君蘭麵包廠賣兩餸飯救亡？銅鑼灣分店$32兩餸飯$40三餸飯
君蘭麵包廠銅鑼灣店賣兩餸飯？香港兩餸飯市場長做長有，最近君蘭麵包廠都加入「戰團」，除了賣麵包蛋糕外，推出平價兩餸飯吸客，其中包括$32兩餸飯及$40三餸飯，記者早前（14日）晚上8時許前往門店，即看到底有哪些特色菜式？
君蘭麵包廠賣平價兩餸飯
本地麵包店君蘭麵包廠（舊稱「君蘭餅店」），開業30年以來，主力提供各款港式麵包及傳統糕點，近年餅店換上全新風格，除了門店裝潢讓人耳目一新，同時致力推出創新特色菠蘿包、賣相精緻牛角包等，其中銅鑼灣店是品牌唯一一間港島分店，近期竟然不只單賣麵包及烘焙品，更加推出全新兩餸飯？
君蘭麵包廠$32兩餸飯、$40三餸飯
現場所見，君蘭麵包廠正推出2款餸飯，分別是$32雙餸飯及$40三餸飯，另外$7可加購指定飲品，逢星期一至日都設有兩餸飯，不過要留意僅限2節時間供應。
▼君蘭麵包廠兩餸飯供應時間▼
君蘭麵包廠兩餸飯設中泰菜式
至於菜式方面，當日現場所見君蘭麵包廠僅剩下4款菜式，當中包括娃娃菜、咖喱雞、秘製紅燒肉等。
同場牛角包、菠蘿包等買3送1優惠
同場旁邊則維持售賣其他烘培製品，例如蛋撻、法式芒果布甸包、原味忌簾筒。另外各款迷你牛角包及夾心菠蘿包推出優惠，$52/3件可混合選擇；以及6時後各款迷你牛角包、菠蘿包或咸麵包買3送1。
君蘭餅店約16.5萬承租東角道舖位
據報，該舖位地下及一樓面積合共約1,730平方呎，面向世貿中心，於今年初獲君蘭餅店以大約16.5萬承租。有關舖位上手租戶為鞋店Clarks，並在零售高峰期2014年所租用，當時月租高達60萬元。
網民：諗住用兩餸飯救亡
翻查網上資料，有網民得悉君蘭麵包廠賣兩餸飯後躍躍欲試，有人表示「食過，都ok」、「其實OK好食嘅，不過份量唔算多」、「不過佢個飯都唔係好平，有無競爭力就要睇味道」、「呢啲諗住用兩餸飯救亡嘅商家，根本不知兩餸飯的竅門，以為出面熱賣緊既兩餸飯，都係工場做好嘅貨色」。
▼網民咁樣講▼
君蘭麵包廠 銅鑼灣店詳情
地址：銅鑼灣東角道26號怡安大廈地下6-8號舖
電話：2380 1920
營業時間：
星期一至五｜08:00 - 21:00
星期六至日｜09:00 - 21:00
資料及圖片來源：UHK港生活、Facebook@香港兩餸飯關注組
活動資訊
- 地點
-
打卡熱點
君蘭冰室 🌟朗豪坊 Orchid Padaria Café 📍港鐵旺角站E1出口/C3出口 唔喺朗豪坊搵食都唔知 原來君蘭喺度開咗冰室 下午茶時段去搵食 去咗朗豪坊地庫B2 層 猛太陽落雨都唔怕😅😅夠晒方便！ 君蘭冰室嘅規模都幾大 座位好多 算係嘆茶嘅好地方 有幾款下午茶餐 🧡#厚切午餐肉芫荽蛋治 - 本身都好鍾意食芫荽 但從未試過將芫荽加落蛋治入面 有好香嘅芫荽味 清新😛😛 - 仲有午餐肉係預先煎過嘅 脆口 - 整個蛋治都好惹味 🧡#星洲炒米 - 用料豐富 都幾大碟 - 炒得夠均勻 有好重咖喱味 🧡#奶茶 - 我覺得冰室或者茶餐廳 奶茶沖得好都幾緊要 - 呢度嘅奶茶唔會太澀 但唔會好重奶味 - 而且唔似有啲食肆用一個好厚身嘅杯 - 呢度冰室嘅奶茶都幾大杯 - 就算係凍奶茶 都可以keep到質素👍🏻👍🏻 嘆完下午茶 就係諗住走嘅時候 見到有兩餸飯三餸飯 就順便買埋做晚餐 佢嘅價錢都親民 兩餸飯$38 三餸飯$44 個價錢拍得住其他店 而且選擇都好多 有成10款咁多 份量比得好足 我就揀咗兩個兩餸飯 總共有四個餸 🧡#梅菜扣肉 🧡#滷豬手 🧡#泰式青咖喱雞 🧡#咕嚕肉 其實每個餸嘅味道都幾好 唔會太鹹 醃得入味 性價比極高，大推！ #我要替月行道
閱讀更多
-
港式美食
君蘭麵包廠
運動後健康美食：鷹嘴豆沙律三文治🥪，不過蛋白粉
我覺得君蘭麵包🥯算係轉形得幾成功 但以前佢好平,賣相同味道都唔錯,去開大圍會買 而家佢出好多創新口味~之前又兩餸飯 不過我想推佢$18嘅｢鷹嘴豆沙律三文治🥪｣ 唔太貴,做完運動幾好~因為鷹咀豆高纖,排便💩good good,又高蛋白質,做完Gym食一流 落堂食,想講真係好jap,有埋我最愛嘅洋蔥🧅 ✳️麵包控表示我減肥都會食麵包 🤭 #慳家妹慳錢生活優惠分享💰 #香港美食{{hket:campaign display="步步糕升"}}{{/hket:campaign}}
閱讀更多
-
擦餐勁
老闆娘家常飯
香港灣仔區兩餸飯舖大戰🔥
香港零售餐飲出現倒閉潮，不少著名老店相繼結業，例如羅富記等。兩餸飯店舖如雨後春筍般開業，像便利店梗有一間在附近，競爭激烈，各出奇謀爭取生意。 位於灣仔軒尼詩道「老闆娘家常飯」經常推出不同的優惠，吸引大衆注目，例如$39兩餸飯放題只限任食菜，$25兩餸早餐、$8雞髀飯、$10鰻魚炒飯和近期$60星期日無限 店舖掀價格戰，我們消費者最受益。 #放題 #香港美食 #兩餸飯 #老闆娘家常飯.#灣仔必食#淨白透亮520#速速水潤奇蹟#estherbunny#打造韓系浪漫廚房#主子spatime#多重滋味享受#演唱會視角#啟德主場館視角#chill#香港美食
閱讀更多
港生活人氣本地熱話
《U GO》請您睇《嚇房》！
A24驚慄新作🚪改編自全球破2億點擊嘅網絡傳說💻
國際知名魔術師甄澤權首個個人紅館魔術騷
↓"與全場觀眾變魔術🪄近距離感受魔法 "↓
搵好去處