打卡+遊戲+藝術！黃埔天地超夢幻聖誕燈飾韓冬星光花圃|12米花之隧道|港式藝術燈飾|小小聖誕老人挑戰

文: a.Ki

2024.12.17

臨近聖誕，又係瘋狂睇燈飾及打卡之時！今年紅磡黃埔天地將港式玩味藝術聯乘韓式夢幻風，多個打卡位包括有夢幻的「韓」冬星光花圃及12米長的漫天夢幻花之隧道；糅合了港式紙皮石及霓虹燈美學的燈飾，還有德安街上的聖誕投影！打卡之餘，記得去時尚坊參加「Jolly SantaMas」慶典，超多活動陪你過活力聖誕！當然不少得大抽獎送聖誕禮物，大小朋友都玩得開心。

可愛度Max！共300位小小聖誕老人大作戰

逾百位小小聖誕老人同場的場面，絕對係可愛度Max！黃埔天地將會於12月21日及22日舉辦2場「聖誕老人大作戰」，將會有合共300位6-12歲小一至小六學生打扮成聖誕老人，展開眼明手快的競技賽事，戰鬥完成任務關卡，將禮物送達終點者為勝。比賽的次日屬親子組賽事，家長可和子女接力闖關，比賽一定更刺激！兩日比賽的勝出者將分別獲港產聖誕老人Santa Banana及Santa Mario、人氣小演員黃梓賢（Carson）及黃梓樂（Sean）兩兄弟頒獎！大會更會在每日選出一位最佳造型者，頒發「最矚目聖誕老人獎」。

刺激的聖誕老人大作戰過後，4大關卡就會開放予大家挑戰！只要於黃埔天地以電子貨幣消費滿$100或以上，憑即日單一發票即可換領「聖誕大挑戰」遊戲券一張挑戰4個關卡。同場還有供4-12歲小朋友免費玩的跳彈床「Santa Jump」，名額有限，盡早放電！

關卡1 雪橇加油站：把10份禮物放在雪橇上並將之推向指定區域，考眼界亦考力量。

關卡2 Santazon Factory：隨機抽取目標分數，再用10個聖誕球在煙囪彈珠機取得目標分數。

關卡3 鹿角Terminal：按禮物清單在波波池中找出禮物、放進禮物袋中，眼明又要手快。

關卡4 煙囪下的老人：帶着關卡3的禮物袋，越過障礙物和聖誕煙囪，抵達終點！

聖誕老人大作戰
日期：2024年12月21日（兒童組）及12月22日（親子組）
地點：黃埔天地時尚坊MTR層
時間：12nn-6pm

聖誕大挑戰
日期：12月25日至2025年1月1日逢星期六、日及公眾假期
詳情：於黃埔天地商舖以電子貨幣消費滿$100或以上，憑即日單一機印發票及對應之電子貨幣付款存根／交易紀錄頁面，即可換領遊戲券乙張參與各項遊戲乙次，名額有限，額滿即止。

Santa Jump
詳情：4-12歲小朋友可免費參加「Santa Jump」彈床遊戲。

召喚藝術魂！親子DIY聖誕禮物 + Jolly Santa畫廊

聖誕又怎少得聖誕禮物？只要於場內以電子消費滿$300或以上，即可參加「Santa禮物預備所」工作坊，DIY皮革薑餅人、聖誕繞線畫、編織聖誕樹或馬賽克小夜燈，名額有限，先到先得！另外黃埔天地更聯同場內的繪畫教室，舉辦了聖誕老人創作比賽，讓小朋友發揮創意、畫出心目中的聖誕老人，20幅佳作將於「Jolly Santa畫廊」展出，大家可投選心水之作，最受歡迎作品的得獎者將獲豐富禮品。

Santa禮物預備所
12月25日：手工編織聖誕樹 2pm及4pm、手工皮革薑餅人 3pm及5pm
12月26日：聖誕燈繞線畫 2pm及4pm、馬賽克小夜燈 3pm及5pm
地點：黃埔天地時尚坊MTR層
詳情：於黃埔天地商舖以電子貨幣消費滿$300或以上，憑即日單一機印發票，及對應之電子貨幣付款存根／交易紀錄頁面，可於時尚坊地下禮賓處換領工作坊名額乙個。每節名額有限，換完即止。

