鄧麗欣演唱會2025｜Stephy紅館3月連開兩場 票價/場地/開售日期/售票連結
鄧麗欣演唱會2025｜去年曾舉辦〈Therefore I Am〉2023演唱會鄧麗欣Stephy，早前正式踏入41歲，鄧麗欣甫出生日會花絮之餘，更同時公佈好消息，預告自己將於明年3月進軍紅館舉辦演唱會，為出道22年以來第一次舉辦紅館演唱會！
鄧麗欣紅館又唱又跳騷腹肌360側翻
演唱會由Stephy穿上閃石服裝演唱《戲一場》、《黑夜孤寂。白晝如焚》和《不要離我太遠》等歌曲揭開序幕，接著她換上彩色露腰裝，以《No One Knows》、《宇宙最強》、《紅組加油》和《心急人上》等經典快歌，勾起觀眾集體回憶，期間舞蹈員更將Stephy捧起360度側手旋轉，全場歡呼。
Stephy兩度灑淚
連場精彩表演後，Stephy興奮地高呼「紅館」，觀眾報以熱烈掌聲和歡呼。她問台下觀眾：「幾十年冇跳舞，係咪好有誠意先？嗰幾個圈練習時企唔穩。」還大騷腹肌。「唔好意思，要你哋等咁耐，終於喺呢度見面，好多謝大家陪住我成長，一路不放棄我，等我上到呢個舞台，非常多謝你哋。」
她表示演唱會以「step」命名，是要紀錄演藝路的每一步，而初出道的歌曲是重要一步，還感謝母親支持，唱出為她而寫的《童謠》。
頭場嘉賓林峯
當Stephy演唱《十分愛》之後，表演嘉賓林峯升上舞台，全場驚喜尖叫，他們合唱《好心好報》後擁抱。Stephy說：「好多人問我邊個係嘉賓，我一直唔講，係咪好驚喜呢？」林峯笑說：「其實我哋無論拍戲，甚至從未同台合作，所以你（Stephy）一搵我就立即答應，因為首度合作就係紅館！」
他們比較出道年資，林峯笑言一定不及台下張繼聰早，因為他由童星出道！他又表示今次當為自己5月紅館個唱作預演，當Stephy返後台換衫，他再點名張繼聰和觀眾站起來跳舞，然後他與舞蹈員跳唱《Chok》，掀起高潮。
找數《跑Online》主題曲
之後，Stephy換了透視黑色舞衣演唱新歌《不可得》，又與一眾女舞蹈員大跳性感舞演唱《我是⋯》和《派對動物》。全場揮動手燈大合唱《藍鞋子》、《親朋勿友》和《電燈膽》等金曲，期間唱《黑白照》時哽咽，觀眾接力唱。
Stephy再出場找數獻唱跑Online主題曲《Fantasy Tale》，encore後，Stephy感觸說：「多謝每位買飛入場嘅觀眾，畀我好大好嘅信心去繼續努力，唔好放棄自己嘅夢想，要喺呢個舞台上繼續唱歌俾大家聽。若干年後你哋可能唔記得咗呢個show，起碼呢一刻，希望我有感動過你哋一秒鐘，或者一首歌嘅時間，都係一個好重要嘅moment。」之後她唱《Forever Friends》眼泛淚光，非常感動。
Stephy興奮encore
雖然Stephy與樂手都離開舞台，但部份觀眾不肯散場，大叫encore，換了便服的Stephy與音樂總監蘇道哲再出場，即興唱出《最後一塊》，為首場紅館演唱會畫上句號。
鄧麗欣演唱會2025｜加場詳情
「STEP by STEPHY 鄧麗欣紅館演唱會2025」兩場門票火速售罄，即時宣佈2025年3月16日加開一場，門票將於12月5日公開發售。
Stephy興奮說：「多謝大家噚日優先訂飛咁快手，好快已經賣晒，但有人快手、有人慢手，我睇到留言有Fans話買唔到飛，亦有Fans話3月16號星期日都得閒，問我加唔加場。考慮咗一晚之後，為咗買唔到飛嘅你哋，我喺度宣布加開一場！」三場門票將於12月5日上午10時於城市售票網公開發售，她續說：「到時你哋真係要快手啲去搶，呢段時間你哋就熱好身去搶飛，我就要熱身準備我嘅演唱會，祝你哋買飛成功！3月14、15，16號，到時見！」
STEP by STEPHY 鄧麗欣紅館演唱會2025(加場)
日期：2025年3月16日
時間：8：15 PM
