蝸居必備！LG超強力抽濕機推介 一機做到抽濕、乾衣一機多用告別濕氣空氣清新！
香港一年四季都濕氣極重， 掠衫永遠都唔乾，真係好苦惱！結果抽濕機幾乎成為每個家庭必備嘅救星，但坊間選擇大多笨重又老土，直到LG PuriCare™系列最新產品登場，韓式設計美學外型加超強抽濕力，仲有可以用手機應用程式智能監控同配備 UVnano 殺菌技術，仲可以根據心情揀唔同顏色嘅水箱氣氛燈，一部機為你嘅家居帶來舒爽清新兼增添氣氛，立即告別令人懶洋洋嘅濕氣！
韓式美學簡約慳位 強力吸濕兼乾衣
無論屋企佈置得幾靚，如果有部笨重嘅抽濕機的確相當影響整體觀感，LG PuriCare™ 雙迴轉變頻抽濕機就憑極簡一體式設計打破呢個障礙，兩款均根據韓式美學設計，時尚感十足，無論放喺床邊定枱底，純白色機身都可以配合各式不同家居設計風格，加上慳位唔阻埞，仲有隱藏式手柄及電線，隨時都可以方便地移動機身，輕鬆為家中不同空間抽走濕氣；唔用嘅時侯仲可以攝喺枱底、床邊、櫃旁等地方。
外表靚仔之餘，吸濕力先係一部抽濕機嘅靈魂，LG PuriCare™ 擁有強勁吸濕力，喺早前消委會雜誌進行評測時攞到高評分，足證其抽濕力過人。除咗可以讓家中空氣更乾爽，最方便嘅係可以設定快速乾衣功能，洗衫後唔洗等到天荒地老，好快就可以有既乾淨又乾爽嘅衫著。另一方面，機身更可接駁Y 字型乾鞋喉管，方便又有效咁去除鞋履內部嘅水份，讓鞋更乾爽自然著得更舒適，而 T 字型衣櫥喉管就可以有效防止衣櫃中衣物受潮發霉，解決大部份香港屋企都有嘅惱人問題，一部機照顧日常各種需要。
智能監控安靜守護 先進技術殺菌照顧健康
想一返到屋企打開門就有清爽空氣迎接你，只需透過LG ThinQ™ App手機應用程式就可以隨時隨地控制抽濕機嘅狀態同設定，包括查看水箱狀態、濕度水平，亦可預約開啟，更可以根據心情揀選水箱氣氛燈顏色及光暗，一鍵隨時為家中轉換不同氣氛，成為低調又有品味嘅家居裝飾。LG PuriCare™ 雙迴轉變頻抽濕機採用Dual Inverter Compressor™ 先進技術，憑著感應當前濕度自動調節壓縮機與風扇速度，唔單止慳電節能，獲一級能源效益認證，運作時更非常寧靜，睡前又可設定成靜音模式，運作音將低至32分貝，陪你安靜入眠嘅同時，更確保空氣隨時乾爽清新。
除咗抽走濕氣帶來舒適感，LG PuriCare™ 更配備 UVnano 技術，當抽濕機嘅風扇吹送微風時，會先經過 UVnano 處理嘅風扇葉片，此技術可殺死風扇葉片上超過 99.99% 嘅有害細菌同病毒，保持氣流潔淨，以後唔使再最擔心機器內部難以清理嘅衛生問題，用得更安心。如果想進一步守護家人健康，更可以選擇額外加購HEPA (H13)濾網，透過多層過濾減少空氣中嘅灰塵顆粒，每次呼吸都有更清新潔淨嘅空氣，此前置濾網更可清洗及重複使用，長遠守護舒爽又潔淨嘅空氣。
*Source: LG
-
家居
我嘅第一部抽濕機
