中環文華東方酒店自助餐買一送一優惠！任食生蠔／波士頓龍蝦／鮑魚／燒牛肉／羊架

A美食焚化爐

擦餐勁

Clipper Lounge

載譽重來 X 殿堂級陣容 @ 快船廊 ( 中環文華東方酒店 )

大家食自助餐，不單要食物種類夠多，而且要有保夠回本位，最好係遍地開花樣樣齊。 文華東方酒店的快船廊自助餐，近日已成了城中焦點，尤其是包含酒店內幾間星級餐廳的名物。 即開法國生蠔 雖然不是當面開，但吃得出的新鮮肥美，蠔味重之餘，更喜歡邊位的爽口。 城中自助餐往往是有生蠔就無龍蝦，想不到快船廊可以把兩者並存，厲害。 龍蝦是揀手貨，好多都有膏，當然係任食啦！ 除了上述兩款回本海鮮，更有好受歡迎的鮑魚，當然又係free flow。 其他海仲有扇貝、蟹腳、麵包蟹、龍蝦鉗、翡翠螺及海蝦，單係食海鮮已經半飽。 刺身 有油甘魚、甜蝦、吞拿魚、三文魚及鯛魚，夠新鮮，蘸點一下醬汁味道更鮮。 壽司 有蟹柳壽司、玉子壽司、三文魚壽司 及八爪魚壽司，不過我就會留返胃納食其他菜色。 燒味 即是由文華廳出品，有海南雞飯及油雞，當然有雞油飯相配，澆些少黑醬油上去，真是人間美味。 湯麵吧 今次係矜貴版新加坡喇沙， 因為配料有龍蝦鉗代替了“螄蚶”？又有魚蛋、魚丸、青口、牛丸、生菜及芥蘭，都好豐富，而且辣辣地好開胃。 Carving Station 文華扒房一向有名，今次烤牛扒同烤羊架都係任食，簡單的切了片試試，肉味濃又有嚼口；羊架烤得啱啱好，肉質粉嫩，正。 大堂一角，有即製Carbonara，尤其是al dente的質感，更是處理得宜，就算幾飽都要食返碟。 湯品 西湯是濃稠的龍蝦湯；而另一款是蟹肉粟米羹。 熱葷 麵豉蒸鱸魚伴日式燒汁 中日融和的味道好特別，鱸魚啖啖肉好啱自己這類怕碎骨的懶人。 黑椒炒大蝦 蝦殼脆卜卜又大隻，不過都幾辣下。 XO醬帶子燴粉絲 微辣的口感，粉絲炒得毫不油膩，有水準。 鮑魚豉油王炒麵 即是豉油王炒麵加入了鮑魚，畢竟是文華酒店，所有菜色都是昇華版。 臘腸叉燒炒飯 雖然看似簡單，但炒得不油膩及有油香就是功夫所在。 白酒忌廉汁煮蜆 蜆肉肥美又有酒香，尤其是個汁用來蘸麵包一流。 其他有烤美國牛柳、香草燒春雞、印式咖哩三文魚、小籠包及清蒸時菜，都是精心出品。 沙律 想食得清少少，可以選擇泰式牛肉沙律、雞肉藜麥沙律及凍肉拼盤煙三文魚，夠晒健康。 芝士 有山羊芝士、金文畢芝士、高達芝士、古岡左拉藍芝士及莫城布里芝士，喜歡芝士的朋友大可自製芝士platter。 甜品 一架Homemade雪糕車，完美展示出熱情果、朱古力、香草以及奶茶四款口味，最好當然係4款盡要，放係脆脆盞入邊，再灑上topping，然後慢慢嘆。 講到文華酒店甜品，首選一定係文華芝士蛋糕，氣味芳香，入口圓滑，最好真係配杯Earl Grey。 另外橘子Tiramisu鬆軟濕潤的口感，又是令我吃不停。 同行朋友就喜歡藍莓栗子金寶批，甜酸間平衡度拿捏得好好。 最值得推薦的，必定是維多利亞蛋糕，芳香馥郁，軟熟可口，水準極高。 加上堅果蛋糕、杏仁杏脯柚子奶凍、雜錦cupcake、紅莓朱古力紙杯蛋糕、乾果朱古力片 、核桃撻及馬卡龍，全是自家餅房出品，無得輸。 新鮮水果拼盤 色彩繽紛，種類又多。 麵包專區 城中自助餐好少有如此陣容，佔了大堂一角之餘，仲選擇多多。 有法式長麵包、多穀物麵包、意大利蕃茄香草麵包、 牛油卷、酸棗包及黑麥麵包，配以蜜糖及士多啤梨果醬，畢竟是homemade，所以都有好多人欣賞。 雖然好多人都北上消費，但香港餐飲仍有可取的地方，至少自助餐好多都減價，但質素不減反加，網上仲有不少優惠，大家要找不難。   Facebook專頁 : 文華東方酒店   地址 : 中環干諾道中5號香港文華東方酒店閣樓   電話 :  2825 4007   味道 : 4  環境 : 4  服務 : 4  衛生 : 4  抵食 : 4  位置 : 5   如果喜歡這篇文章,請在我的專頁上剔"LIKE",當是給我小小的鼓勵吧!謝謝!   http://www.facebook.com/foodiephilip #酒店 #中環 #自助餐 #香港文華東方酒店 #美食焚化爐 #Buffet # Mandarin Oriental # Hong Kong (此文章由U Blog 同步發佈至社群)

