旺角新開社企Cafe指定日子免費派飯 日間多款西餐+$20打印拉花咖啡
旺角新開社企Cafe免費派飯！一間社會責任企業與旺角Bar Pacific合作，日間變成社企Cafe煮西餐，有多款意粉、小食、咖啡等，最吸引是跟餐+$20就有一杯客製打印拉花咖啡！除了歎咖啡更可以一同做善事，Cafe每月都會有指定日子派飯，予附近的街坊、老人家、有需要的人等，而且每月派飯的菜式都不同。即睇以下餐廳詳情！
旺角Cafe指定日子免費派飯
即刻去片
旺角一間新開社會責任企業Cafe，日間有多款西餐意粉、小食、咖啡等之外，在每月的第二個星期五中午12時都會向街坊免費派飯。記者直擊，當日Cafe就準備了「蕃茄蜆肉炒飯」大大盒夠晒飽肚！而菜式亦會每月更新。負責人表示以往派飯的人流都不少，大多都是附近居住的街坊、老人家等。而為了令每位都有新鮮滾熱辣的飯盒，亦會安排分流每10份煮好再派飯。一共50份，每人只限1份，先到先得！
日間社企Cafe多款西餐
Cafe平日最平$58就可以食到一碟軟殼蟹黑松露意粉！每日的口味都不同，星期二有青醬蜆肉意粉、星期三有鮮茄鮮蝦意粉、星期日有墨魚仔蜆肉墨汁麵等一律$58。另外，亦有多款餐點如All Day Breakfast、芝士蝦多士、意大利飯等。學生哥更有優惠長通粉，3款不同口味的長通粉一律只售$38！店內亦有多項免費玩樂設施，可以任玩桌球、掟飛鏢，適合一班朋友、同事到店輕鬆歎Lunch time！
加$20一杯客製打印拉花咖啡
除了派飯做善事，社企Cafe「永共嚐」與旺角一間Bar Pacific合作，日間變成社企Cafe煮西餐，有多款意粉、小食、咖啡等，最吸引是跟餐+$20就有一杯客製打印拉花咖啡！記者直擊連人氣角色Chiikawa都可以印上咖啡打卡！或者想印其他心水圖案、相片都可以！除了打印拉花咖啡外，店內也提供健康咖啡、元素咖啡、美式咖啡等。
▼即睇詳細Menu▼
指定消費換咖啡再生杯
永共嚐今年開始以日間Cafe的形式，與上環及尖沙咀兩間Bar Pacific合作。今次旺角分店為第三間，亦不時會在永共嚐Cafe舉辦環保的工作坊，包括製作天然香水、 咖啡渣蠟燭等。咖啡再生杯是由35%咖啡渣為原料所製成的環保杯，現時只要到旺角店消費3次及追蹤永共嚐的Facebook及Instagram，即可換領一個咖啡再生杯！
永共嚐旺角分店詳情
地址：旺角塘尾道55號地舖（Bar Pacific）
營業時間：星期一至日上午11時至下午4時
活動資訊
- 地點
-
打卡熱點
Coffee Break
【旺角私心推介系列】 旺角雖然有好多Cafe，但質素都好鬼參差。有時食物質素、衛生程度同埋環境舒適度都未必合大家心意。今次要介紹嘅就係依間去親旺角都必定會係鐵膽之選嘅Coffee Break🤤 無論咖啡口味、配搭，意粉質素，甜品、小食嘅選擇，都係超•級•高•質！！佢嘅咖啡可以俾你任配唔同口味嘅Syrup😍 私心推介夏威夷果仁味，即刻令成杯咖啡層次提升！ 今日另外叫咗個小食，係黑松露芝士薯條☺️新鮮炸出嚟條條熱辣辣好味到喊！主菜就有明太子忌廉意粉同埋蟹肉Risotto，同樣非常出色❤️ 📍 Coffee Break (旺角) 旺角通菜街2Q-2Z號鴻輝大廈地下4號舖
閱讀更多
-
咖啡
Bar Pacific 太平洋酒吧
人氣Chiikawa 打印咖啡☕️ 性價比極高社企Cafe💖
今次去咗大角咀一間社企餐廳,呢間｢永共嚐｣喺Bar Pacific嘅日間平台,好少人知道㗎🤫 呢度嘅咖啡可以任選圖片或相片打印,仲有多款Chiikawa選擇,好可愛啊🥰 食物方面都幾高質添!估唔到喺間酒吧入面都可以食到好食嘅嘢😋 而且食物又抵又大份! 🍣 三文魚菠菜忌廉意大利飯 3-4片三文魚卷成好靚嘅花,放喺一大盤意大利飯上面,意大利飯有好香嘅菠菜忌廉味,飯粒偏硬,有正宗意大利飯嘅感覺💕 🐙 蒜香墨魚仔蜆肉墨汁麵 意大利粉🍝配上墨沖同墨魚仔､蜆仔,好香~ 鹹魚得宜,墨魚仔仲有啲辣😋 🐣 金沙雞翼 雞翼好大隻,脹卜卜,鹹蛋黃份量好多,鹹香十足🥳 🍫 熱朱古力 + 打印 呢度有提供多款咖啡☕️,包括健康咖啡､元素咖啡等,而且沖泡咖啡後嘅咖啡渣會用嚟整成環保物品,循環再用♻️ 咖啡同我哋飲嘅朱古力都一樣可以打印任何公仔､相片,好靚呀🥰 永共嚐是 Bar Pacific 的合作店｡早上時段為社會責任企業｢永共嚐｣旗下Cafe, 使用相同的地點共營｡｢永共嚐｣是一間積極響應聯合國永續發展目標(Sustainable Development Goals)的企業品牌, 因此永共嚐Cafe店內的食材､包裝､減廢等方面全方位顧及環境､社會及治理的面向｡ 🎁 ｢永共嚐｣會在每個月的第二個星期五12:00派飯,也不時會在餐廳內舉辦各種環保有關的活動 永共嚐會回收咖啡渣,為地球減費出一分力♻️ 消費三次可獲得環保咖啡杯,該咖啡杯是由 35%的咖啡渣及穀物製成,BPA Free ☕️ 永共嚐 📌 @ygc_3268 & @ygc_restaurnt 📍 旺角塘尾道55號Bar pacific日間平台永共嚐 ⏰ 11:00-15:00 #旺角美食#大角咀美食#社企餐廳#chiikawa#吉伊#吉伊卡哇#usagi#CAFE#手沖#Coffeeoftheday#九龍美食#UCreator#假期推介#新界美食#打卡美食#拍下珍貴時刻#倒數聖誕#快閃打卡賞#打卡美食
閱讀更多
-
打卡熱點
旺角
可算是旺角區最好食的café之一！
美食在旺角black coffee,型格黑色主題餐廳 #夏日雙重賞
閱讀更多
港生活人氣本地熱話
↓🎡免費送海洋公園門票 ↓
一步登記，投入Sanrio 蔚藍海洋之旅！
【家長必睇👀】全港最受歡迎親子室內遊樂場！🛝
1000+港媽港爸票選🗳️ 即睇完整排名✨
假日好去處