春天就嚟到,對上呢兩個星期都開始feel到潮濕 改善生活質素由我做起,決定買我人生第一部抽濕機😆 左格右格之後決定買性價比較高嘅小米☺️ 呢個係大size成13kg重😂 用咗幾日覺得真係有啲用 開咗部抽濕機之後,個濕度一路跌,覺得間房真係乾爽咗👍🏻 最大嘅好處係可以用電話嗰個小米app控制部機好方便 有得較時間自己熄機 暫時嚟講都覺得唔錯😆😆 #抽濕機#家居好物#小米#ucreator#ucreatorhk#blogger#lifestyle
閱讀更多
-
家居
家居需抽濕！
香港天氣咁潮濕，一定要有部抽濕機先搞得掂，今次我介紹TOSHIBA 既壓縮式抽濕機 (RAD-Y200H)，有大容量既水箱，可自動自主調節理想濕度，仲有好多特點。 特點 1﹕自選濕度調節-內置濕度調節器，自動抽濕模式下可於濕度範圍30-80%之間，調節出理想家居濕度。 特點 2﹕持續抽濕迅速乾衣-不論環境濕度如何，壓縮機都會連續啟動抽濕，讓抽濕機能以最高風速配合導風板廣角送風，迅速乾衣。 特點 3﹕3重過濾網空氣淨化-3合1多功能濾網由活性碳、銀離子、冷觸媒組成，有效過濾空氣中有害物質。 特點 4﹕離子空氣淨化-可於抽濕同時釋出離子進行空氣淨化，使灰塵帶電並結合其他塵粒，然後沉降淨化，提升室內空氣質素。 特點 5﹕多角度送風抽濕-為切合不同環境需要，抽濕機導風板可於36°至71°間自由擺動廣角送風，亦可按需要定點送風。 我最鍾意用黎抽乾啲衫，因為潮濕啲衫好難乾，而且會有陣噏味。 #lifehacks#CP值高#家居好物#抽濕機
閱讀更多
-
生活
香港
洗抽濕機教學｜5步教你正確洗抽濕機+必睇貼士💡慳返$500
香港天氣潮濕，不少家庭都會用抽濕機抽濕💦 但長時間不洗抽濕機，會影響抽濕機運作，更會影響空氣質素、令細菌滋生，加重早晚鼻敏感徵狀😱😱 搵出面公司清洗，收費最少$500起跳🆙 不如動動手自己清潔，其實做法都好簡單！依家教大家正確清洗抽濕機步驟及方法！ 1. 拔掉電源，確保抽濕機斷電。 2. 用微濕布輕輕擦拭機體外殼，去除表面積累的灰塵。 3. 抹走出入風口位周圍的灰塵。 4. 清洗過濾網： - 若抽濕機是配置HEPA濾網，不能用水直接清洗，容易破壞纖維結構，影響淨化能力。建議輕輕拍打或用吸塵機吸走濾網上的灰塵。若清潔後仍有很多灰塵黏附，便需要更換濾網。 - 其他過濾網則可用清水沖洗。先以清水沖洗過濾網， 再用稀釋的中性清潔劑浸泡濾網約10分鐘，等待灰塵溶解剝離，再用清水沖洗乾淨。 5. 清洗儲水箱： 先把水箱內的水倒掉，再用軟布擦拭水箱內壁並以清水沖洗，徹底晾乾後才放入抽濕機。 💡清洗抽濕機貼士： - 必需每天清理儲水箱內的水，以免滋生細菌。 - 切勿重複使用儲水箱內的水。 - 建議每月定期清洗一次過濾網及儲水箱，儲水箱亦可用 1:99 稀釋漂白水消毒清潔。 👇🏻👇🏻即刻關注我!第一時間知道更多生活貼士🌟 圖片來源：iStock #攻略#家居#抽濕機#抽濕機2026#抽濕機用法#洗抽濕機#抽濕機清潔#抽濕機清洗服務#抽濕機清潔劑#電器清潔#抽濕機水箱清潔
閱讀更多
港生活人氣本地熱話
《U GO 》請您去CON-CON HONG KONG 2026！
超強音樂陣容＋動漫IP沉浸式體驗🔥
《U GO》請您去Central Yards中環藝嚐展！
↓一齊開展一場睇得👀又食得😋嘅藝術展覽啦↓
假日好去處