皇后街熟食市場周四起復業設11間熟食檔！翻新半年網民讚：靚咗好多

Joanne

港式美食

生記粥品專家

上環早餐🥣～生記第二日

第二次去“生記”食個豐盛嘅早餐慰勞下自己🥳 除咗有各式各樣嘅粥可以選擇😋 仲有好多吸引人嘅早餐套餐👍 ⭐️今日次决定叫咗個榨菜肉絲米粉🧡仲加咗一杯凍奶茶,碗榨菜肉絲米粉都幾多😂可能唔係咁肚餓😂 最值得一提嘅就係隻煎蛋🍳煎得好香😍應該係用了唔少心思｡ 原來凍飲都係加一蚊💖 最後埋單,一共$39下次仲會再嚟 生記粥品專家 (上環) 上環畢街7-9號地舖

Goodtoeat.foodhk

港式美食

上環街市及熟食中心

上環熟食中心懷舊茶檔

瑞記咖啡係上環街市一間歷史悠久好有舊香港風味嘅茶檔☕️🇭🇰 有名西多士更被傳媒評為十大必食西多士?🤩 ✿西多士 有別於常見嘅西多士做法😋 平時多以沾滿蛋漿後炸至金黃色,放有花生醬/糖漿🥜🍯 而瑞記做法是把兩塊方包加入蛋以煎的方式製作,再淋上滿滿煉奶🍼🧈 食落鬆軟好有蛋香味🥚 吐司邊位帶微微燶邊脆口🍞 但稍為覺得整體頗油 ✿蛋牛包 是烘脆嘅長型餐包🥖包感外脆內軟 入面夾有蔥花牛肉蛋🥚不缺牛油香🧈 簡單經典好食👅 ✿鲜牛麵 味道正常發揮🍜 牛肉煮得剛好,食落幾爽口🤓牛肉份量都也不少✨ ✿樽仔奶茶 特別在於形式上是以玻璃樽呈現 飲落奶茶夠絲滑,但略嫌茶底唔夠濃,甜度亦偏甜(甜度固定)🤓 雖然用料簡單♨️ 但這香港地道懷舊茶檔 總是別有一番風味❤️💫 西多士 𝗙𝗿𝗲𝗻𝗰𝗵 𝗧𝗼𝗮𝘀𝘁 $𝟯𝟯 蛋牛包 𝗖𝗼𝗿𝗻𝗲𝗱 𝗕𝗲𝗲𝗳 𝗮𝗻𝗱 𝗘𝗴𝗴 𝗕𝘂𝗻 $𝟮𝟯 鲜牛麵 𝗕𝗲𝗲𝗳 𝗡𝗼𝗼𝗱𝗹𝗲𝘀 $𝟯𝟯 樽仔奶茶 𝗕𝗼𝘁𝘁𝗹𝗲𝗱 𝗜𝗰𝗲𝗱 𝗠𝗶𝗸𝗲 𝗧𝗲𝗮 $𝟮𝟮 #上環#上環美食

