九龍香格里拉糖水舖獲激讚！24款糖水甜品最平$38食到 有埋樂隊表演五星級享受！
近日有網民在社交平台分享酒店內的五星級糖水舖，地方寬敞有現場音樂表演，各款中式糖水售價只須$38起。除了常見的紅豆沙、芋圓湯圓、蕃薯糖水，還有薑汁撞鮮奶、生磨蛋白杏仁茶、原個椰皇桃膠燉蛋白等。帖文獲一眾網友讚CP值高，指比人氣糖水舖抵食，「食完仲可以唔洗趕住走，又有水供應。」
網民分享尖沙咀五星級糖水舖
雖然立秋已過，不過天氣仍然悶熱，加上陰晴不定時有驟雨，久留室外頗為難受。有網民在Facebook群組「香港茶餐廳及美食關注組」分享「一個環境幾好的五星級地方比大家拍拖或同朋友吹水的好地方」，既有軟熟厚墊梳化凳、落地大玻璃、還有現場音樂表演。分享好地方的網民大讚「大熱天時有時真係唔想室外行太耐，係度傾下來緊去旅行行程唔經唔覺就過左兩粒鐘了！」
全新中式糖水系列「甜蜜月韻」
網民分享的五星級糖水舖就是位於尖沙咀的九龍香格里拉大酒店大堂酒廊，根據香格里拉官網顯示，此為今年7月25日起推出的全新中式糖水系列「甜蜜月韻」。中式糖水系列包括24款精選單品，有薑汁撞鮮奶、楊枝甘露、生磨蛋白杏仁茶、原個椰皇桃膠燉蛋白等。參考網民提供的餐單，甜品定價介乎$38至$88，甚至較糖水名店便宜。（按圖睇菜單）
糖水$38起獲讚抵食
分享獲網友大讚「酒店環境，普通糖水舖價錢，謝謝好介紹」、「平過元朗/天后」、「食完仲可以唔洗趕住走，又有水供應」。有人認為這邊是飯後歇腳好地方，無需趕頭趕命食糖水，還有現場音樂聽，就算要加一服務費亦值回票價。
來源：Facebook群組、九龍香格里拉
-
甜品
九龍香格里拉
今期流行 香格里拉酒店食糖水
Vivian 今次去香格里拉酒店唔係食自助餐…係食糖水..麻煩俾小小🫚薑汁撞鮮奶..小小🍡擂沙湯圓..小小🍗黑松露雞翼….我呀! 🫚個薑汁撞鮮奶係幾有儀式感 , 由職員在客人面前即撞 , 新鮮熱辣..口感都幾滑..食完個胃好暖! 🍡擂沙湯圓中規中矩 , 不太特別~ 🐔黑松露雞翼一上桌就聞到好香 , 炸得香脆 , 而入口黑松露味不算突出 , 可以一試! 重點係大堂酒廊環境真係好舒服, 好岩同朋友食碗糖水傾下計, 以價錢 $40-90/碗來說 , CP值幾高! 個人推介薑汁撞鮮奶~ 💁🏼♀️另外如果有儲開香格里拉會藉積分 , 都可以用積分換領糖水 , 對於積分不多的小資女都係一個換購好選擇! 九龍香格里拉酒店大堂酒廊 溫馨小提示 : 每晚6時30分至12時 供應 #九龍香格里拉酒店 #大堂酒廊 #糖水 #甜品 #shangrila#香格里拉會 #foodie#hkgirl#為食妹 #步步糕升
閱讀更多
-
甜品
大堂酒廊
中式糖水天花板❤️🔥即撞薑汁撞奶一食驚人‼️
好食到第二日又再去食,真係太出色!!!!九龍香格里拉嘅糖水,完全係糖水界天花板,每晚六點半後供應,位於酒店大堂,鄰近尖東海旁,望住180度維港景,餐廳佈置突顯酒店格調,仲有現場鋼琴同小提琴表演,成個體驗絕對對得住個價錢﹐糖水更加係酒店級數好出色! —— 薑汁撞奶 $68 本店銷量No.1!近乎每枱必叫!貴為薑汁撞奶忠實fans,去邊到見到都會叫😂食完依個絕對係我嘅香港第一‼️上枱有齊薑汁､煮熱咗嘅牛奶同漏斗,一set十分精緻｡ Server會喺客人面前即時撞奶落去薑汁,仲話唔凝固可以換,等大約三分鐘就可以開蓋｡凝固嘅程度簡直係完美!!!!匙羹啱啱好可以被承托住,差1mm都會沉落去,可想而之個質地係咁滑,一食入口即化,奶味好香再散發薑汁微辣,甜度調教得剛好,好食到第二日為咗佢再去食🤣 —— 擂沙湯圓 $58 必點!芝麻餡夠哂濃郁,最驚嘆係個湯圓皮超級無敵咁軟熟!!咬幾吓就同入面嘅餡融合一齊,花生粉灑咗大量俾表面,好食到自己一個都可以食哂三粒!! —— 30年陳皮紅豆沙 $78 煮到起沙夠濃稠,但30年陳皮就真係冇feel到同一般嘅分別,同最大需要改善係唔夠熱,見到隔離枱叫咗都反映要加熱翻 —— 桂花杞子花 $80 桂花加咗杞子,令味道多咗層次,甘甜中帶有一絲清新,口感細緻｡每啖都感受到桂花的芬芳同杞子嘅甘甜 —— 玫瑰花茶 $80 依款茶完全打破咗我對玫瑰飲品濃郁嘅印象,反而係清香自然,帶有淡淡嘅玫瑰味,好飲! 🌟推薦指數:10/10‼️ ▫️▫️▫️▫️▫️▫️▫️▫️▫️▫️▫️▫️▫️ 📍 九龍香格里拉酒店大堂酒廊 (尖沙咀) 麼地道64號九龍香格里拉大酒店大堂 🔎分類搜尋:#FTHK_尖沙咀 #FTHK_甜品 #人人生日快樂#我係咖啡達人#ucreatorhk#糖水#尖沙咀美食
閱讀更多
-
打卡熱點
Star Fifteen 星十五
抵食中式糖水舖
又要再次推介呢間星十五 佢嘅糖水甜而不漏 今次試日本流心蛋腐竹薏米白果糖洗 係我最鍾意嘅煲到腐竹溶晒嘅腐竹糖水 最鍾意同店員傾計嘅我🤭 店員話夜晚忙好難整~ 因為流心蛋真係要時間整! ** 呢度仲好貼心 有杯茶比你食完飲 ☕️ #UCreator#打卡美食 #chill賞遊世界#chill歎旅遊 #透亮抗敏#轉季好物#秋季必備湯水
閱讀更多
港生活人氣本地熱話
↓送您Haenim升級嬰兒用品✨↓
《U GO》請您睇《劇場版「暗殺教室」：我們的時光 》！
10週年全新篇章🎬解禁3年E班未公開回憶✨
假日好去處