地點：紅磡香港體育館
票價：HK$1180 / $680 / $480
城市售票網公開發售
日期：12月5日（上午10時起）
「STEP by STEPHY 鄧麗欣紅館演唱會2025」加場公開發售連結
鄧麗欣演唱會2025｜演出日子 購票詳情
「STEP by STEPHY 鄧麗欣紅館演唱會2025」將於3月14及15日晚上8時15分假紅磡香港體育館舉辦，票價分為HK$ 1,180 / $680 / $480。
鄧麗欣演唱會2025｜搶飛攻略
東亞銀行信用卡獨家優先訂票於12月2日早上10時起於HotdogTIX網開售
鄧麗欣演唱會2025｜座位表
待更新
鄧麗欣演唱會2025｜頭場歌單（03/14）
- 1. 戲一場
- 2. 黑夜孤寂 、 白晝如焚
- 3. 不要離我太遠
- 4. 再見不是朋友
- 5. 戒心
- 6. 分手的情書
- 7. No One Knows
- 8. 宇宙最強
- 9. 紅組加油
- 10. 心急人上
- 11. 陪着我走
- 12. 等你約會我
- 13. 一眨眼
- 14. 話別
- 15. 他不准我哭
- 16. 初見
- 17. 青山散步
- 18. 自由自在
- 19. 童謠
- 20. 十分愛
- 21. 好心好報（嘉賓：林峯合唱）
- 22. Chok（嘉賓：林峯）
- 23. 不可得
- 24. 我是⋯
- 25. 派對動物
- 26. 藍鞋子
- 27. 親朋勿友
- 28. 日久生情
- 29. 黑白照
- 30. 電燈膽
- 31. Fantasy Tale
- 32. Let it Flow
- 33. Forever Friends
- 34. 最後一塊
鄧麗欣演唱會2025｜演唱會官方海報
早前Stephy拍攝演唱會海報，以黑色高貴晚裝長裙配長過腰的透髮，隨風飄逸，簡潔有型。「今次拍攝主題係『簡單』，我哋想帶出嘅訊息，唔係靠外在配搭或服飾去講故事。以紅色背景與黑色長裙嘅對比，乾淨俐落。希望以簡單、俐落去呈現最真實、最舒服嘅我！」她笑說：「呈現嘅感覺好舒服，但我一啲都唔舒服，睇落好似『無乜嘢』嘅動作，其實我已經book定脊醫，聽日睇醫生。因為條裙中間有少少皺褶，為咗呈現利落嘅形態，擺甫士都好花力氣，好彩我不時有拉筋和練瑜伽，先至可以應付到。」
鏡頭前瀟灑，鏡頭後Stephy被幾把風扇從不同方向吹著秀髮，她笑說：「其實都辛苦大家要企高和趴地，唔同角度幫我吹風。我係今日嚟到先知道條裙咁窄，所以大家開餐我都唔敢食嘢，只係食咗兩粒蕃茄仔。」Stephy表示當她知道將於紅館開騷，反應不來，說：「猶豫咗好耐『係咪真㗎？』，然後幻想企喺紅館唱歌嘅情況，其實過咗好耐先至識得去興奮、開心、緊張，心情好複雜，係我歌唱生涯之中，最大成就解鎖。紅館有一種魔力，係好多歌手嘅最終夢想，對我嚟講亦好大意義。最大關鍵係點樣將我咁多年以來嘅故事、經歷同大家分享，能夠令大家好鍾意呢個騷就係另一個成就解鎖！」
哪首歌非唱不可？Stephy笑說：「一定要唱嘅歌就實在太多啦，尤其是經典歌實走唔甩。其中有首歌，如果唔唱一定唔放過我，就係『跑Online』（《Fantasy Tale》主題曲）。」她表示每次表演都有人點唱，說：「呢首歌俾大家好多回憶，或者好多唔同嘅意義，係一首好開心嘅歌。」至於跳舞部份，Stephy由女團出道，跳唱是她成長嘅紀錄，她笑說：「我都有少少『身癢癢』都想跳吓舞，不過平時喺屋企郁吓，好耐無試過喺咁多人面前跳舞，有啲緊張和期待。」她還透露正在構思其他驚喜表演，目前先賣關子。
鄧麗欣演唱會2025｜41歲生日會