asheryuen2019

擦餐勁

Pier Lounge & Pier Bar

3.5小時任食烤龍蝦自助晚餐🦞

海洋公園萬豪酒店兩間餐廳自助餐最近都推出買一送一優惠，Pier Lounge & Pier Bar燒烤自助晚餐折完連加一都只係$401/位，呢個價錢可以任食廚師即場烤製海鮮之餘，仲包括多款自助餐熱葷、凍海鮮同甜品，性價比非常高。👍🏻 無限量供應嘅燒烤海鮮當中最吸引一定係波士頓龍蝦，另外餐廳嘅西班牙燒乳豬都好出色，凍海鮮有鱈場蟹腳，甜品選擇都唔少。Pier Lounge & Pier Bar燒烤自助晚餐逢星期五至日供應，新一輪買一送一會喺9月2日中午開賣。⏰️ Pier Lounge & Pier Bar 地址：黃竹坑黃竹坑道180號香港海洋公園萬豪酒店 KKday買一送一優惠連結： https://www.kkday.com/zh-hk/product/127950?cid=16164 #KKdayHK#hongkongoceanparkmarriott#pierloungeandpierbar#香港海洋公園萬豪酒店#自助餐#燒烤海鮮自助餐#波士頓龍蝦#自助餐 #UCreator

fcbfoodiehk

西式美食

Garden Lounge

中環嘆海鮮🦞 快閃買一送一！

▶︎ 中 環 | Gargen Lounge ☀︎ 𝗦𝘂𝗺𝗺𝗮𝗿𝘆: 最近同老公､爸媽一齊計劃食餐好既,見到 ｢Garden Lounge｣新推出左海鮮半自助晚餐, 【快閃買一送一】海鮮半自助晚餐,真係好抵食!於是就帶埋一家四口一齊黎食返餐豐富既,順便聚一聚,感受下高質既用餐環境｡ . ◈ 烤安格斯肉眼牛排 主菜每人可以揀一款,我地四個索性揀左吾同款,一次過試晒所有主菜｡當中烤安格斯肉眼牛排真係好正,牛扒厚身得黎肉質嫩滑,配埋黑松露薯蓉､西蘭花苗同芥末牛肉汁,味道層次豐富,牛肉既油香同汁醬夾得岩岩好,食完好滿足｡ . ◈ 清蒸鱸魚 另一款主菜試左清蒸鱸魚,魚肉鮮嫩滑溜,帶有羅勒葉､辣椒同青檸汁既清新香氣,入口酸酸辣辣好開胃,完全吾會覺得腥,食到魚既鮮味同調味既平衡,幾正! . ◈ 雲南野菌米型麵 第一次食米型麵,口感真係好特別,滑溜又帶咬勁,混入左意大利軟芝士同松露,表面鋪滿菌菇,香氣撲鼻,食落濃郁又有層次感 . ◈ 烤原隻加拿大龍蝦 雖然要額外加 $128,但真係值得!龍蝦膏好多,肉質彈牙,上面鋪滿蒜蓉,蝦鉗仲幫你脫好殼,唧d檸檬汁再配香草牛油,鮮甜同香濃既味道一齊爆發,食完仲回味｡ . ◈ 第二道分享菜 主菜之後有第二道分享菜,包括是拉差辣椒醬烤雞串,香辣惹味;炸軟殼蟹配咖喱汁,酥脆同咖喱香好夾;日式清酒煮蜆,鮮甜又帶酒香;蒜蓉牛油烤大頭蝦,蝦肉爽口,蒜香濃郁,每款都好有特色,幾個人分黎食真係好開心｡ . ◈冰鎮海鮮 冰鎮海鮮吧真係一大亮點,有鮑魚､長腳蟹腳､青口､生蠔､蜆同帶子等等,全部都新鮮得黎冰涼爽口,特別係長腳蟹腳同生蠔,食到海水既鮮味,簡直停吾到口｡ . ◈ 亞洲風味沙律､凍盤同其他熱菜㗎啦 沙律同凍盤選擇好多,有魚籽玉子豆腐､蒜尼白肉､涼拌木耳､凍蝦同八爪魚等,熱菜方面有即切牛肋骨,肉質軟嫩;炸羊架,香烤可口;特別要推介北京填鴨,熱辣辣即叫即切即包,皮脆肉嫩,encore左好幾次都吾夠喉 , ◈ 甜品同雪糕 甜品同雪糕真係好多選擇,有雲呢拿雪糕､覆盆子雪葩､焦糖燉蛋雪糕､意式奶凍雪糕,仲有純素朱古力蛋糕､紅豆酥､綠茶紅豆心太軟､朱古力慕絲蛋糕､松露朱古力､海鹽焦糖芝士蛋糕､葡撻､蘋果提子撻､朱古力心太軟､水果同意式奶凍等等｡特別推介純素朱古力蛋糕,朱古力味濃郁得黎吾會太甜,再滿足埋甜品胃,真係完美ending｡ . 有興趣可以睇返呢條link啦😘 https://www.klook.com/zh-HK/activity/67688?aid=14983 . ⚘ 同區餐廳:#fcb周圍食_中環 ⚘ 𝗪𝗲𝗹𝗰𝗼𝗺𝗲 𝘁𝗼 𝗳𝗼𝗹𝗹𝗼𝘄 @fcbfoodiehk ♥︎ _____________________________________ ☻ @Gargen Lounge 𖠘 香港中環紅棉路22號尼依格羅香港美利酒店UG花園樓層 ☑ 10% 𝗰𝗵𝗮𝗿𝗴𝗲 #gardenlounge#buffetdinner#buffet優惠#UCreatorHK#MOMENTSwithUCreator #ULifestyleApp  #UCreator美饌企劃 #UCreatorBuffetFeast #BESTFOODwithUCreator