千海水產荃灣極速開第2分店 即撈海鮮火鍋放題最平$258食3小時

Fatty_taste_founder

擦餐勁

千海水產海鮮火鍋放題（旺角店）

千海水產放題！生猛海鮮任你撈 🦀🦐

旺角MOKO新世紀廣場6樓嘅千海水產海鮮火鍋放題,真系超級驚喜!第三間分店,面積最大,有1萬5千呎,環境寬敞明亮,座位舒適,一啲都唔逼,感覺好豪華｡最大賣點當然系｢即撈即煮｣嘅生猛海鮮區,水池養咗好多款活海鮮,包括三點蟹､花蟹､大頭蝦､基圍蝦､鮑魚､貴妃蚌､沙白､美國蜆､生蠔等,只只都生猛游水,店員不停補貨,絕對任撈任食,保證新鮮彈牙! 我同朋友叫左芫荽皮蛋做湯底,好襯海鮮｡撈咗好多蟹同蝦,蟹膏滿瀉,蝦肉鮮甜,涮落去湯汁即刻變得更鮮美｡仲有澳洲M5和牛,油花均勻,涮幾秒就入口即熔,超正!自助區超過120款美食,熟食區有鵝肝多士､燒乳鴿､羊架､即叫即整,好抵食｡原粒榴槤､燉木瓜等,任食到飽,飲品仲有生啤添! 絕對回本!服務親切,店員幫手清洗海鮮好快手｡#UCreator#自助餐#火鍋#放題#香港美食

Tako124

日式料理

千海水產海鮮火鍋放題（荃灣店）

【人氣即撈海鮮🦐🦀千海水產海鮮火鍋放題】

今次去咗近期大熱即撈海鮮嘅千海水產海鮮火鍋放題-荃灣分店,佔地過萬呎,環境舒適闊落,最大賣點係設有自助撈海鮮區域,同埋自助熟食､火鍋配料區､點心區､甜品區､生果區､飲品區､沙律冷盤區､生啤及清酒區､雪糕區等,仲有可以QR code落單火鍋肉類､火鍋配料､炸物同埋燒物｡ 自助撈海鮮區 即撈海鮮係今次放題嘅重點,海鮮有多達10多款選擇,包括有大頭蝦､九節蝦､基圍蝦､三點蟹､藍蟹､白蜆､美國蜆､沙白､花甲､鮑魚､帶子､花螺､翡翠螺等,每款都好新鮮,店員會定時refill海鮮以維持供應｡每次撈完海鮮都可以交比在旁店員清洗乾淨,等大約5至10分鐘,就可以憑號碼牌去攞｡ 大頭蝦好新鮮,拎上枱時仲扎扎跳,好生猛,大頭蝦肉質彈牙鮮嫩,頭大多膏,蝦膏甘香濃郁;三點蟹蟹黃飽滿,蟹黃滑順鮮甜;鮑魚鮮嫩,彈牙爽口;沙白肉厚,味道鮮甜｡ QR code落單 火鍋湯底用QR code落單,揀咗龍蝦頭鍋,湯底有成隻龍蝦好足料,龍蝦香氣撲鼻,充滿鮮甜味｡火鍋配料方面,有牛､豬､羊肉選擇,包括澳洲M5和牛､美國牛肩胛片､美國豬梅肉片､澳洲羊肉片等｡澳洲M5和牛油花均勻,牛肉味濃郁｡ 海鮮火鍋配料有美國蠔,蠔肉肥美新鮮,味道鮮甜｡ 熟食方面有皇牌燒乳鴿王,外皮炸至金黃,口感外脆內嫩有肉汁;燒香草羊鞍,羊鞍惹味,肉嫩Juicy,加上芥末醬可以去除羶味 ;川味燒鮮蠔,蒜味香濃,蠔肉鮮味肥美,帶有川味香辣;芝麻雞翼,外皮炸至金黃香脆 ,雞肉嫩滑可口,好惹味;鐵板鵝肝多士,鵝肝油脂豐腴,搭配脆卜卜嘅多士,口感豐富｡ 自助熟食區 熱葷小食有麻辣小龍蝦､烤榴槤､唐揚炸雞､辣油煮螺等｡烤榴槤經烤過後味道更濃,溫度微暖,口感軟滑 creamy;唐揚炸雞,炸至金黃色,口感酥脆,帶有蒜香同埋薑味,口感層次分明｡點心區有燒賣､蝦餃同埋小籠包｡ 飲品區 飲品種類好多,有自家製冷泡茶､自家製珍珠奶茶等;有韓國樂天嘅罐裝飲品,忌廉溝鮮奶,口感香甜順滑,另外仲有樂天芒果汁､鮮蘆汁薈等;另外仲有百事生可樂､可口可樂､芬達､忌廉､加多寶､道地茶飲品､茶一刻飲品､日本啤酒Sapporo､Asahi､桃果汁汽酒等｡另外仲設有生啤機同埋清酒區｡ 雪糕區 自助區嘅甜品種類繁多,有MÖVENPICK朱古力雪糕,朱古力味雪糕味道醇厚香濃,口感柔滑;Häagen-Dazs曲奇呍呢嗱雪糕,充滿濃郁嘅朱古力曲奇味,口感香滑豐富;其他選擇有韓國Melona 蜜瓜同埋香芋雪條､雀巢曲奇忌廉雪條､旺寶雪條等｡ 千海水產海鮮火鍋放題 📍荃灣大壩街4-30號荃灣廣場B1樓B126號舖 #千海水產海鮮火鍋放題#千海水產#海鮮#火鍋#火鍋放題#放題#荃灣廣場#荃灣美食#荃灣#香港#香港美食#seafood

