內地茶飲店霸王茶姬登陸尖沙咀！開張首日輪候超過620杯！豪氣承諾「不滿意就重做」
霸王茶姬香港首店現已開幕，新店處於試業階段，暫時只供應6款招牌飲品，包括伯牙絕弦、春日桃桃、白霧紅塵等。霸王茶姬K11店於9月20日試業首日反應熱烈，開業1小時多手機落單系統顯示已有近百張訂單。打開霸王茶姬官方程式介紹，竟然有11大服務承諾，更揚言「不滿意就重做。」
霸王茶姬香港店9月28日正式開業
霸王茶姬將於9月28日正式開業，推出香港限定周邊第一彈：【撕杯有禮抽獎活動】，在9月28日至9月30期間，凡購買任何大杯伯牙絕弦，即可參與官方「撕杯有禮」抽獎活動，有機會獲得以下精美禮品：知名品牌100ml香水、知名品牌唇膏霸王茶姬Tote Bag 香港限定版、霸王茶姬迷你鏡 香港限定版、霸王茶姬徽章 香港限定版、霸王茶姬原葉鮮奶茶中杯或霸王茶姬$5優惠券。
霸王茶姬試業首日須輪候逾600杯
內地連鎖茶飲品牌「霸王茶姬」近日正式落戶尖沙咀 K11 Art Mall，除了有「霸王茶姬」本身的人氣加乘，或許受到品牌早前推出的預熱活動影響，9月20日試業首日已有大批市民惠顧。食客可以親臨門市，或透過微信小程序落單，有用戶首日下午落單，竟發現須輪候超過620杯，預計須輪候3小時或以上，十分驚人。有顧客分享，自己中午去自取飲品，前面已有至少4﹑50人排隊。
香港店茶飲定價$28起 與內地相差約$10
霸王茶姬香港店試業期間，暫時只供應5款原葉鮮奶茶，包括「伯牙絕弦」、「花田烏龍」、「萬里木蘭」等，及1款青雪雲頂集「春日桃桃」，定價$28起。現凡加入官方WhatsApp或WeChat群組，即可領取買一送一優惠券及全場單品8折優惠券。霸王茶姬開幕前夕，一連10日每日大派3千張原葉鮮奶茶免費換領券，優惠期有限，之前登記了優惠券的朋友記得兌換。
11大服務承諾 「不滿意就重做」
微信點單小程序方便又貼心，會顯示現時有多少杯茶飲製作中，及大約輪候時間，方便食客計算落單時間。根據記者觀察，中午時段大多需要輪候90-130杯。細讀小程序更會發現「霸王茶姬」的店鋪資訊及11項服務承諾，當中包括使用原茶葉，使用鮮奶而非奶粉，及「不滿意就重做」安排。根據官方說法，若覺得茶味太濃或太淡，亦可要求重做，售後服務周到。（按圖睇服務承諾）
霸王茶姬K11店
店鋪地址：尖沙咀河內道18號K11 Art Mall購物藝術館地下G29號舖
來源：霸王茶姬小程序、霸王茶姬Facebook
-
特色茶飲
CHAGEE霸王茶姬
😋內地人氣茶飲店香港開張
內地霸王茶姬最近係尖沙咀K11新開幕!返工做嘢做到好攰,買番杯做下午茶飲下先~一去到就已經見到好多人,好彩一早用定app落單,見到差唔多時間,一黎到就拎得走人😙新開業有唔少優惠,仲有得買一送一招牌伯牙絕弦同埋春日桃桃! 1️⃣伯牙絕弦($32) 以茉莉雪芽茶湯同牛乳調製而成,茶香同奶味融合得好好,飲落清新又香茶味! 好味:8/10 環境:7/10 性價比:7/10 CHAGEE 霸王茶姬 (尖沙咀) 📍地址:尖沙咀河內道18號K11購物藝術館地下G29號舖 #以東方茶會香港友#香港霸王茶姬#一起喝靚茶CHAGEETOGETHER#CHAGEEHK#霸王茶姬#尖沙咀美食#尖沙咀茶飲#k11美食#手搖推薦#過江龍手搖
閱讀更多
-
台式料理
尖沙咀茶飲新店🍵|打工仔提神必備選擇
#foodie#hk#hkfoodie #HTB美食推介 【尖沙咀茶飲新店🍵|打工仔提神必備選擇】 🐨伯牙絕弦 $28 推薦度:⭐️⭐️⭐️ 絕對明白點解舖頭新開已經排晒長龍,同普通肥仔水唔一樣,佢唔係用茶粉沖,而真係用茶山嘅茶葉加熱水沖!!仲要話唔滿意可以重沖~絕對係信心嘅保證😯😯 哩杯係原葉鮮奶茶~ 啲綠茶香味濃,鮮奶茶入口順滑,提神醒腦,食完晏晝解膩一流👅唔怪得知可以做到招牌,日賣幾千杯! . 🐨春日桃桃 $34 推薦度:⭐️⭐️⭐️ OT開工開到頹,想獎勵自己就一定要揀佢啦!!!佢係嚴選金觀音烏龍茶做茶底,再加入真實水蜜桃汁入茶,再配以白土雪頂同無花果碎~ 口感層次豐富!!!幸福感滿滿,佢仲俾到你一種涼浸浸嘅感覺~ 宜家夏天飲就啱晒啦! . ⌫現市門市仲有小遊戲玩可以 贏取周邊有得飲又有得玩! ——☼——☼——☼——☼——☼—— CHAGEE 霸王茶姬 📍地址:尖沙咀河內道18號K11購物藝術館地下G29號舖 🐨推薦度:😋😋😋😋/5 🪸環境:👾👾👾 🗣️服務:👍🏻👍🏻 📸食物打卡度:💡💡💡 🛠️分類:#HTB尖沙咀#HTB飲品 . #尖沙咀美食#尖沙咀#高質#茶飲#果茶#新店#提神#解渴#打工必備#以東方茶會香港友#香港霸王茶姬#一起喝靚茶CHAGEETOGETHER#CHAGEEHK#美食推介
閱讀更多
-
打卡熱點
[尖沙咀] 霸王茶姫新開幕買一送一😍🙌
係尖沙咀K11 Art Mall食完飯之後 見到出面新開咗霸王茶姫 勁多人排隊 佢而家仲要做緊買一送一幾抵 只要掃個code就有呢個優惠 我地都去買吓 雖然好多人 不過都係排咗15分鐘到 係真係幾好飲嘅🙊🙊我地叫咗伯牙絕弦同青沫觀音 我就覺得伯牙絕弦比較好飲啲 伯牙絕弦其實係茉莉雪芽 好香嘅茉莉花味 #UCreator#打卡美食#好去處#全新景點#chill#隱世打卡點#打卡
閱讀更多
港生活限時優惠情報
《U GO 》請您去CON-CON HONG KONG 2026！
超強音樂陣容＋動漫IP沉浸式體驗🔥
《U GO》請您睇《末日聖母號》！
史詩科幻電影🌌Project Hail Mary🚀
假日好去處