903籃球賽2024｜適逢早前商業電台六十五週年，商台大排筵席慶祝，全台員工都聚首一堂。及後903DJ當奴與森美接受傳媒採訪，指商台即將會復辦籃球賽，重現歌星對DJ的體育對決，更揚言將會舉辦更多不同體育賽事。上屆籃球賽由歌星隊險勝，代表DJ隊的森美就笑言因為姜濤受傷而讓賽。
903籃球賽2024｜903宣佈11月舉辦籃球賽
903宣佈將於11 月 23 日假亞洲國際博覽館 AsiaWorld Arena 隆重舉行，並重新聚集起「九零三人隊」與「歌星勇士隊」，並以森美與張繼聰分別作為隊長，出戰藝人陣容如下︰
上屆比賽「歌星勇士隊」於最後 5 秒以 51 比 50 反勝「九零三人隊」，兩大隊長森美及張繼聰得知今年陣容名單，未正式開戰就已經針鋒相對，火花四射。張繼聰直言非常尊敬對方,阿聰更率先透露「歌星勇士隊」的殺手鐧:「我係從低角度仰望森美,佢幾乎每日都會去練射波,睇住佢 10 幾年前唔識打籃球,到宜家打到有板有眼。好多長者打六通拳、甩手操,森美就係去射波,將晨運同籃球完美結合,帶起咗新嘅潮流,年紀唔係重點,心態先最重要,所以我都真係好 Respect 佢。我哋會抱住Respect 嘅精神,盡力去打,唔會放水,呢個就係對對手最大嘅尊重。至於我哋嘅殺手鐧,就係減少我嘅出場次數。全隊年紀最大係我,少啲出場就可以減少拖慢隊波嘅機會。我唔落場,隊波就會贏。」
▼上屆比賽精華▼
森美不甘示弱進行反擊,直言勝出策略就是針對「歌星勇士隊」的弱點:「本來大家係好朋友,今次真係要化成仇敵。『歌星勇士隊』隊員球技精湛,個個都係燦爛、瀟灑、具光芒。不過佢哋嘅團結力一定無我哋『九零三人隊』咁好,我哋會針對佢哋呢個弱點。我哋練習咗好多個星期準備今次《903 AllStar 籃球賽》,會以默契取勝。佢哋贏個人技術,我哋贏團體精神。其實贏輸唔緊要,最緊要打出一場競爭激烈嘅精彩球賽。」
903 AllStar 籃球賽
日期:2024 年 11 月 23 日(星期六)
時間:晚上 7 時
地點:亞洲國際博覽館 ARENA
換票詳情︰待定
903籃球賽2024｜當奴宣佈復辦籃球賽
台慶當晚當奴與森美接受傳媒採訪，當奴大爆商台即將復辦903籃球賽，上屆《903 AllStar 籃球賽》，「歌星勇士」隊以 51 vs 50 勝出，森美重提賽事表示希望今屆能夠反勝，更笑言上屆因為姜濤受傷所以決定讓賽，亦希望姜濤今次可以最佳狀態回歸賽事。當奴更透露除了籃球賽，足球賽丶閃避球賽。森美再從旁大放笑彈，指要邀請美斯參加足球賽。不過談到歌星人選，當奴更指目前的進度明星人數遠超DJ人數，不過DJ方面森美就表示「搏埋老命」都會打！
903籃球賽2024｜回顧上屆籃球賽
903於2022年舉辦《903 AllStar 籃球賽》，由叱咤903一眾DJ與ANSONBEAN、CY陳宗澤、Tim & Jackal @ Dear Jane、ERROR、MIRROR、方力申、古巨基、吳林峰、林奕匡、陳建安、梁釗峰、張蔓姿、張蔓莎、張繼聰、馮允謙、黃明德、黃姸、雲浩影、黎展峯、譚旻萱及麗英一眾星級球員現身作賽。讓粉絲們看見偶像的另外一面。最後賽事由193埋齋，令「歌星勇士」以 51 vs 50 勝出，賽事更有分兩隊選出MVP分別為「歌星勇士」的姜濤，以及「九零三人」的方力申！
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】KAGOME升級版「野菜生活100」體驗套裝！↓
↓ 蔬菜量Up、味道Fruity，輕鬆攝取蔬菜營養！↓
↓【限時搶⚡】Beauty from Nature自研美極緻水光肌精華！↓
↓ 迅速舒緩肌膚缺水問題！肌膚變得細膩、淨白同緊緻有彈性！↓