Jolly Santa畫廊
日期：12月14日至2025年1月1日
地點：黃埔天地時尚坊MTR層Santazon Factory內

免費電子聖誕卡 + 總值港幣100萬元現金券大抽獎

想同人分享溫暖又快樂的聖誕Vibe？即到「甜蜜聖誕照相館」影相並製作個性化電子聖誕賀卡，有不同款式相框選擇，好有聖誕氣氛！

為了將快樂氣氛推向更高，黃埔天地更推出了「聖誕狂賞曲」抽獎活動，只要於場內商戶消費滿$300或以上即可參加，有機會贏取總值超過一百萬元的商戶現金券，讓大家過一個Jolly Christmas！

聖誕照相館
日期：12月14日至2025年1月1日
時間：10am-10pm

「黃埔聖誕狂賞曲」抽獎活動
日期：即日起至2025年1月1日
地點：黃埔天地家居庭地庫
時間：1pm-10pm
詳情：於黃埔天地商舖以電子貨幣消費滿$300或以上，憑即日單一機印發票，及對應之電子貨幣付款存根／交易紀錄頁面，即可參加抽獎乙次。

18萬顆燈飾！多個搶FO打卡位

參加完聖誕活動，當然要去睇埋夢幻的燈飾先perfect啦! 今年黃埔天地以「Vivid Luminary Fest」為主題，以超過18萬顆璀璨燈飾及投影點亮「黃埔號」，小編同你精選以下5大打卡位，勁浪漫，超吸晴。

打卡位1：冬季限定燈光慶典「韓」冬星光花圃

以首爾近郊晨靜樹木園的冬季限定的燈光慶典為靈感而設計的星光庭園，位於「船頭」位置，相當搶眼！園林配上七色燈海，感受被花圃星海包圍的浪漫，點影都咁夢幻！於12月22日，更有專業攝影師駐場，只要於黃埔天地以電子貨幣即日單一消費滿$200或以上，即可請攝影師操刀拍照，名額有限，先到先得。

打卡位2：超浪漫！漫天夢幻花之隧道

在星光花圃的中央，藏着一條花之隧道，全長12米，被粉色系的仿真洋蘭花環繞，日夜都能輕易拍出IG-able夢幻照；於12月21日及25日6pm-8pm更有聖誕老人同你打卡見面！

打卡位3：港式玩味時尚階磚 | 躍動光影藝「階」

利用多個巨型方框，以前後不一的視覺效果併出5.5米高的不規則打卡拱門，上面配有港式美學代表紙皮石階磚，藝術感滿滿; 還有萌爆貓咪霓虹裝飾，玩味十足！除了拱門上的動感聖誕圖案，地上亦有互動階磚投影，踏上即可啟動圖案動畫，快樂Ｄouble up~