鄧麗欣今日10月15日正式踏入41歲，早前鄧麗欣與一眾歌迷率先舉辦生日會預祝生日，當日除了切蛋糕，更大玩遊戲！當日鄧麗欣就已經在台上說：「我有一份禮物送俾大家，但呢份禮物今日攞唔到住，幾時攞呢？我約定你哋，明年三月⋯⋯」此時她眼泛淚光，有fans似乎猜到報以歡呼聲，她掩嘴點頭示意猜對了，全場掌聲。冷靜幾秒後，她續說：「明年三月紅館見！」台下fans立即興奮歡呼，有不少感動抹眼淚。Stephy說：「我嘅生日願望真係好簡單，希望大家以最開心、最健康嘅身體嚟睇我嘅演唱會，嗌大聲啲！」全場尖叫。其後鄧麗欣生日正日發佈生日賀文，表示︰「這個願望我從來沒有在生日的時候許下過，只有一直的小信念不放棄的小堅持，一點一滴的小努力，造就了今天生日可以跟大家宣布的大夢想，約定你們！明年3月紅館見。」預告明年將舉辦出道22年以來第一個紅館演唱會。其後更於帖文上向歌迷問希望聽到的歌曲。
▼▼▼即睇Stephy生日會花絮▼▼▼
鄧麗欣演唱會2025｜萬眾期待《跑Online》主題曲僅清唱三句 騷後訪問曝拒唱原因
去年鄧麗欣舉辦〈Therefore I Am〉2023演唱會，一眾歌迷都希望Stephy能夠獻唱「集體回憶」跑Online主題曲，不過Stephy最後僅清唱三句，並於騷後訪問開腔回應︰
▼▼▼即睇去年Stephy演唱會精華▼▼▼
鄧麗欣演唱會2025
日期︰2025年3月14-15日
場地︰香港紅磡體育館
票價︰HK$ 1,180 / $680 / $480
售票日期︰東亞銀行信用卡獨家優先訂票於12月2日早上10時起於HotdogTIX網開售
「STEP by STEPHY 鄧麗欣紅館演唱會2025」優先購票連結
-
演唱會
啟德體藝館
BLACKPINK演唱會香港啟德2026年搶飛攻略
完整專欄：https://chieformula.com/2025/05/29/purchase-deadline-strategy/ BLACKPINK演唱會香港站2026舉行日期時間： * 主題：《DEADLINE》 * 日期：2026年1月24日至1月25日 * 地點：香港啟德體育園主場館（Kai Tak Stadium） * 票價： $3499 - $699 HKD BLACKPINK演唱會香港站2026門票價錢、購票開賣日期 優先發售： * BLINK會員優先登記：2025年5月27日中午12時至6月1日晚上10時59分 * BLINK會員優先購票：2025年6月10日上午11時至晚上11時59分 * VISA信用卡優先購票：VISA Infinite：6月11日（星期三）上午11時至下午2時；VISA Presale：6月11日（星期三）下午6時至晚上11時59分 * Trip.com優先購票：6月12日上午11時至晚上11時59分 Weverse Shop BLINK會員優先登記：2025年5月27日中午12時至6月1日晚上10時59分。登入網站：https://shop.weverse.io/zh-tw/home 跟着步驟。登記做 Weverse Shop 做會員，之後再購買 $23USD BLINK 會員卡。付款成功後，退出再登入。點擊BLACKPINK，會有視窗彈出。點擊 Learn more，之後要同意BLINK會員 Presale 預早購買同意書。 BLINK會員優先購票會收到電郵通知。通知書附有英文加數字優先購買碼。會員要在2025年6月10日上午11時至晚上11時59分，登入 CityLine 網站，輸入正確優先購買碼，方可以購買。優先購買碼只限用一次，及限售兩張門票。另一方面要先登記做 CityLine 會員。詳見BLACKPINK NOTICE：https://weverse.io/blackpink/notice 。 BLACKPINK香港演唱會2026 CityLine搶票流程 BLINK 會員優先購票（6 月 10 日 11:00 起）。