圍方慶祝一周年夏日大派對人氣歌手熱唱周末音樂會驚喜尋寶送電子優惠券+超抵消費即賺優惠

文: a.Ki

2024.07.18

唔經唔覺坐落喺港鐵大圍站上蓋嘅圍方已經一歲喇！過去一年圍方不斷為大圍同周邊地區帶嚟唔同嘅消閒購物美食新體驗，尤其近來唔係爆熱就係暴雨，一個舒適好行嘅商場真係好幫到手。為咗慶祝圍方迎接一周年，一系列精彩活動將會輪番登場，包括喺7、8月周末請來多位人氣歌手舉行音樂會、商場內每層都有驚喜尋寶送出指定類別電子優惠券、仲有超正買$800送$200優惠券嘅消費著數，實行與眾同樂，齊齊度過開心又熱鬧嘅夏天。

「圍」系生活音樂會“Music All The Wai” 人氣歌手周末登場

圍方氣氛夠chill，喺度聽音樂會就更易投入enjoy！由7月20日起一連五個周末，為慶祝一周年而舉行嘅「圍」系生活音樂會 “Music All The Wai”，將請來陣容鼎盛嘅人氣本地歌手輪流登場演出，包括Gin Lee李幸倪、許廷鏗、JACE陳凱詠、肥仔@ERROR、吳林峰、Nancy Kwai、CY 陳宗澤及謝雅兒，都將會喺圍方為大家帶來動人音樂，記得mark低時間唔好錯過！

地點：圍方L2中庭
各單位演出日期及時間：
7月20日（六）8pm：Gin Lee李幸倪、許廷鏗
7月28日（日）2:30pm：謝雅兒
8月4日（日） 2:30pm：JACE陳凱詠、肥仔@ERROR
8月11日（日） 2:30pm：Nancy Kwai、吳林峰
8月18日（日）2:30pm：CY陳宗澤

驚喜尋寶層層有獎仲夏大激賞買$800送$200優惠券

除咗音樂會帶來熱鬧好氣氛，慶祝一周年咁大件事當然仲有大量優惠先夠盡興！圍方即將推出周年驚喜尋寶活動，喺7月20至22日期間，各種盛載圍方電子優惠券禮物盒將遍布商場不同角落，包含餐飲食肆、零售及娛樂體驗的電子優惠券，讓你滿載而歸。

唔止咁七月至八月期間星期五至日及公眾假期於港鐵商場單一電子消費滿$800仲可以換$200電子優惠券，俾你盡情掃貨！

圍方仲有一系列精選商戶優惠，當中包括：

UNIQLO：大圍特色限定Utme!
時間廊：精選款式鐵達時腕錶5折優惠
nsew 任天堂正規商品販賣店：凡滿買每件單價滿HK$100產品，即可免費獲贈指定動物森友會迷你毛巾一件 (4款其中1款，各價值HK$58) ，多買多送
Under the roof : Lobby by Hair Corner：首100位半價電髮及洗剪吹造型設計
上陽樓：全天候88折 (顧客需消費至少滿HK$500)
英皇戲院 Plus+：以優惠價HK$105登記英皇戲院VIP會籍 (原價HK$150)，送2張戲票及超過HK$300現金券

咁多精彩活動同著數，記得＜按此＞去圍方官網睇詳情，咁就唔會錯過任何節目啦！

*優惠受條款及細則約束

更多真實評價

good.fooddiary

打卡熱點

英皇戲院 (圍方)

每次睇戲必食嘅爆谷🍿🎬✨

每次睇戲都一定會買爆谷食,咁先至最有feel🍿🎬😎 今次買咗焦糖味嘅爆谷,每粒牛油味濃郁嘅爆谷外面都有一層薄薄嘅焦糖糖漿🍯,爆谷香脆新鮮,甜度適中,下次等我試吓朱古力味先🍫🍿🤤 📍 英皇戲院 Plus+ 大圍圍方新界大圍車公廟路18號圍方5樓 #UCreator#玩轉暑假音樂祭#貓貓去shopping#香噴噴#社群請睇戲#冰爽夏日#擁泡毛孩#ucreator#ucreatorhk#全民打卡企劃#美食#美食推介#美食推薦#美食分享#美食日記#爆谷#相機食先#大圍美食#photooftheday#foodie#foodiehk#hkfoodie#foodpics#foodporn#打卡美食#好去處#chill#打卡#foodblogger#foodphotography#weekend#假日好去處#圍方

