北角「狂派」激抵兩餸飯$28起！追加蒸蠔/蟶子/鮑魚最平$10/隻！
在香港兩餸飯已深入民心，憑着性價比極高受各位港人喜愛，可以話各區都總有一間在左近。而近日北角炮台山又多一間兩餸飯店彈起，因其餸菜選擇多價錢又便宜而爆紅，店內還可追加多款海鮮，同樣超級抵食，平均$10起就能食到鮑魚、蒸蠔等！
北角「狂派飯店」兩餸飯$28起
位於北角炮台山的「狂派飯店」於「香港兩餸飯關注組」中受到熱捧，價錢相當實惠：兩餸飯$28；三餸飯$35；淨兩餸$40；淨三餸$45。餸菜選擇方面有常見菜式如蒸魚、生炒骨、燒雞、蔬菜等等。
追加海鮮平均$10起
不過店方最「狂」在於可以優惠價錢追加各款海鮮，包括生蠔$60/半打、蟶子$48份、鮑魚$60/6隻、蒸蟹$100/3隻、蠔餅。賣相靚靚仔仔，成為店舖賣點，吸引不少食客幫襯。
網民：多到冚唔到蓋
除了性價比高，有網民亦於關注組上分享兩餸飯份量超多，形容餸菜多到「冚唔到蓋」，更要將一半留待下一餐食，笑指店家沒有改錯名。這間兩餸飯店隨即引起網民討論，不少人都認同非常抵食，不過同時亦認為可能對鄰近食肆造成競爭壓力。
狂派飯店
地址：北角炮台山英皇道163號
圖片來源：Facebook@香港兩餸飯關注組
活動資訊
- 地點
港生活人氣本地熱話
↓【限時搶⚡】送您JA-RICE日本石川輝煌越光米↓
↓米粒透白具光澤、米香突出，黏度適中↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