打卡位4 ：水中倒影看燈飾 | 幻彩星河之鏡

沿船身一直行到湖邊，會發現有9款聖誕圖案燈飾，到船頭位置的方框裝置再配合水中倒影觀看，又看到另一種光景，睇燈飾都可以有小巧思呢。

打卡位5：聖誕Vibe滿滿！德安街節日燈飾及互動投影燈效

除了船頭船身，時尚坊及聚寶坊外的德安街上的樹木和上空都被滿滿燈飾包圍，還有32個節日投影燈效，留在本地都有璀璨聖誕燈飾的效果！

「Vivid Luminary Fest @The Whampoa」聖誕裝置
日期：即日起
地點：黃埔天地黃埔號及德安街
時間：5pm-11pm

Source: 黃埔天地

更多真實評價

Exploremore

打卡熱點

黃埔天地

黃埔天地聖誕燈光 ✨ 打卡必去！

[Vivid Luminary Fest】玩味聖誕燈光之旅💡 一年一度聖誕節又來臨了🎄 鍾意打卡同食嘢嘅我就率先去咗黃埔天地食玩買☺️ 今年黃埔天地大玩港式玩味藝術🇭🇰 Crossover 韓式夢幻風🇰🇷 超過1️⃣8️⃣萬顆璀璨燈飾💡互動投影點亮｢黃埔號｣除咗有5️⃣個超搶fo 嘅聖誕打卡位俾大家盡情影相📷 仲有多間環球菜式餐廳一站式食玩買就係咁易了🤩 ✨5️⃣大超搶fo 嘅聖誕打卡📷 1.躍動光影藝｢階｣|5.5米高的多層拱門,盡顯經典港式美學風格 2.幻彩星河之鏡|船身輪番投影9款精心設計聖誕圖案🎄 3.｢韓｣冬星光花圃|以五色星光庭園為創作靈感,7種色彩繽紛嘅燈飾綴滿花圃中各種植物,好浪漫呀 4.漫天夢幻花之隧道| 粉紫色系仿真洋蘭花環繞整個步道,我好鍾意呀 5.德安街節日燈飾及互動投影燈效| 為聖誕節加添濃厚的節日氣氛! ✨心水餐廳推薦👍 📌 YAKINIKU KAKURA 地址: 黃埔天地聚寶坊(第十一期)G1及G3號舖 YAKINIKU KAKURA Christmas Omakase有本地活龍蝦､南非活鮑魚､天婦羅鵝肝壽司､鹽味牛舌､特上牛胸腹肉､黒毛和牛腹柳小排､黒毛和牛腹前小排､黒毛和牛西冷大判焼､甜品🫶套餐選用豐盛海鮮､鵝肝及和牛等高級食材,帶來豐富又滿足感滿載嘅聖誕回憶😎 未完未完,黃埔天地仲有多個活動慶祝聖誕節,例如由專業攝影師於｢韓｣冬星光花圃為你拍攝浪漫照,捕捉聖誕燈飾下的最美時刻嘅同埋聖誕老人見面會,詳情留意黃埔天地官網喔🙆♀️ @thewhampoa #黃埔天地 #thewhampoa#VividLuminaryFest#yakinikukakura#UCreator#打卡美食#好去處#全新景點#chill#隱世打卡點#打卡#拍下珍貴時刻#幾飽都要食埋甜品#靚住過聖誕#goodhairday#聖誕打卡

閱讀更多
Little K

打卡熱點

聖誕一家大細好去處黃埔天地5大打卡裝置滿載聖誕氣氛即去打卡兼買聖誕禮物

聖誕節將至🎄🔔 想同一家大細或摰愛一同感受濃厚🎅🏻❄️節日氣氛⁉️ 咁就絕對不容錯過黃埔天地誠意為佳節特設嘅✨5大打卡📸裝置喇嚟到極具標誌性嘅💫黃埔號 1️⃣ 躍動光影藝「階」非常耀眼⭐️ 高達5.5米嘅多層拱門即時呈現眼前👀 滿載經典港式美學風格利用前後視覺及多層不規則嘅巨型矩形方框配搭多款時尚階磚♦️方格陣圖案 2️⃣ 幻彩星河🪐之鏡🪞 沿著船身向前行到湖邊就會見到船身輪投影出59款精心設計嘅聖誕🎄圖案❄️ 3️⃣ 「韓」冬星光花圃 💐 7種色彩繽紛嘅燈飾綴滿花圃各種植物之中以下指定日子更有專業攝影師為你拍攝浪漫照，仲送4R相片，完美捕捉聖誕燈飾下的最美時刻！開放日期：12月8日及22日時間：晚上6時至8時參加方法：於場內以電子貨幣即日單一消費滿$200或以上 4️⃣ 漫天夢幻🌈💐花之隧道逾12米長的的粉紫色系仿真洋蘭花環繞整個步道，光影璀璨的超浪漫氛圍以下指定日子有「聖誕老人🎅🏻見面會」日期：12月15日、21日及25日時間：晚上6時至8時參加方法：免費參加記得唔好錯過 5️⃣ 德安街節日燈飾🪩及互動投影燈效🪄 打完卡梗係要去行吓街買埋聖誕禮物喇🎁 兩姊妹就最鍾意❤️行🔸玩具站及🔸奇趣天地喺🔸玩具站精心挑選咗幾件心水💕禮品俾大家參考～ ❣️反斗車王聖誕🎄倒數日曆2024 反斗車王陪伴小粉絲倒數過聖誕🎄 每日打開共24個日曆仲有源源不絕驚喜等緊你😍 ❣️爆旋陀螺X UX-04 入門對戰套裝有齊2個特別設計嘅陀螺同發射器連同極限陀螺盤聖誕假期約埋朋友仔一齊玩就最適合不過🤩 ❣️Pokepeace / Pokemon Plush 仲有呢款眼大大圓碌碌嘅可愛Pokepeace / Pokemon毛公仔軟綿綿攬到唔捨得放手😍 🔸奇趣天地有大量不同款式嘅聖誕卡任君選擇😊 仲有近期大熱嘅🔥chikawa 公仔大人細路都鍾意❤️ 今個聖誕節🎄一於帶埋一家大細齊齊去黃埔天地📸打卡兼🛍️shopping 喇 ✨ 🎈聖誕🎄裝置💡亮燈時間：5 ～ 8 pm 📍地點：黃埔天地黃埔號及德安街 @thewhampoa #黃埔天地 #thewhampoa #VividLuminaryFest #奇趣天地 #玩具站 #黃埔天地 #thewhampoa #VividLuminaryFest #奇趣天地 #玩具站 (此文章由U Blog 同步發佈至社群)