Ku Bear Foodie

擦餐勁

千海水產海鮮火鍋放題（荃灣店）

即撈即煮🌊任食活海鮮和牛火鍋放題🔥

繼九龍灣後,人氣火鍋放題店｢千海水產｣登陸荃灣‼️超大水池放滿生猛海鮮,無限任撈任食🌊仲有澳洲和牛､鵝肝多士､乳鴿､榴槤､甜品任你encore😍啱哂一眾海鮮控😆 🌟2小時晚市火鍋放題 💰$358 🌊即撈活海鮮 水池區夠哂霸氣,啲海鮮好生猛‼️全部任你撈,職員會即刻幫你清洗好🧽唔洗膽心會污糟😌當日就咁蟹類都成三種(花蟹､藍蟹､白蟹),當中花蟹肉質最甜,煮完蟹膏好香口🦀蝦類必食大頭蝦,蝦膏爆到漏❤️九節蝦大大隻夠爽口,蝦肉彈牙帶甜味🦐蜆類都好有驚喜,沙白口感滑爽,食到鮮甜水份😛番薯蜆肥美飽滿,落湯煮夠耐都唔會縮水😚即撈即煮,鮮味爆燈👍🏻 🔥湯底 蕃茄豬骨鍋微酸清甜,仲帶少少骨香味,清新解膩🍅另一邊瑤柱冬瓜鍋清潤冇負擔,越滾越甜,煮海鮮一流❣️ 🔥肉類 澳洲M5和牛,油脂分佈靚,涮幾秒入口即溶,肉汁甘香👍🏻美國牛肩胛就肉味濃啲🥩此外都提供豬肉羊選擇💕 🔥火鍋配料 蔬菜､丸類､餃類､脆鯇魚片､田雞腿､海蜇花､鵝腸,樣樣齊全😚特別鍾意佢個火鍋蠔,大大隻蠔味濃郁🦪 🔥熟食小食 必食鵝肝多士‼️鵝肝多士大塊厚切,煎到微脆,油香唔膩口,配埋烘到脆卜卜多士,好邪惡好治癒😈乳鴿皮脆肉嫩,燒蠔帶蒜香,開胃又惹味,仲有串燒､芝麻雞翼､燒羊鞍🦴烤榴槤香噴噴,軟滑帶陣陣甜香,鍾意食榴槤一定要試🤪 🔥自助區 冷盤､前菜､沙律､炸物､蒸點心､水果､飲品任拎✨甜品方面有日本版haagen dazs雪糕🍨布朗尼､芝士蛋糕､楊枝甘露､燉木瓜海燕窩,飯後甜品必掃🍨 計埋成個價錢同食物質素,喺香港要搵到即撈活海鮮任食火鍋放題,呢度真係超值🤩而且場內夠晒寬敞,水池､自助區､用餐區分明,唔會迫到逼🤗記住早啲book位,晚晚都幾旺場😉 ————————— 📍千海水產海鮮火鍋放題 (荃灣) 荃灣大壩街4-30號荃灣廣場B1樓B126號舖 ————————— #千海水產#火鍋放題#荃灣美食#火鍋#香港餐廳#香港美食#香港美食指南#香港美食日記#香港美食推介#食好西#相機食先#香港博主#美食博主#chill賞去水上樂園#chill玩夏水禮