閱讀更多
TobyHebymami

親子

👨‍👩‍👧‍👦 大圍區親子嘆茶新去處 🥢 😋

同爸爸媽媽嚟嘆茶,其實都係個好好嘅親子活動🥰 大圍近年新開嘅上陽樓成為咗我哋飲茶好去處,點心精美環境又靚,呢度飲茶真係賞心悅目! 午市套餐份量都幾豐富,白灼時令蔬菜作為開胃菜,很清新,搭配輕盈嘅醬油就得｡蛋白魚肚粟米羹金沙魚皮青芥末螺花筍尖蝦餃皇和杞子滑燒賣主食係貴州酸湯燴麵最後仲有紅豆沙甜品添! 是次消費: $398,另加:10%服務費商場連住地鐵,超方便👍👍地點一流! 上陽樓 (大圍) 📍大圍車公廟路18號圍方3樓329號舖 #UCreatorHK#親子好去處#親子旅遊#親子餐廳#育兒心得#親子活動 #社群共創攻略#UCreatorHK#TRAVELwithUCreator#MOMENTSwithUCreator #親子旅遊攻略#親子活動攻略#親子美食攻略

閱讀更多
喵喵❤️吃喝玩樂

中式料理

上陽樓

大圍｜家常粵菜｜必試涼拌椒香鮑魚＆超正脆皮乳鴿‼️🔥

大圍｜實試上陽樓Dinner Set 家常粵菜｜必試涼拌椒香鮑魚＆脆皮乳鴿同屋企人食飯最緊要坐得舒服！圍方三樓呢間粵菜館晚晚見證緊家庭聚會，卡位闊落之餘仲有包廂房，傾偈唔使就住聲量👨‍👩‍👧‍👦 --- 🍴 二人Dinner Set: 1️⃣ 涼拌椒香鮑魚鮑魚切片約3mm厚度，咬落爽身無雪味，藤椒油只薄薄掛面，辣度都係微辣。墊底萵筍切粗條，吸汁之餘保留脆度，夠曬開胃！ 2️⃣ 原盅燉菌菇雞湯揭蓋見湯面零油花，飲落有輕微黨參甘味。湯料有雞髀、猴頭菇、螺頭，雞肉未算嫩滑但唔「嚡口」，菌菇份量超多！ 3️⃣ 脆皮乳鴿上枱熱辣辣。外皮金黃脆薄，撕開鴿腿見肉汁滲出，肉質比燒鵝嫩但唔會血淋淋，建議原味食半隻再蘸少許淮鹽。 4️⃣ 豉汁蒸爽鱔鱔段切得算闊，豉汁鋪面但唔會死鹹，魚皮膠質黏唇，肉質彈牙無泥味，送白飯剛剛好。 5️⃣ 魚湯腐竹筍瓜浸魚腐奶白色魚湯飲落無味精口渴感，腐竹煮到半融狀態，魚腐似加大版山竹牛肉，咬開有淡淡魚鮮味。 6️⃣ 飯後甜品陳皮紅豆沙煲到起沙，陳皮香氣好足，甜度比一般糖水鋪低啲，暖笠笠夠窩心☕ --- 🏠上陽樓 📍車公廟路18號圍方3樓329號舖 (🚶‍♂️大圍站天橋直行5分鐘） --- #HKKOL#KOL#hkblogger#放假好去處#生日大餐#慶祝#hkfoodblogger#hkfoodlover#hkfoodie#foodiehk#foodie#hkfood#hkblogger#hk#hkjg#一路食一路post#食評#相機食先#手機食先#食好西#吃貨#香港#香港美食#大圍美食#大圍#粵菜#中菜餐廳 #UCreator #打卡美食 #美食推介 #香港美食 #新界美食

閱讀更多