中秋前慘被結業！灣仔雄記美食「被拆招牌」遭地產貼招租 店主澄清無執笠
本港飲食業近年營商環境艱困，不少餐廳食肆飽陷結業潮。正值市況艱難之際，有餐廳就慘「被」宣布結業？於灣仔的雄記美食經營多年，主打廣東式粉麵及牛腩牛雜等港式美食，近年來持續不懈地經營食店，但日前就發文表示，門店近日「被拆招牌」之餘，更慘「被招租」，全因地產代理多張招租通告，惹來結業傳聞！店主怒轟發文澄清。
灣仔雄記美食「被結業」
灣仔雄記美食近日透過社交平台專頁，發出多則帖文及動態，苦訴門店鐵閘突然被某間知名地產代理商，貼上多張招租告示，惹來外界誤會雄記美食將結業。店主發文怒轟，稱「近排我哋已『被拆招牌』，今晚又『被招租』，到底咩玩法，搭棚就代表係執笠」？
店主嚴正聲明：我哋無結業、無頂手、無執笠
店主澄清，「嚴正聲明我哋無結業、無頂手、無執笠」、「現今我哋呢啲小巿民做小生意已經『百上加斤』」，怒斥地產公司「招租」未有查明事實真相，行為草率，「居於（然）可以做出一個咁『聰明』嘅行為」，批評地產公司犯下「嚴重錯誤」足以影響小店聲譽，引來食客誤會。他續稱「懇請大家唔好誤會」，店家會「繼續堅持煮落去」、「繼續撐頂落去」。
網民建議：向地產代理監管局投訴
帖文引來大批網民與食客關注，大部分人對涉事地產代理的「招租」行為表示不滿，「有無搞錯呀」、「其實會唔會業主偷偷地聯絡左佢」，認為店主應向相關部門投訴，並建議循法律途徑要求對方賠償，獲店主回應指「會打電話去地產代理監管局投訴佢」。有不少支持者留言，表示會繼續力撐雄記，更會身體力行前往幫襯。
雄記美食多年來主打家傳祕方，出品招牌馳名牛什粥、花生皮旦元貝豬骨粥、香煎蝦米腸粉、咖哩牛腩撈麵、牛什粉麵,糖水有馬來喳咋、腐竹薏米等各款美食。
雄記美食 詳情
地址：灣仔區克街6號廣生行大廈B座地下B2號舖
營業時間：11:00 - 17:00
電話：3708 8715
*19/9 - 23/9（休息）
資料及圖片來源：Instagram@hungkeehk
-
打卡熱點
雄記美食
80年代電影迷必去！灣仔雄記美食🎬📸
如果大家對80年代既電影感興趣既就一定唔可以錯過呢個打卡餐廳｡佢係位於灣仔克街既雄記美食｡未講食物之前先講下餐廳個環境先｡牆上面貼左好多好有年代感既舊電影poster,另外仲有好多老闆既珍藏超人figures同埋好多好多既LABUBU｡佢地係用左小學既木枱四張四張夾堆做一張大枱｡如果打卡黎講係好合適｡ 至於食物呢,佢地最出名就係雞蛋香煎蝦米腸粉同堆牛什牛腩,家傳祕方果然係唔會令人失望｡糖水有馬來喳咋同腐竹薏米,一定要食埋先走｡ 要留意番呢間餐廳長期都要排隊,記得耍預埋排隊既時間｡仲有就係佢地每人既最低消費係$50同埋冇得加單,要認清楚想要咩先落單｡最後佢地係星期日休息,記得留意日子｡ #ghd雪葩粉紅慈善限量系列
閱讀更多
-
港式美食
元朗合隆潮州粉麵 (灣仔)
大愛胡椒湯！🫶🏻🎊每次去到灣仔就會忍唔住想食呢間😂
每次一個人去灣仔,都會揀元朗合隆潮州粉麵或者食川粵~啱啱嗰轉,就揀咗元朗合隆潮州粉麵!佢哋嘅胡椒湯真係會令人上癮!好夠辣度!今次揀自選湯粉,就揀咗河粉,豬紅,豬肚,鮮牛肉!食得出佢哋啲食材全部都好新鮮! 不得不提佢哋嘅菜甫🤣🤣超級辣,每次都用隻碟仔載少少,一放晒落湯嘅話就碗湯都會紅卜卜~ 辣得好過癮!但係唔食辣嘅朋友千祈唔好食🎊😂 味道:⭐⭐⭐⭐⭐ 環境:⭐⭐⭐⭐⭐ 服務:⭐⭐⭐⭐ 性價比 :⭐⭐⭐⭐⭐ #UCreatorHK#BESTFOODwithUCreator#香港美食#港島美食#香港隱世美食#香港地道美食#我想同您試飲蘋果玉桂蜂蜜酒 #人人生日快樂 #我係咖啡達人 #2025chillguy #打卡美食
閱讀更多
-
香港攻略
銅米線
灣仔花膠米線 - 銅米線
- 招牌花膠滑雞絲米線🐔 湯底係清甜嘅花膠雞濃湯 飲落順口唔會好鹹 仲有少少屋企湯水嘅感覺 花膠份量比預期中多 食落軟滑有膠質 雞絲用上雞脾肉 嫩滑唔嚡口 配料方面有木耳､芽菜､酸菜同海帶絲 令成碗麵嘅口感更有層次 米線用金屬小鍋上枱 保溫做得幾好 食到最後都仲係熱辣辣🔥 份量方面真係要提一提 呢度嘅米線比一般餐廳大碗 配料又多 一個女仔真係好大機會食唔晒😂lunch hour 去就預咗要搭枱 始終灣仔區午餐時間都係咁熱鬧 全店幾乎爆滿 好彩流轉都快~ 銅米線 (灣仔) 📍灣仔軒尼詩道69號地舖 #灣仔花膠米線#花膠雞湯米線#銅米線#好去處#相機食先#香港美食
閱讀更多
港生活人氣本地熱話
《U GO》請您睇《搞乜鬼奪命雜作》！
韋恩斯兄弟癲喪回歸🎭搞笑玩殘所有恐怖經典🤪
U Lifestyle App大派Stecco Natura意式雪條1000條！
↓ 百分百意大利進口保證原汁原味↓
搵好去處