3大連鎖餐廳「自閉位」獲讚！食客憶起壽司郎同款神座：1人可以食得更加開心
餐廳單人自閉位愈趨熱門？一個人食飯不時出現要搭檯的尷尬情況，本地多間餐廳相當貼心，為客人提供猶如自修室座位般的單人位置。其中有市民留意到沙嗲王分店設有多個「特別座位」，大讚「真係好正」、「幾啱我呢啲冇女朋友」的人士，有網民更憶起日本連鎖店壽司郎早有同款「神座」，今次再有餐廳跟隊，以後一人食飯都可以安心「獨獨吃」啦！
沙嗲王單人自閉位獲讚
早前曾有市民指出，位於旺角的沙嗲王分店內設有多個單人「自閉位」，亦有人稱「毒L位」，是專為一人顧客而設的座位。樓主表示，「幾啱我呢啲冇女朋友，又唔想睇到人哋放閃嘅人坐」。
餐廳最少設3個「自閉位」 設計如自修室
從樓主上傳的相片可見，餐廳最少提供3個「自閉位」，而且規格不一，有大有小，每張檯之間均設有隔板阻擋，視線範圍位置設計猶如圖書館自修室般，食客可以「面壁思過」，獨自享用美食。
▼沙嗲王自閉位▼
大家樂分店同設「自閉位」
此外，有網民發現大家樂同樣都提供單人「自閉位」，相中顯示該位置的檯直接挨著牆壁，食客可以一人安靜用膳，有網民更指「我一支公果陣鍾意坐呢啲」、「超靚位」。據指該店為中環大家樂分店。
網民：1人可以食得更加開心
帖文引來網民讚好留言，有網民認為該位置比自修室更加窄，不過都有人表示相當欣喜，直言「獨L一個，可以過得更加開心」、「毒L位正」！
▼網民留言▼
對於餐廳提供單人自閉位，部分網民更憶起日本連鎖壽司壽司郎，據官方透露，香港壽司郎有多間分店都「特設」一人座位，予單人顧客使用，猶如VIP包廂被封「神之座位」。
沙嗲王 旺角店詳情
地址：旺角砵蘭街240-244號MPM商場3樓3A舖
營業時間：11:30 - 22:00
電話：3850 0120
資料及圖片來源：Facebook@全港店舖消息(+時事熱話) 關注組 2.0 關注組、Facebook@沙嗲王 - Satay King 、Facebook@香港茶餐廳及美食關注組
壽司郎「特別座位」猶如VIP包廂 被封神之座位
有網民在Facebook群組「香港壽司郎關注組」分享壽司郎其中一間分店的單人座位，並配字「係咪全香港第一間有毒L位既壽司郎？」壽司郎的座位配置一般分為2類，沿迴轉壽司帶而坐的吧檯位，或能容納4至6人的大長桌。不過，最近就有網民分享罕見的一人座位。
從圖片可見，座位受牆壁及大長桌的椅背隔絕，阻隔開與其他食客的接觸，相當亦較其他位置清靜，儼如小包廂的狀態。空間不會太過淺窄與局促，所需的餐具及醬料齊全，絕對適合一人食客全神貫注享用自己的餐點。
網民大讚自閉位：「仲好唔駛同人逼」
雖然發文者以「毒L位」形容該座位，不過實際上受到廣泛網民歡迎，有網民直言「最鍾意呢種座位」、「其實自己一個更開心」、「黃大仙試過，正～又快啲」、「我都唔想俾人煩。靜靜地攤壽司幾好。」繁忙時間光顧茶餐廳，多數要與其他食客搭枱，有網民表示「希望其他茶餐廳都效法。」過去亦有日本女網友在X分享，指自己一人到壽司郎用餐，被帶到完美的「VIP包廂座位」，大讚真的很好。
來源：香港壽司郎關注組、X@Rise_Moritomo、香港壽司郎
▼壽司郎9月新餐牌|堂食首推藍鰭吞拿魚3味/抹茶雪糕蛋糕▼
壽司郎9月新餐牌「大大大大感謝祭X天然魚」！抵食之選有白碟的日本海產炙燒沙甸魚、天然生花竹蝦，均價都在12元以下！另外天然藍鰭吞拿魚三味、監修豚骨鹽味拉麵，百年茶舗抹茶雪糕蛋糕也是首推，外賣盛合9貫更只需$98！另外喜歡吞拿魚必試天然藍鰭吞拿魚三味（$39），一次過吃到大吞拿魚腩、吞拿魚、蔥花吞拿魚蓉軍艦！壽司郎今次堂食首次推出手卷，可以試試天然藍鰭吞拿魚中落極上手卷（$22）。
-
打卡熱點
將軍澳
白咖哩公司增添了孤獨座位
一個人吃吃飯也不不會尷尬 #白咖哩公司
閱讀更多
-
日式料理
香港獨食必試指南 靖壽司一人火鍋超爽
而家香港獨食文化越嚟越盛行，一個人食飯唔想搭枱、唔想被打擾？位於牛頭角偉業街嘅靖壽司，簡直係獨食黨嘅天堂！從牛頭角地鐵 B5 出口步行幾分鐘就到，位置好易搵，一個人出行超方便。 獨食座位超貼心 隱私感滿分 靖壽司好懂獨食人士嘅需求，專門設置咗獨食座位區！面牆設計嘅座位，每個都有輕微隔斷，保護隱私嘅同時，又唔會覺得孤單。座位空間夠闊，放得低食物同個人物品，坐得好舒服。而且每個座位都配備獨立餐具同小檯燈，一個人食飯都有儀式感，完全冇尷尬感。 一人火鍋 豐富唔孤寒 好多人怕一人火鍋配料少、味道普通，但靖壽司嘅一人日式火鍋完全打破呢個印象！湯底有昆布、味噌兩種經典選擇，鮮味十足，每日新鮮熬製，冇添加味精。配料超豐富，肥牛、蝦丸、時蔬、菌菇、烏冬樣樣齊，份量啱啱好，一個人食到飽，而且食材新鮮，味道正宗，完全唔輸多人火鍋。 除咗火鍋 獨食套餐選擇多 如果唔想食火鍋，靖壽司嘅獨食壽司套餐同和食套餐都好推介！壽司套餐有 6 件壽司加沙律、味噌湯，刺身新鮮，醋飯酸度剛好；和食套餐可以揀親子丼或者炒烏冬，熱食暖笠笠，一個人食都好滿足。而且出餐好快，唔使長時間等待，獨食時光超愜意。 環境舒適 獨食都有好心情 靖壽司嘅環境整潔舒適，木質裝修帶來溫馨感，燈光柔和唔刺眼，就算一個人食飯都好放鬆。職員態度友好，唔會因為你獨食而忽略服務，落單同送餐都好有禮貌，全程冇打擾，獨食體驗感超正。 獨食唔一定孤單，喺靖壽司可以好好享受屬於自己嘅美食時光！無論係午餐定晚餐，一個人都可以食得開心、食得舒適，獨食黨一定要 mark 低～ #牛頭角壽司推薦 #牛頭角壽司火鍋 #靖壽司獨食套餐 (此文章由U Blog 同步發佈至社群)
閱讀更多
-
香港攻略
沙田新城市穴居洒屋，一個人放飯去食，座得舒服，食物也不錯 #Chill賞去OP放電
閱讀更多
港生活人氣本地熱話
↓【免費請您試用！】↓
Mustela嬰幼兒夏日防護套裝！
↓【狂賞著數祭🎁】十一悦山茶花精萃EGT抗醣養顏丸 ↓
↓ 對抗老化現象｜逆齡抗醣美白 ↓
搵好去處