LAB ZERO日式刨冰買一送一！所有口味適用！必食開心果糖不甩刨冰/糖蔥餅刨冰/芋泥刨冰/黑芝麻刨冰

Ashash

香港攻略

人氣三選一！！刨冰王者爭霸戰✨🤤

夏天熱辣辣💦最好就係食碗冰!但係香港刨冰店愈開愈多,點樣揀好? 今次幫大家實測三間人氣高企嘅刨冰店——Shari Shari､Lab Zero､甜姨姨｡究竟邊間性價比最高?邊碗最有驚喜?即刻睇落去!🫵🏻 1️⃣Shari Shari - 抹茶忌廉焦糖味配白玉 // $100 · 層次感: ★★★★★ 一啖隊落去,由外到內都係濃濃嘅抹茶味,完全唔係得個樣,冇呃人! · 啖啖冰: D冰超綿滑,放入口好似食緊抹茶奶蓋咁,即刻溶咗! · 配料點睇: 抹茶味夠濃,帶少少甘苦,同甜甜地嘅忌廉焦糖夾到絕!舊舊白玉煙煙韌韌,咬口一流! 2️⃣Lab Zero - 蜂蜜海鹽焦糖脆脆牛乳 // $98 · 層次感: ★★★★☆ 牛奶冰好甜,但係加咗海鹽之後,成個味即刻高級咗!仲有蜂蜜同脆脆,口感同味道都好豐富! · 啖啖冰: D冰好滑,奶味好出,感覺似食緊超濃郁嘅牛奶雪糕! · 配料點睇: 最正係D脆脆,每一啖都｢索索｣聲,成個食冰過程都好過癮! 3️⃣甜姨姨 - 楊枝甘露冰 // $158 · 層次感: ★★★☆☆ 冇乜花臣,直球對決!就係成碗冰鎮楊枝甘露囉! · 啖啖冰: 冰質相對冇前兩間咁綿,有少少｢削｣,但個芒果味真係好天然,好香! · 配料點睇: 贏在生果夠多!大舊大舊嘅芒果肉同西柚肉,食落好清新,酸酸甜甜,解渴首選!

Ceci Ceci Poon

甜品

Lab Zero⭕️ 本身去尖東係想食shari shari 但實在太長龍所以敗走轉場😂 穿過捷徑1分鐘就到Lab Zero⭕️ 如果天氣太熱唔想排隊而又想食冰既話可以試吓呢間🤣 今次食咗焦糖海鹽同芒果小丸子 焦糖海鹽似落咗好多花奶 再加焦糖 成件事係過甜 食咗3分1已經唔想再食😂 而芒果小丸子整體就比焦糖海鹽好 起碼冇咁甜 不過芒果醬都係嗰啲好假既味 反而小丸子有驚喜😍 好煙韌 糯米味亦都好濃 不過2大碗冰都係好打卡able既📸📸 #啖啖舒暢透心涼

Ann Chan

西式美食

📍Lab Zero 避風塘雞翼⭐️⭐️⭐️⭐️ 炸得好脆 同埋佢係單骨雞翼! 開心果朱古力刨冰 ⭐️⭐️⭐️ 作為開心果為會有少少失望 因為呢個冰比較重朱古力味 個人認為得嗰兩pat開心果杜拜朱古力有濃郁嘅開心果味 不過入邊嘅驚喜位係佢比Shari shari嘅冰多餡 入邊好多粒丸子 有返啲口感! #巧克力情書#我想食buffet#金像獎請睇戲#打卡美食#香港美食