步驟分解： 1. 提前 30 分鐘登錄：10:30 進入 CityLine 專屬頁面，刷新至倒計時顯示「前往購票」按鈕。 2. 選擇場次與票種：點擊「立即購買」後，系統將自動跳轉至場次選擇頁面，選擇「2026 年 1 月 24 日」或「25 日」。根據需求選擇票數（每帳號限購 2 張），勾選「連坐」優先分配相鄰座位。 3. 驗證與鎖票：完成人機驗證（如滑動圖片、點擊特定圖案），進入座位分配頁面。若對系統分配的座位不滿意，可點擊「取消」重新選擇（但需注意餘票量）。 4. 付款與確認：選擇支付方式並填寫資訊，確認訂單無誤後提交。 付款成功後，即時收到確認郵件，電子票將於演出前 7 天發送至 Cityline 帳戶。 完整專欄：https://chieformula.com/2025/05/29/purchase-deadline-strategy/ #BLACKPINK #BLACKPINKHK #BLACKPINK 香港演唱會 #BLACKPINK 演唱會 (此文章由U Blog 同步發佈至社群)
閱讀更多
-
演唱會
【Show迷注意】最新搶飛情報
多場精彩演唱會即將開售！🎫 您最期待邊場Show呀？😍 快啲去心水演唱會頁面，點選接收售票通知，到時通知您準備好手速搶飛🔥！ 即睇更多詳情： {{hket:url-hyperlink display="https://ulapp.hk/vera3"}}https://ulapp.hk/vera3{{/hket:url-hyperlink}} —————— ⭐去完以上嘅演唱會，到《U GO》評分 或於社群發佈帖文，並於「地點」搜尋相關活動名稱，增加帖文曝光機會！ ▶追蹤《U GO》{{hket:url-hyperlink display="Facebook"}}https://www.facebook.com/ugo.ulifestylehk{{/hket:url-hyperlink}} 及 {{hket:url-hyperlink display="Instagram"}}https://www.instagram.com/ugo.ulifestylehk/{{/hket:url-hyperlink}} 睇更多好去處推介及演唱會情報啦！ 資料來源：官方圖片、Instagram @ imemacau, aespa_official, tysonyoshi #concert #搶飛情報 #演唱會
閱讀更多
-
演唱會
臺北大巨蛋
台北大巨蛋開唱！11月台北見🤩 4個月後再Encore！
🎉 GD重磅消息!11月空降台北大巨蛋開唱啦!🎤🔥 大家還記得GD 7月在台北小巨蛋的精彩演出嗎?是不是還意猶未盡呢?好消息來啦!GD 剛剛透過IG親自宣布,將在11月1日和2日連續兩天登上台北大巨蛋!🤩 距離上次演唱會才短短4個月,真的太驚喜了!之前他在小巨蛋舞台上比出的｢4｣原來就是這個意思啊!😆 帶著睽違8年的新專輯《Übermensch》和全新巡演,GD這次重返台灣,要在大巨蛋與上萬名粉絲一起狂歡!相信到時候一定會掀起搶票熱潮!💪 目前售票資訊和票價都還沒公布,大家記得密切關注主辦單位的消息喔!到時候一起衝啊!💨 #GD#GDRAGON#BIGBANG#台北大巨蛋#演唱會#台灣#台北#11月#新專輯#Übermensch #演唱會門票#搶票#快訊#好消息#驚喜#taipei#taiwan#concert#追星攻略#思思賢#chillmybabe
閱讀更多
港生活人氣好去處
【影迷盛事🏆】U Community 社群 請您睇第44屆金像獎提名電影！
↓【限時搶⚡】保關捷4+4升級配方↓
↓緩解關節痛感、提升靈活性↓
假日好去處