閱讀更多
閃媽湊女日記

親子

黃埔天地

2024聖誕好去處｜黃埔天地｜黃埔號｜Vivid Luminary Fest｜浪漫花圃🌹

#閃閃玩什麼身為黃埔友又點可以唔影自己地頭嘅聖誕裝飾呢😆今年黃埔天地聖誕呈獻「Vivid Luminary Fest」✨璀璨燈飾&五光十色嘅互動投影點亮「黃埔號」，仲有依家Hit 爆全球嘅「韓式夢幻風」 - 極浪漫「韓」冬星光花圃💐 等等閃閃教大家搵啱靚位打卡啦📸 🔸躍動光影藝「階」 5.5米高多層拱門多層不規則嘅巨型正方框，配搭多款時尚階磚方格陣圖案！動感又可愛💕 🔸幻彩星河之鏡行去船身前面嘅湖邊：船身輪番投影59款精美聖誕圖案！ 🔸「韓」冬星光花圃韓國人氣五色星光庭園：色彩繽紛嘅燈飾綴滿花圃中各種植物，仲可以同小朋友一齊搵吓光影貓貓🐱影相🥰 🔸漫天夢幻花之隧道 🔸德安街節日燈飾及互動投影燈效絕對係勁浪漫🌹超吸晴！帶埋你嘅至愛喺度影返張浪漫靚相💕 除咗打卡聖誕燈飾，黃埔出名多小朋友嘢玩🤩所以閃閃今次介紹兩間佢成日去嘅玩具舖俾大家去尋寶，有好多玩具都做緊優惠㗎😍 🥳玩具站 🚗TOMICA 聖誕倒數日曆 2024 由12月1日開始，每天打開1個日曆，就有1份神秘小禮品。到12月25日，會得到充滿聖誕氣氛的TOMICA汽車世界！ 🧸 Pokepeace / Pokemon Plush 毛公仔軟綿綿，可愛又好攬而家仲做緊買一送一優惠🤩 🥳奇趣天地呢度嘅聖誕卡又多款又靚！快啲揀返幾款送俾好朋友啦🥰仲有近期好Hit嘅chikawa！真係可愛到爆😍 ✨聖誕裝置開放詳情：亮燈時間：下午5時至晚上11時地點：黃埔天地黃埔號及德安街 ✨Capture Christmas Happy Moments 詳情：由專業攝影師拍攝全家福或浪漫合照，仲送4R相片日期：12月8日及22日時間：晚上6時至8時地點：「韓」冬星光花圃＠黃埔號參加方法：於場內以電子貨幣即日單一消費滿$200或以上 🎅聖誕老人見面會詳情：日期：12月15日、21日及25日時間：晚上6時至8時地點：漫天夢幻花之隧道＠黃埔號參加方法：免費參加 @thewhampoa #黃埔天地 #thewhampoa #VividLuminaryFest #聖誕好去處 #香港好去處 #親子好去處 #香港媽媽 #親子kol #香港kol #親子 #hkblogger #hkmamablogger #hkkids #hkfamily #奇趣天地 #玩具站 #親子 #香港好去處 #hkblogger #親子好去處 #聖誕好去處 #香港媽媽 #黃埔天地 #hkkids #hkfamily #親子kol #hkmamablogger #香港kol #閃閃玩什麼 #thewhampoa #VividLuminaryFest #奇趣天地 #玩具站 (此文章由U Blog 同步發佈至社群)

閱讀更多