本地連鎖餐廳被爆用內地預製米飯？去餐廳食飯，一般而言都會食到店內自煮的米飯，不過最近有餐廳就被爆出疑使用內地生產的「預製米飯」，讓食客大感驚訝「連飯都唔煮」，有網民表示難以接受，批評「叫貨點會好食呀，又多防腐劑」、「香港淪落到劣吃至極」；亦有人重提餐廳「檸茶無檸檬」的做法，因此即使用預製飯已不足為奇。
連鎖餐廳疑改用內地預製米飯 網民驚訝：飯都唔煮？
近日有市民透過社交平台群組「香港茶餐廳及美食關注組」發帖，指某間本地連鎖餐廳「百XX」集團，現時已經不再使用新鮮米去煲煮米飯，「連飯都唔煮，直接叫貨」，並上傳一張相片，顯示疑店外放有最少6箱的預製米飯，以及兩箱中國鮮雞蛋。
樓主表示：「我唔覺得有問題，因為佢本身都唔好食」、「講真，好多嘢都可以預制或者工場貨，好唔好食係一個關鍵問題，而唔係叫貨定自家制。」另外亦有網民拍攝到「牛X冰室」門口，同樣擺放著相同產品，疑正等待餐廳收貨。
▼網民分享相片▼
預製米飯來自內地河源公司
從相中可見，該批預製米飯的紙皮包裝上印有「飯飯得」招牌，且標明為「米飯」，產地顯示為「廣東省河源市」，生產企業為「河源市飯得食品科技有限公司」。記者翻查資料，經對比有關招牌標籤，以及生產企業地址，發現該米飯品牌來自「深圳飯飯得食品公司」。
根據「飯飯得」官網介紹，公司在深圳市光明新區長豐工業園區內廠區佔地11,000平方米，擁有國內最先進的自動化米飯生產線和包裝生產線，日產盒飯近3萬份，並於2012年建設了「河源市飯得食品科技工業園」並投入生產。合作品牌包括有內地7-Eleven、 Walmart（沃爾瑪）、家樂福、深圳航空等。
網民批評：香港淪落到劣吃至極
不少網民表示難以接受，批評「香港淪落到劣吃至極」、「叫貨點會好食呀，又多防腐劑，點都係新鮮的好食架啦」；有網民都認為「而家好多餐廳啲飯都冇香味」、「呢啲預製米飯加熱就食得，好方便，不過好難食」，認為此舉疑是為節省成本。但都有網民覺得，日本、韓國等地早已提供預製米飯；亦有人認為預製飯相對容易控制品質。
▼網民留言▼
此外，有網民更重提有關集團早於2022年7月，將旗下茶餐廳凍檸茶內的檸檬片換成檸檬汁、檸檬沖劑、檸檬香精，當時引起全城熱議，認為餐廳為慳成本改推無檸檬的檸茶，不過餐廳至今仍然繼續推出「冷壓檸茶」，因此對於今次用預製米不感驚奇。《港生活》早已就事件向相關集團作出查詢並已獲得回覆。
▼集團回應▼
資料及圖片來源：Facebook@香港茶餐廳及美食關注組、深圳飯飯得食品公司官網
港人怒斥連鎖餐廳雞扒「碎上」
有網民於Facebook群組發帖，指自己於本地連鎖茶餐廳百X百用餐，點了一碗香煎雞扒米線，但上檯時碗內的雞扒及豬扒，竟然從「扒」變「粒」，隨即詢問店員可否不要「碎上」，豈料獲回覆指「來貨已經係一粒粒㗎啦」，令她大感錯愕，感覺「似食剩砌返埋一碟」。事主又提及，該餐廳早前已經實行「凍檸茶無檸檬」，認為今次連扒類都變成「碎上」，形容「真係越做越衰」。
早於2022年7月，有網民發現該連鎖茶餐廳的檸檬茶，不再提供新鮮檸檬片，改用檸檬汁、檸檬沖劑等取代，曾一度被不少網民質疑餐廳為節省成本，推出味道極酸的檸檬茶，已經不是「港式凍檸檬茶」。
貼文引來大批網民留言，不少人均指餐廳做法離譜，認為 「扒的定義原來係一粒粒」、「縮骨功果然強勁，擺到明呃人啦」；有網民就分享類似經歷「我上次都係叫雞扒，轉左雞粒，仲要係炸到乾晒」，令人深感不忿。都有人幽默嘲諷指，餐廳「幾貼心，方便你咀嚼」，大家點餐前最好都多加留意。
至於店員所指的來貨「一粒粒」，有不少網民認為有撒謊之嫌，直言曾光顧餐廳的扒餐，均是以完整大塊上碟，質疑餐廳碎上是為「降低成本」。樓主都表示，「其實我覺得店員話來貨係一粒粒跟本講大話，早餐嘅扒餐都係成塊扒無碎上，點會一啲來貨成塊，一啲來貨粒粒呀，嘥鬼氣」。
資料及圖片來源：FB@香港茶餐廳及美食關注組
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
