牛角燒肉北上深圳賣廣告！老闆黃傑龍解釋「經濟內循環」 內地店與香港無關？
牛角燒肉反攻深圳賣廣告？港人北上似乎已成常態，假日大批市民湧至深圳等地遊玩消費，反之本港飲食業市道相對淡靜，繼早前有本地燒肉店「反攻深圳」後，本港門店轉頭宣布結業，實在令人唏噓不已。最近連鎖日式燒肉店牛角就宣布已進軍內地市場「賣廣告」，老闆黃傑龍表示「都係經濟內循環」。
連鎖燒肉牛角北上深圳賣廣告
在港經營日式品牌「牛角」及「牛涮鍋」的敘福樓集團主席兼行政總裁黃傑龍，最新透過社交平台表示，「牛角」品牌北上深圳賣廣告。黃傑龍指出：「既然潮流不可逆轉大家都上深圳，唯有我都上深圳… 賣廣告啦。其實你又上深圳我深圳都冇乜大分別，你努力送錢上去，我嘗吸給返少少落嚟，都係經濟內循環。」
從相片可見，牛港於深圳地鐵內大賣「牛角燒肉」及「牛角Buffet」廣告，透過地鐵扶手環宣傳「香港地區限定」的日本和牛放題、日本和牛盛宴等，地點涵蓋港鐵4號綫，以及民樂地鐵綫。
▼牛角深圳地鐵廣告▼
港人看法不一：唔想同佢地爭位食牛角
對於今次「進軍」深圳吸客來港消費，港人各有看法。有網民擔心屆時人流爆棚後，或增加排隊食燒肉的難度：「我唔想佢地同我爭位食牛角」、 「同佢地一齊排隊等位一齊唧雪糕會好嘔血」；不過都網民表示支持，「其實無論你去美國英國日本你都逃離唔到同佢哋共處嘅事實」、「路不轉，人轉」，理解本地餐廳經營艱難，反而笑問「可唔可以拎個扶手返屋企掛」？
▼港人留言▼
對於有人提及，不久前才有本地燒肉店「反攻深圳」後結業，黃傑龍就表示「我哋唔係反攻深圳，我哋上深圳買廣告叫佢留嚟香港食啫」。
深圳都有牛角燒肉？黃傑龍留言回應
此外，有網民表示在內地深圳曾見到有「牛角」餐廳，同樣主打燒肉放題。記者翻查內地「大眾點評」資料，顯示現時深圳合共有6間名為「牛角燒肉」的餐廳，餐廳招牌設計、門面均與香港店相同。對於有網民向黃傑龍作出詢問「大陸間牛角係咪你嘅」，獲回應指「不是」，即牛角內地店與香港店並沒有直接關係。
截至目前為止，「牛角燒肉」及「牛角Buffet」在全港合共有26間餐廳分店，分別遍佈港九新界，地址詳情可至官網查詢。
-
擦餐勁
牛角日本燒肉專門店 (康怡廣場)
最清幽嘅牛角分店
近近地想喺公司附近食個燒肉,首選最冇人嘅牛角分店:康怡廣場｡ 本身對白飯零喜好,但係一場嚟到一定要食佢嘅最signature牛角紫菜飯🤓 Yum yum 😋 #燒肉#牛角#康怡廣場
閱讀更多
-
日式料理
牛角日本燒肉專門店 (荃新天地)
燒肉、沙律與麵🌟
牛角好耐無幫襯啦,其實啲人話牛角飯好食､其實佢個牛角冷麵先係王者🤭又清爽又彈牙,真係誰吃誰知道~同埋麻香椰菜都好好食好清爽,自己係整唔到呢個味道! 仲叫左個牛角豚､雞六品燒肉盛合,入面已有牛豬雞,點招牌牛角燒肉汁最好食!鹽醬我就覺得有啲太鹹唔識欣賞,同埋我都係鍾意散叫慢慢燒慢慢食,放題真係唔岩我｡ 不過晚餐都唔係有太多套餐揀,一個人都要$400左右,肉既質素還可以,CP值就麻麻地｡ 🏠店名:牛角日本燒肉專門店 (荃新天地2) Gyu-Kaku (Citywalk 2) 🚘地址:荃灣楊屋道18號荃新天地2地下G69號舖 #燒肉
閱讀更多
-
著數報料
牛角日本燒肉專門店 (香港仔中心)
抵食牛角燒肉😎 只限呢間分店！
牛角極安燒肉盛合 + 無限追加$3-12嘅單品‼️抵過食放題🫣 想享用無限追加嘅話首先每位人頭要嗌個燒肉盛合先 都系低至$78起💰 雞､牛､豬梗有一款啱你心水🙂↕️ 追加嘅單品由$3嘅醬汁､雞肝､牛五花到$6嘅乳酸梳打､牛油金菇🤭 仲有$9嘅國產牛肩胛肉､角切牛舌､牛角飯🍚 同埋$12嘅上級牛舌､黑毛和牛肩胛肉､日本魷魚須､Sapporo生啤等等🍻 款式多到試唔曬!呢個價錢就食到平時牛角嘅質素 真系cp值超高呀😍
閱讀更多
港生活人氣本地熱話
《U GO》請您睇《電影教場：驪歌》！
木村拓哉率領豪華陣容回歸👮♂️直擊風間公親最嚴苛試煉⚔️
《U GO 》請您去CON-CON HONG KONG 2026！
超強音樂陣容＋動漫IP沉浸式體驗🔥
假日好去處