巴黎奧運｜AIA 8月4日全民免費乘坐摩天輪 向香港運動員致敬

U Lifestyle

生活

恭喜張家朗兩度奪奧運花劍金牌🥇創歷史佳績香港史上首人衛冕！

有咩勁得過攞奧運金牌？就係連續兩屆都攞奧運金牌呀😍！張家朗最終以15：14嘅成績為港奪得今屆第二面金牌，更加係相隔68年再現衛冕神話，成為奧運史上第三個男子花劍衛冕！🥳🥳🥳  恭喜張家朗再次奪得男子花劍個人賽金牌，為港增光！ 張家朗出生平凡，身於籃球世家，其後因為個人興趣轉去學習劍擊🤺，更在中四時獲父母支持退學轉為全職運動員。父母同家朗約定兩年期限，如果兩年內無良好嘅成績，家朗就要讀返書。勤力練習嘅家朗不負所望，最終喺2020年東京奧運會奪得男子花劍個人賽金牌，更於2022年獲香港浸會大學「優才運動員入學計劃」取錄，入讀體育及康樂管理課程，努力學習劍擊。今日更再次奪金，成為香港史上首位衛冕奧運金牌嘅運動員👏🏻！ --------------------------------------------------- 即睇巴黎奧運2024港隊賽程一覽，一齊為香港運動員打氣！ 圖片來源：運動員ig #ulifestyleapp社群 #UCommunity #恭喜張家朗 #張家朗 #巴黎奧運 #巴黎奧運2024 #運動 #劍擊

U Lifestyle

生活

劍后江旻憓反勝奪世一背後辛酸🥹︳兩年兩度傷膝／多年茹素 ／比賽「心呼吸」❤️

恭喜「微笑劍后」江旻憓 (Vivian) 為港隊勇奪今屆巴黎奧運第一個世一🥳！江旻憓喺7月28日凌晨出戰女子重劍個人賽決賽，比賽期間曾經落後1：7，但佢仍然憑住堅定嘅意志一劍一劍咁追上，最終以13：12嘅成績成功擊倒對手，展現體育精神，世一金牌絕對實至名歸🥇！！ 比賽後，Vivian更加喺接受傳媒訪問時喜極而泣🥲，表示：「我終於無輸喇！次次都輸，我今次終於贏喇！」被問到落後時嘅心情，Vivian話自己係本住唔想輸得太「肉酸」嘅心情落力追分，強大嘅內心非常令人敬佩❤️！ 到底Vivian強大嘅心理質素係點培養成？光榮嘅背後又經歷過咩辛酸？ 🥹兩年內兩度傷及十字韌帶 情緒跌入低谷 原來分別喺2017同2019世錦賽時，Vivian都因為意外導致左右膝頭十字韌帶輪流斷裂🦵🏻。膝頭受傷嚴重影響佢練習同表現，令佢感到相當自責，情緒跌入低谷。但Vivian並無放棄，做過兩次手術之後，佢努力接受復康訓練，並以驚人速度迅速康復，好快就能夠重新出戰，繼續為自己嘅夢想奮鬥💪🏻！ 🥬多年堅持茹素  膝頭受傷後，Vivian由本來嘅「海鮮素」轉為「全素食者」，希望透過多食素食令傷口加快癒合。同時，佢亦相信素食習慣可以減低自己再受傷嘅機會，所以多年來仍堅持茹素，閒時亦中意自己下廚煮素菜👩🏻‍🍳。 ❤️習佛學保持正能量 比賽前「心呼吸」 面對傷患，Vivian靠讀佛經度過迷惘期，期間亦學習禪修靜坐，提醒自己無論比賽輸贏都要時刻保持正能量，每次比賽前都要「心呼吸」。佢亦於2021年出任「心呼吸大使」，幫助常霖法師向香港人推廣「停一停 心呼吸」活動，教導港人透過感受自己嘅呼吸去減輕壓力。Vivian曾經講過：「我只要控制好那些我控制得到的事，就可以了。」佛學令佢學懂面對負面情緒同挫折，最終於今屆奧運再創佳績❤️👏🏻！ #ulifestyleapp社群 #UCommunity #恭喜江旻憓 #江旻憓 #巴黎奧運 #巴黎奧運2024 #微笑劍后 #運動 #劍擊 ------------------------------------------------- 即睇巴黎奧運2024港隊賽程一覽，一齊為香港運動員打氣💪🏻！ 圖片來源：運動員ig

U Lifestyle

生活

巴黎奧運金牌含金量幾高？💰5個獎牌細節藏法式浪漫💕

巴黎奧運2024進行得如火如荼🔥，唔少國家嘅精英選手都已經勇奪獎牌，我哋香港隊今屆至今亦已獲得共4面獎牌(2金2銅)，值得慶賀🥳！！到底一塊巴黎奧運金牌價值幾多？華麗嘅獎牌設計背後又隱藏咗啲咩細節？👀 👉🏻立即追蹤「運動」主題 --------------- 🏅一塊巴黎奧運金牌的價值 今屆巴黎奧運金牌設計貫徹法國獨有嘅美學特色，外型有如一大塊寶石一樣美麗💎。賽會指，今屆一塊奧運金牌價值約950美元（相等於約HKD8000）。但原來一塊巴黎奧運金牌大約只有6克成份係黃金，就係最面層鍍上嘅「純金」。其餘主要成份係銀，因為國際奧委會（IOC）有規定金牌嘅銀含量必須達到最少92.5%！ --------------- 🏅獎牌與巴黎鐵塔完美結合 法國對上一次舉辦奧運已經係1924。為咗慶祝奧運會重返法國，大會特地聯同LVMH集團旗下嘅CHAUMET尚美巴黎珠寶公司共同設計獎牌，喺每塊獎牌嘅正中都鑲嵌一小塊巴黎鐵塔每次維修時留下來嘅金屬，象征奧運盛事與法國地標嘅完美結合，每一面獎牌都別具意義🤩。 --------------- 🏅獎牌設計-六邊形象徵法國地形 獎牌設計每個細節都充滿驚喜！獎牌上正中央嘅巴黎鐵塔金屬片以六角形呈現，代表住法國地形形狀，金屬上面更印有2024巴黎奧運嘅Logo，象征整個國家共同參與呢場國家體育盛事👏🏻。 --------------- 🏅獎牌設計-光芒象徵運動員的閃耀 六角形嘅巴黎鐵塔金屬片外圍圍繞住幼細嘅直長線條，線條特地採用浮雕工藝製作而成，令獎牌更具立體感，同時亦代表住每位參賽運動員喺呢個國際舞台上展露嘅熱情光芒🌟。 --------------- 🏅獎牌設計-獎牌背面的故事 除咗正面多個設計細節之外，巴黎奧運會獎牌嘅背面都有故事！😍今屆獎牌嘅背面刻有希臘神話中嘅勝利女神尼姬，背景則畫上首屆奧運發源地雅典衛城及巴黎鐵塔，象徵古希臘奧運會同現代奧運會嘅融合。 --------------- 圖片來源：巴黎奧運2024官網、運動員IG --------------- 即睇巴黎奧運2024港隊賽程一覽，一齊為香港運動員打氣！ 💪🏻 --------------- 【人人有份🎁】全新《Chill賞遊世界企劃🌏》！ 角逐「打卡王」贏$1,000超市現金券💰／免費機票✈️／自助餐／主題樂園門票··· 登記有獎 👉 https://bit.ly/3ylFpAt --------------- #ulifestyleapp社群 #UCommunity #巴黎奧運 #巴黎奧運2024 #運動 #巴黎奧運獎牌 #奧運金牌