天水圍隱世茶樓重見點心手推車！港式點心人見人愛，其中「推車仔」更加是傳統茶樓最大特色，惟現時已經買少見少，不過最近有市民走訪至天水圍，發現一間位於商場的茶樓「煲仔王」 ，目前仍然有人手推車仔賣點心，而且點心堅持以人手製作，連老闆黃傑龍都認證是「真隱世」，大家不妨去感受懷舊氣氛，歎返「一盅兩件」！
大西北茶樓重現推車仔點心 師傅人手親自製作
天水圍一個平民商場內，坐落著一間隱世茶樓「煲仔王」，由於位置相對偏遠，除了附近居民街坊經常幫襯， 向來鮮為人知，不過最近就有網民表示，自己走入天水圍，發現該茶樓驚喜地仍然沿用點心手推車，重現「推車仔飲茶」的懷舊氣息！
茶樓點心價格親民 一飯一點心$58
從相中可見，茶樓姨姨會推著點心車仔在餐桌之間穿梭，食客可以自行揀選各款特色點心，至於價格方面同樣親民，樓主表示，「一飯一點心58元，算系咁啦」，在物價飛騰年代，算是相當抵食！
煲仔王提供各式各樣的懷舊點心，全部仍然堅持人手製作，例如蟹黃蒸燒賣、農家什豆糕、雪耳香茜餃、北菇棉花雞等，小點$19起可以食到！
老闆黃傑龍認證「呢間真隱世」透露父親時代已經營
如此親民抵價的點心「煲仔王」，其實老闆正是敘福樓集團主席兼行政總裁黃傑龍，連他都不禁表示「呢間真隱世，好嘢來的」、「真係隱世到我咭片都無印」。他續指，「我父親時代已做，全人工師傅日日現場手做點心。 裝修就舊啲，服務係街坊人情味果種，唔好以為係鬧你呀，friend ja（友好咋）」。
黃傑龍父親黃耀鏗，是「敘福樓」創辦人之一，品牌創立迄今有40載，首間中餐廳於1986年在窩打老道開業，定位廣東佳餚美點以及海鮮精品酒樓，90年代全盛期在全港擁有33間酒樓，及後陸續結業，其中位於天水圍頌富商場的最後一間酒樓亦於2020年9月14日結業，不過位於天水圍天恩商場的「煲仔王」則持續營業，主打各款煲仔飯、中式小菜、點心等。
街坊熟客熱烈捧場 大讚收費平民人情味濃
有食開的街坊表示，「煲仔皇食品係得嘅，收費平民化」、「真係好多回憶，仲要師傅即場做真係好正」、「老街坊光顧。試過早上7點左右去冇位」，更有人表示「點心車手至係第一，你問佢車冇既點心，佢即時入厨房拎」，認為人情味滿滿！
▼網民留言▼
煲仔王 詳情
地址：天水圍天恩邨天恩商場1樓108號舖
營業時間：06:30 - 23:30
電話：3690 2738
資料及圖片來源：Facebook@香港茶餐廳及美食關注組、小紅書@momo、HKET圖片庫
活動資訊
- 地點
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【社群送禮🎁】大派亞洲旅遊數據卡350張！第2擊！↓
↓4日無限數據！12 個地區適用！↓
