牛角與兩姊妹涼皮合作？ 黃傑龍親赴小店簽約兼食涼皮：真係幾好食
牛角與兩姊妹涼皮合作？在本港經營日式飲食品牌「牛角」、「牛涮鍋」及「挽肉と米」的叙福樓集團主席兼行政總裁黃傑龍，透過社交平台透露，將與本地米芝蓮餐廳兩姊妹涼皮達成合作協議，於周四（19日）親自前往門店進行「現場簽約」，兼分享自己第一次食人氣涼皮，大讚「原來真係幾好食」？
黃傑龍透露將與兩姊妹涼皮合作
黃傑龍周四（19日）發文分享，指公司管理層與兩姊妹涼皮有限公司，經過多月商談之後終於達成合作協議，並著他當日（19日）便前往小店簽約。黃傑龍指出，除了引入日本品牌之外，公司亦想更多與本地品牌合作，惟他透露簽約之前，自己未來未曾品嚐過兩姊妹涼皮。
黃傑龍表示：「我根本未食過兩姊妹涼皮，所以決定直接去分店先食一碗，現場簽約。 原來真係幾好食個喎，本來驚係咪會食唔飽，其實都好飽，個涼皮本身係真真正正意義的又爽又滑」，又指自己添加了叉燒、櫻花蝦、青瓜絲作配料，另再額外加添兩款小食，最終埋單吃了$85.5。
他續指，「如果基本咁食$50應該都搞掂」，認為幾十蚊食得飽，大讚非常貼地。黃傑龍更與店家老闆及老闆娘留影合照，表示「合作愉快」。
至於兩姊妹涼皮同日（19日）亦透露，今次的合作計劃「令人又期待又興奮」，指正在如火如荼地籌備當中，言語間難掩激動：「話晒老細都係牛角金會員，可以同你欣賞嘅品牌合作，你會開心成點啊？祝願大家合作愉快又長久！」不過，目前雙方都未有就合作計劃與形式作出進一步的解說，大家可以繼續密切留意最新發展！
資料及圖片來源：Facebook@黃傑龍 Simon - 窮富翁 好人好事、Facebook@兩姊妹涼皮有限公司
兩姊妹涼皮進駐香港國際機場
兩姊妹涼皮有限公司近年默默耕耘，小店於8月下旬曾透過社交平台專頁宣布，聯乘「食東西美食廣場」推出香港國際機場獨有的限定配搭。由即日起，各位食客在機場禁區就可以品嚐期間限定餐單，當中包括人氣招牌兩姊妹涼皮、極品擔擔撈麵配嗆辣蓮藕丁、黑糖桂花冰粉蜜等。
老闆娘發文感慨：返去機場係一直以嚟心願
對於今次品牌成功進駐機場，曾經是空姐的兩姊妹涼皮老闆娘頗有感慨，「其實一直以嚟，返去機場，係老闆娘嘅一個心願。曾經，我都膽粗粗試過聯絡機場租務部，但由於當時僅有嘅舖位唔適合做飲食，所以都無緣進駐」，不過幸得丈夫即是老闆的堅持不懈，今次終於如願以償。
兩姊妹涼皮踏入新里程碑 老闆娘向熟客致謝
她續指，「今日，我竟然可以再用另外一個身份返翻嚟。本來嘅一個小小薯，喺芸芸咁多個crew入面，根本冇人知道我係邊個。但見到今日自己創造嘅品牌，竟然出現咗喺一個咁大嘅銀幕上面。嗰種感覺真係好奇妙，又有啲感動，仲有啲啲咁多嘅自豪」。
對於兩姊妹涼皮再踏入新一個里程碑，老闆娘表示，感謝一直以來陪伴小店前進的所有熟客。
▼全文▼
▼兩姊妹機場限定餐牌▼
網民留言支持：機場終於有好嘢食
不少食客對今次好消息都紛紛留言支持，有網民直言「機場終於有好嘢食」、「下個月又飛，食完先上機」，亦有海外食客表示「好想返去香港機場試一下」。大家下次出發旅行前，不妨去品嚐一下！
▼網民咁講▼
「兩姊妹涼皮有限公司」於2019年在太子開張，該店至2023年底遷至旺角黑布街，並加設堂食座位，繼續提供多款川味小吃。目前全港設3間分店，分別在旺角、中環及元朗。
兩姊妹涼皮有限公司 香港國際機場店詳情
地址：香港國際機場一號大樓離港層L6食東西美食廣場（近40-80號登機閘口）
營業時間：12:00- 22:30
＊向Tap+Brew店員下單購買即可。
兩姊妹涼皮有限公司 分店詳情
兩姊妹旺角店
地址：旺角黑布街99號地舖
營業時間：12:00 - 21:00
兩姊妹中環店
地址：中環康樂廣場1號怡和大廈LG樓BaseHall Kiosk 9
營業時間：
星期一至六｜11:00 - 20:00
*星期日及公眾假期休息
兩姊妹元朗店
地址：元朗教育路68號兆豐樓地下21號舖
營業時間：
星期一至五｜12:00 - 20:30
星期六｜12:00 - 22:30
