蝦蝦燒荃灣分店1月結業 主打任食流水蝦+海鮮 網民嘆不捨：最鍾意呢間

FatFatDevil

香港攻略

蝦蝦燒

佐敦海鮮放題！🦐 夠晒大方！😋

身為男仔要約一個女仔去食乜嘢 如果個女仔朋友係食量大嘅 去邊度先會俾人覺得你係red flag 仔? 咁今次推介一下荃灣及佐敦海鮮任食放題的蝦蝦燒,賣點係6000大環境,大型BBQ放題並且有海量的選擇,由海鮮,熟食,雪糕,海鮮每日新鮮入貨,包括原隻鮑魚､扇貝､生蠔等,大家可以拿取喜歡的食品再回座位燒｡ 環境方面,有唔少典型的標語座位,而煮食燒烤區的每行座位旁都有一條大水缸,裏面有好多隻生猛流水蝦,夾完之後放入冰筒浸(大家會唔會玩生燒大頭蝦就睇自己膽量同能力啦)蝦身厚肉入口彈牙｡ 邊爐嘅湯底可選擇有豬骨､麻辣或蕃茄,最重要就係加$1就可以 蝦蝦燒晚市$348 #佐敦海鮮#蝦蝦燒#海鮮放題

DoubleJDiary

香港攻略

玩蝦 Bbq 係邊度？ 🦐💦

佐敦必食｢蝦蝦燒｣!流水蝦即夾即燒 爆膏大頭蝦+任食新鮮海鮮🦐🔥 今晚同friend去咗佐敦呢間｢蝦蝦燒｣,真係啱晒鍾意玩吓燒吓嘅我哋😍 餐廳主打流水蝦放題,每張枱隔離就係蝦缸,入面啲大頭蝦超級生猛,要自己落手夾,記得跟店員教路浸冰水先再燒,咁樣燒出嚟先會最爽口 🚨 一剝開隻蝦🦐 果然蝦膏多到漏晒出嚟,蝦肉鮮甜彈牙,點少少泰式辣醬已經好好味 !除咗蝦,自助區嘅海鮮都係亮點,鮑魚､扇貝､生蠔全部冰鮮refill,加啲蒜蓉牛油一齊燒,真係邪惡又滿足 😌 另外,入座每人仲送一串燒白鱔,燒到外皮香脆,魚油豐富,係必食item !呢度飲品選擇超多,連啤酒同真露都係任飲,邊燒邊傾偈夠晒爽 ｡最後食返杯雪糕,為呢餐畫上完美句號 ｡ 晚市三百幾蚊可以食到咁高質嘅海鮮,仲要坐得舒服又冇油煙味,真心值得Encore! 蝦蝦燒 (佐敦) 地址:佐敦白加士街10-24號永富大廈1樓 🚇 佐敦站C2出口,步行約3分鐘 #佐敦#流水蝦#放題#海鮮燒烤

超級大肥妹

香港攻略

千海水產海鮮火鍋放題（荃灣店）

千海水產：放題界天花板🤤🦐🦑🔥

千海水產海鮮火鍋放題📍 地址: 荃灣大壩街4-30號荃灣廣場B1樓B126號舖 荃灣海鮮放題天花板🦀爆汁海鮮+任撈任煮真係食到停唔到口｡ 千海水產海鮮火鍋放題(荃灣店)一入場已經俾佢嗰種熱鬧又有氣勢嘅海洋風氛圍吸引住,裝潢夠寬敞,燈光柔和,坐位舒服,整體環境乾淨企理,令人成個用餐心情都即刻輕鬆晒｡ 我地係食午市既, 最長可以有4個鐘任食! 好誇張,一定回本! 現場設有大型海鮮池,客人可即撈即煮,常見供應包括花蟹､三點蟹､藍蟹､鮑魚､大頭蝦､九節蝦､基圍蝦,以及多款蜆螺類如美國蜆､沙白､白蜆､花甲等,全部新鮮活跳｡每次撈完海鮮都可以交比在旁店員清洗乾淨,等大約5至10分鐘,就可以憑號碼牌去攞海鮮｡ 千海水產有三種方法可以拎野食的, 第一: 去大型海鮮池現撈｡ 第二: 就係出去拎已經整好的食物｡第三: 用QR code落單｡ 除咗生猛海鮮,熟食區都完全無令人失望! 花多眼亂的前菜同點心,重點有烤榴槤!烤過後特別CREAMY! 好好味呀! 大頭蝦好新鮮,拎上枱時非常生猛,大頭蝦肉質彈牙鮮嫩,頭大多膏,蝦膏甘香濃郁;花蟹蟹黃飽滿,蟹黃滑順鮮甜;鮑魚鮮嫩,彈牙爽口;九肚魚魚身飽滿,肉質鮮嫩無骨;沙白肉厚,味道鮮甜｡ 自助火鍋配料區 有新鮮蔬菜､海蔘､花膠､脆鯇魚片､帆立貝､丸類､水魷魚､魚肚､雞子､燕餃､炸魚皮､即食麵等,款式豐富｡ 飲品方面: 有汽水､果汁之外,有任飲生啤及其他酒類可供選擇｡仲有自家製冷泡茶､楊枝甘露､珍珠奶茶等,另外仲設有清酒區及梅酒區｡ 甜品方面: 除自助區的蛋糕外, 特別推薦滋潤的海燕椰汁燉木瓜, 吃完火鍋後享用有助清熱下火 ｡ 熟食推介有乳鴿､鵝肝多士同燒蠔｡估唔到任食都有高質乳鴿,肉汁清爽鮮甜,不似雞鴨般油膩,反而更輕盈｡鵝肝多士油脂香醇,鵝肝脂肪含量高,煎烤後油脂滲出,入口綿滑細膩,帶有奶油般的厚重香氣｡;仲有即叫即燒生蠔,蠔肉保留海水的鹹鮮與清爽,入口帶有天然礦物味｡ 最後食埋雪糕先算圓滿!呢度既雪糕陣容超誇張,有齊 Häagen-Dazs､Dreyer‘s 同 Mövenpick 呢啲牌子,食多幾杯都回曬本! 總結: 舒適環境合理價錢 高質海鮮火鍋放題 #香港美食#香港美食#香港食#香港探店#香港打卡香港旅游香港必喝香港放題探店香港放題店香港好去处香港推荐食品