koalayip

港式美食

賞味香港 - 長沙灣的港式大牌檔 榮發茶餐美食

自從3月回復自由身後，再次展開新兼職工作和新學期，期間還左唔少飯債，工作因為港人出走需求增多又再變得忙碌，就像剛過去的清明Easter Holiday，因為「請三可以放十」，香港接近五分一人口都在這段時間出走，所以在下Koala在假期前都返左幾Office開工，但願個外遊Market真係復活起來啦！ 呢兩年以"40歲後留港Study Holiday"為目標既Koala，假期繼續留係香港，放縱左一日，完成左份功課，為左續個領隊證，又上左日急救課，加上斷斷續續WFWhatsapp，四天連假，瞬間即逝，說好的早起和晨操，4月至今跑左兩次(可能係行多過跑，哈)。 秉承在下返工時「飯總要吃」的態度，中午時份係需要鬆一鬆，從炒散初期的兩至三小時食飯圈，隨著工作增加，近期都縮短至兩小時內完成，身為長沙灣街坊既Koala，月前係Facebook關注左「長沙灣街坊」群組，某天街坊出了榮發的食物Post，就令我想起幾年前曾經路過這家食肆，當時鋪內鋪外都坐無虛席，每位食客都忙著享用面前的美食，感覺他們都食得好開心，翌日我就去左作親身體驗啦~ 大牌檔格局既榮發茶餐美食，用餐區在鋪內，但餐牌仍然在鋪外，茶餐美食不外乎豬牛雞扒、火腿腸仔蛋餐肉，只要你嗌得出，就有得食，首次到訪就Order左店方名物生滾牛肉通粉、炸雞翼同熱奶茶，盛惠HK$62 生滾牛肉是店名物，可配搭米粉通粉公仔麵或伊麵，想食烏冬就要加錢啦，在下係個通粉愛好者，個生滾牛肉通確實係幾滋味，湯底帶甜，蔥花以外還有附上炸蒜 手切鮮牛肉賣相不錯，食落都有牛肉味，配上辣油更加美味 炸雞翼賣相飽滿，上檯後放了一會才吃仍然熱辣辣，證明即叫即炸，哈~ 先後幾次到訪，每次都會留意其他食客的點餐，發現榨菜是經常被加配的食物，所以這次前來Encore生滾牛肉通加榨菜，發現雙拼牛肉數量大減，但個榨菜真係幾好食同無渣 餐牌設在鋪外，方便食客入座前點餐，只因從鋪內是看不見餐牌，另一方面，榮發的食客基本上90%都是熟客，一句「照舊」或「例牌」都已經足夠 頹飯系列餐牌上的食物，在下大都試過，推介雞翼和豬扒，個人認為店方名物榨菜配湯粉麵較出色，飯餐可選豉油汁、茄汁或咖喱汁 喜歡店方把食物碎上(切開)，方便食客只用叉匙便可進食(店方亦可洗少把刀，哈！)，是日點餐牛扒腸仔飯 鼓油汁 熱鴛鴦，牛扒表現不錯，腸仔不過不失，由於食店沒有黑椒汁供應，故選了鼓油汁 飯餐的話，個人認為 豬扒雙蛋飯 鼓油汁比較出色，蛋和豬牛雞扒都是Perfect Match，餐飲方面，榮發杯奶茶都幾好飲 炸豬扒味道不錯，目測沒有多餘脂肪，白飯加上蛋漿後更為滋味，都算是個邪惡之選 為左寫呢篇美食Blog，當然要試多幾種食品，最近一次點了雞排扒餐肉飯 咖喱汁，再加埋店方仍一名物榨菜，咖喱汁係有跟薯仔，其實呢個組合都幾奇怪，但係又幾好食 回顧Koala的飲食習慣，發現自己都係一個"頹飯支持者"，就過去年多於葵涌山城工作的日子，在區內食盡不同的地區茶餐廳，對主打炒米粉和頹飯的代表馬記茶餐廳特別寵愛，如果馬記係葵涌頹飯既代表，再之前係中環返工，經常前往的孖沙，就係上環既代表，其雞髀飯、餐肉三蛋飯(在下通常要兩蛋)和炒飯都十分出色，長沙灣就有榮發，三家食店的共通之處，就係即叫即煮。 能夠令在下短期內多次光顧，也許是因為食物新鮮製作，即使是「頹飯」都可以係美食。由於食店下午二時半打烊，要在鋪內用餐的話，最遲必須於一時多前來，遇上晚間返學的日子，榮發是個不錯的Lunch選擇，只因在這裡吃一個飯餐，是足以支撐到落堂再買宵夜。 食店的樓面和鋪面，鋪內只有5張檯，同一時間可容納十多位食客 大牌檔格局的榮發茶餐美食，從鋪面推算，估計已經在區內屹立至少十多年，食客都以街坊和熟客為主，不時聽到大家跨檯交流，甚有廣播劇《十八樓C座》的感覺，有時食野就係要食氣氛同人情味 榮發茶餐美食 地址：長沙灣長發街22號順輝大廈地下1號舖 伸延閱讀 賞味香港 - 長沙灣的泰國味道 泰道 賞味香港 - 葵涌港式滋味 馬記茶餐廳 #炸雞翼 #長沙灣 #賞味香港 #頹飯 #港式奶茶 #長沙灣街坊 #飯總要吃 #即叫即煮 #港式大牌檔 #榮發茶餐美食 #生滾牛肉通粉 #牛扒腸仔飯 #豬扒雙蛋飯 #榨菜 (此文章由U Blog 同步發佈至社群)