星期日｜12:00 - 20:30
資料及圖片來源：Facebook@兩姊妹涼皮有限公司
-
港式美食
兩姊妹涼皮有限公司（旺角黒布街）
🇭🇰米芝蓮 夏日開胃涼皮
La粒: 香港持續酷熱🔥 有時可能食碗湯麵 都食到成身汗🥵 咁熱嘅日子 最啱就係食涼拌 今次食呢間係攞咗米芝蓮嘅｢兩姊妹涼拌有限公司｣ 果然出色😋😋😋 大家如果想去 就記得book mark定📌 📍Twins Liangpi Limited 兩姊妹涼皮有限公司(旺角黒布街) 99號 Hak Po St, Mong Kok 旺角黑布街99號地舖 guide.michelin.com ••••••••••••••••••••••• 下一個分享💁🏻♀️ 超高質 串燒‼️ 只限預約‼️ 希望大家鍾意我嘅分享 每一個❤️同關注都俾到好大嘅鼓舞我地繼續向前行 有咩問題❓ 或者有咩想知道❗️ 歡迎喺下面留言話俾我知📩 我地下個分享再見🫶🏼 . . 🟡 𝔽𝕠𝕝𝕝𝕠𝕨 𝕞𝕖 ➡️ ig @lalupdaily Youtube @lalupdaily Lala ig @little_prince_lagrimas LaMa crafts ig @LaMa.crafts . . #littleprinceLagrimas#lalacat #lalupdaily#lalup#la粒 #meow#neko#猫#喵#治癒 #la粒係香港#la粒去食野#旺角美食#旺角餐廳#涼拌小食#夏日美食 #BESTFOODwithUCreator#UCreatorHK#九龍美食#香港美食#TRAVELwithUCreator #呵護肌膚好物#記得防曬#冰爽夏日#夏日出遊
閱讀更多
-
港式美食
兩姊妹涼皮🤤！終於食到啦！😋
想食兩姊妹涼皮好耐!因為好多同事都話好食~而且好多人介紹,今次同先生去咗試試😋 🥢招牌兩姊妹涼皮 招牌必食之一,所以我揀咗呢個,加咗肥腸､雪花雞絲､勁量爆茜山 涼皮真係好好食,質感滑溜彈牙,汁料微辣惹味,肥腸入味,芫荽都好夾辣汁涼皮,正👍🏻 🥢極品擔擔撈麵 老公表示滿意,擔擔麵口感好,湯底揀咗bb辣,必食媲美拉麵店叉燒嘅火炙鹹香豬五花!燒得香口入味~ 另有秋葵､溫泉蛋､肥腸,仲有其他配料揀 🥢惹味口水雞 真係好惹味,要咗少辣,雞肉超級超級滑!好多汁!連皮食邪惡又正 🥢涼拌香皮蛋 皮蛋整得出色,就咁食戓同涼皮一齊食都好夾 🥢酒香雞腳 酒味真係好濃烈,凍食嘅雞腳好爽 🚩兩姊妹涼皮有限公司 (旺角) @twinsliangpiltd 📍旺角黑布街99號地舖 #美食推薦#UCreatorHK#BESTFOODwithUCreator#九龍美食#香港美食#美食推薦#旺角美食#太子美食#打卡美食#吃貨人生#涼皮#香港涼皮#兩姊妹涼皮有限公司#兩姊妹涼皮
閱讀更多
-
打卡熱點
兩姊妹涼皮有限公司
旺角兩姊妹涼皮，酸辣粉控必試！🌶️🤤
鍾意食酸辣粉,一定不要錯過旺角兩姊妹有限公司!! 😍招牌涼皮 他們的涼皮晶瑩透亮,口感滑溜,配上秘製辣椒醋､青瓜絲､芫荽､豌豆和花生粉,味道獨特且美味,被網民稱為｢世一涼皮｣! 自2019年在太子已經食過好多次,兩姊妹涼皮主打地道的重慶涼皮,經過精心製作,涼皮先經洗浸至少半日,再人手逐條撕開,煮熟待涼後放在雪櫃雪足一晚,確保口感冰涼｡ 酸辣粉少不了靈魂醬汁,他們的涼拌汁由自家調配的辣椒油及9款醬汁混合而成,味道獨特且一致,無論在哪家分店都能保證相同的美味😋 米芝蓮推介🤩兩姊妹涼皮有限公司在2023年及2024年連續獲得香港米芝蓮必比登推介,這進一步提升了他們的知名度和吸引力｡ 兩姊妹涼皮有限公司係我心目中酸辣粉的第一名!大家有興趣去試試他們的涼皮嗎? #我想去AIA嘉年華 #我想去AIA嘉年華#兩姊妹涼皮#旺角#米芝蓮推介.
閱讀更多
港生活人氣本地熱話
《U GO》請您去國際潮流文化盛事ComplexCon香港2026！
匯聚最新潮流、流行文化、音樂、藝術等🌟
【影迷盛事🏆】U Community 社群 請您睇第44屆金像獎提名電影！
假日好去處