泣遊戲
11. 上一次流淚
12. 如何掉眼淚
13. 煞科
14. 月色魔美
15. 愛是
16. 愛是2.0
17. 罪與罰
18. 加爾各答的天使-德蘭修女
19. Creo En Mi
20. 致我們的夢想
21. 信者得愛
22. 不拖不欠
23. 最後一次
24. 為何又是這樣錯
25. 感情線上
26. 終生美麗
27. 玻璃鞋
28. 回來我身邊
29. 如果你有事
30. 長恨歌
31. do re mi
32. 我這樣活了一天
33. 萬物有時
34. 世紀末煙花
35. 交換溫柔
36. 盲盒
37. 記認
38. 我們都是這樣長大的
鄭秀文演唱會2024｜交通詳情
鄭秀文演唱會2024｜演唱會官方海報
同場加映：【香港周圍遊】最新影片
《You & Mi 鄭秀文世界巡迴演唱會香港站2024》
日期︰2024年7月12日-14日丶16-17日丶19-21日丶23-24日丶26-28日
場地︰紅磡香港體育館
時間：晚上8時15分
票價︰HK$1080 / HK$680 / HK$380
-
演唱會
Dear Jane紅館演唱會🎵
終於聽到Dear Jane全場大合唱《不許你注定一人》 估唔到首歌已經係11年前 #音樂#演唱會#攻略
閱讀更多
-
娛樂熱話
【投票送戲院現金券】立即投選您心目中的年度男神🕺👑
第二屆 U Lifestyle 年度男神投票活動已圓滿完結，多謝各位粉絲踴躍支持！🤎 >>按此一鍵即睇完整投票結果<< 恭喜Ian陳卓賢！Ian陳卓賢由首週排行第四，穩步上升至榜首，獲得 U Lifestyle 年度男神榜第一名！👑其中 Edan呂爵安險勝上屆男神 AK江𤒹生排行第四；而 Anson Lo 盧瀚霆則由第三週排行第六攀升至第二名，姜濤則穩守第三！ ======================== 又嚟到年尾，係時候 wrap up 一下！ 今年 U Lifestyle 綜合旗下各頻道嘅人氣度、用戶互動同搜尋次數等數據，選出第二屆男神名單！呢份 Top 30 名單匯聚咗唔同界別嘅代表人物，包括歌手、演員同網絡紅人，各具獨特魅力。 >>一鍵即睇最新投票走勢<< 立即行動！投選您心目中嘅男神，並留言寫低支持佢哋嘅原因，即有機會獲得【戲院現金券】！🎁最後按此分享您的投票結果，即完成‼️ 🔔記得將 U Lifestyle App 更新至最新版本，以確保用到最新功能，順利投票！ 男神候選名單：陳卓賢 Ian、 陳瑞輝 Frankie、 YanTing 周殷廷、 Tyson Yoshi、 張家輝、 張敬軒、 MC 張天賦、 Teddy Fan 范梓謙、 Jay Fung 馮允謙、 洪嘉豪、 姜濤、 江𤒹生 AK、 古天樂、 林家謙、 林峯、 劉俊謙、 柳應廷 Jer、 李駿傑 Jeremy、 盧瀚霆 Anson Lo、 呂爵安 Edan、 Phoebus 吳啟洋、 吳肇軒、 魏浚笙、 謝霆鋒、 王智德 Alton、 邱鋒澤、 邱傲然 Tiger、 邱士縉 Stanley、 游學修、 楊樂文 Lokman *註：以上名單按姓氏英文拼音順序排列 -------------------- ✨投票方法及教學✨ 🚩U Lifestyle 網站版及 App 同樣可以參與投票！🚩 🚩只要喺投票帖文圖片右下方位置，輕按「☑️」符號 就可以投選啦～ 🚩投票後記得於帖文下留言支持佢嘅原因(不少於20字) 🚩按此立即分享您所支持的男神至 IG Story，標記 @ U Community IG，發佈後截圖傳送訊息到 U Community inbox，增加得獎機會！ 🔔記得將 U Lifestyle App 更新至最新版本，以確保用到最新功能，順利投票！ -------------------- 💃投選女神傳送門： https://www.ulifestyle.com.hk/community/detailpost/ee7db24c-cc6c-487e-aefc-cc8a1912d9c2 -------------------- 🎄活動日期：2025 年 12 月 15 日00:00 至 2026 年 1 月 4 日23:59 活動條款及細則：https://www.ulifestyle.com.hk/member/campaign/51250/ulifestyle/ 圖片來源：藝人IG #ULifestyle年度男女神榜 #男神選舉 #香港男神
閱讀更多
-
鏡仔日常
【入場前必睇❗】關於《死屍死時四十四》您要知的5⃣件事
近日最有話題性嘅電影，一定係《死屍死時四十四》！喺《大阪亞洲電影節》成為開幕電影之餘📽，優先場全場爆滿，更獲超多好評👍各位影迷入場前，睇埋關於電影您要知嘅5件事，睇戲嘅時候就更投入啦👀 ---------- 1⃣未上映先攞獎❓ 除咗喺第十八屆《大阪亞洲電影節》成為開幕電影，仲同時奪得由「朝日放送電視台」贊助嘅「ABC TV Award」，而呢個獎嘅評選準則係「最具娛樂性電影」！未來相信會有更多機會同日本觀眾見面~ 2⃣ 《正義迴廊》導演新作 導演何爵天憑住《正義迴廊》大膽作風，跳出法庭戲框架探討正義，於2022年度香港電影導演會年度大獎奪得新晉導演獎，並於第41屆香港電影金像獎入圍最佳導演及新晉導演！今次，佢改行瘋狂喜劇路線，大玩黑色幽默，探討香港買樓現象。 3⃣ 幕前演員全部大卡士 由預告中已經可以睇到，有林海峰為電影部份內容友情聲演外，鄭中基閃避屍體、Edan霸氣登場，Jer同陳漢娜拍拖談心、劉江驚嚇爆粗等等，令影迷都想快啲入場睇！ 4⃣ 貼近香港，容易產生共鳴 戲中，演員用盡全副身家買一間由地產發展商包裝到好靚嘅私人屋苑單位。突然有日，有條唔知喺邊度嚟嘅屍體出現。佢哋為保清白同埋保住樓價，瘋狂諗辦法搬走屍體！導演藉此想刻劃出香港人喺瘋狂樓價下嘅不理性現象，批判房地產商以華麗浮誇方式，去包裝整個已被扭曲嘅遊戲規則，串盡香港樓市，拎人性醜態開玩笑~ 5⃣ 不一樣的Edan Edan今次雖然都係演人哋個仔，但係性格上同之前嘅作品有好大出入。今次，佢喺戲中性格暴躁火爆，成日同飾演其父親嘅鄭中基嗌交~ 仲為咗入戲、符合戲中形象，拍攝前會有飲酒，長期處於醉酒狀態！大家一定要入場睇吓爵安飲醉酒嘅畫面啦！ ---------- 《社群》送禮活動進行中！ 🎢 大派主題樂園門票100張 🍰 全城招募試食專員！試食蛋糕 👧 請您試用天然防曬套裝 🐶送可愛造型寵物玩具 📍《社群》地圖個人化功能登場！快啲Upload 美食相
閱讀更多
港生活人氣好去處
【 #招募酒店試住員🏡 】
↓ 免費入住新5星酒店 + 嘆精緻下午茶 ↓
《U GO》請您去Central Yards中環藝嚐展！
↓一齊開展一場睇得👀又食得😋嘅藝術展覽啦↓
假日好去處