株式会社新品牌「好鍋日子」登陸啟德體育園！一人火鍋品牌／套餐$68起

goodfoodgoodmoodhk

港式美食

啟德體育園

啟德🇭🇰這家一人火鍋真的愛了！性價比高

|📍 好鍋日子 性價比高一人火鍋品牌!! 美味湯底+蟹肉蟹膏炊飯🍲🦀✩⋆*॰¨̮⋆｡˚(收藏起來!) 天氣涼左成日都會想搵啲熱野暖下個肚( ´▽`)打邊爐係冬天保持暖粒粒嘅不二之選 最近株式会社帶嚟全新一人火鍋品牌 — ｢好鍋日子｣ 首間分店隆重開幕,選址啟德體育園啟德零售館1! 整間店鋪風格以木系裝潢同柔燈光營造出舒適氛圍 店內多款座位間格 無論係I人定係E人,都可以搵到舒適位置享用美味火鍋 ｢好鍋日子｣都希望以精心調製美嘅嘅湯底､上乘嘅火鍋材料比顧客一個美味而溫暖嘅回憶同體驗😗 ｢好鍋日子｣提供9款精心調製的湯底,價錢低至港幣$68 起 🤍每個套餐包括:蔬菜+鍋物盛合､精選肉品及日本白米飯 而佢地嘅最大特色之處係帶來前所未有嘅一人火鍋體驗——炊飯 客人可加入日本白米飯,將米飯吸盡鍋中精華,煮熟成炊飯🤤 ➺ 茸美人鍋套餐💰 ʜᴋᴅ 148 係佢地嘅招牌湯底之一 以珍貴姬松茸做湯底主角🍄‍🟫 湯底上嘅時候以啫喱狀態呈現,加熱會逐漸溶化,入面仲有紅棗杞子超養生,湯底充滿鮮甜味 ➺ 胃覚醒鍋 💰 ʜᴋᴅ 88 愛辣人士嘅不二之選!🌶️以黃金酸菜湯為主 酸菜湯夠酸同香濃,係喉嚨會感受到微微辣刺激好正 超啱重口味人士👅 ➺ 肉質 🥩 除左食本身套餐包嘅150gPrime牛肩胛肉+牛五花,豚梅肉,仲嗌左日本產黑毛和牛肩胛肉 佢地嘅牛全部新鮮用機切,所以會見到上嘅時候油花好靚,新鮮+有個弧度喺度😳 而黑毛和牛絕對對得住價格,好多片同時真係好重牛味同入口有融融地 ➺ 魚介の饗宴 🐟 另外除左肉佢地仲有海鮮拼盤,嗌左依個魚介の饗宴 :半殼扇貝2件､ 半殼蠔2件､ 蝦4件､魚滑1份 帶子勁大粒超鮮甜,蠔都巨大新鮮充滿海水味( ´▽`) ➺ 豬油渣雜炊飯+蟹肉蟹膏雜炊飯👅 每餐最幸福結尾不只係限於甜品 豬油渣雜炊飯配酸辣菜湯,飯粒吸滿酸辣湯加上蔥同豬油渣,勁香勁惹味 蟹肉蟹膏雜炊飯配美人鍋,蟹膏同蟹肉嘅份量都超多 煮完後每一啖都繼續食到茸香外仲有咸咸地嘅蟹香味超正 總結: 整體嚟講,果然株式会社旗下品牌就係有保證😳 食物質素同湯底完全對得住價格 最驚喜係啲海鮮全部新鮮大大粒,同埋有暖粒粒炊飯作完結,係幸福感覺ʕ •ᴥ•ʔ ￭ 名稱: 好鍋日子 ꜱʜᴀʙᴜᴅᴀʏꜱ 📆開幕日期:2024年12月18日 📍啟德體育園啟德零售館1,2樓M1-206號舖 (12月18-20日試業期間時間:中午12:00時至下午3時|下午7:30分至晚上9時30分) #UCreatorHK#BESTFOODwithUCreator#香港美食#九龍美食#香港隱世美食#香港地道美食#火鍋#聖誕打卡#拍下珍貴時刻#聖誕驚喜#好去處

wanyin000024

日式料理

啟德零售館 1

一人抵食火鍋😍

行行下零售館見到呢間新開嘅邊爐店 天氣凍凍地就好想淥淥下!😍 ✨胃覺醒鍋 $92 + $4 烏冬 呢個湯底酸酸辣辣真係超開胃超惹味!🤤 呢個set 跟左豚肉同牛五花 都好軟嫩 👍🏻 烏冬好煙韌彈牙 口感唔錯😆野菜盛合啲蔬菜都好甜好新鮮👍🏻👍🏻 ✨自選火鍋 雞白湯$58 & 野菜+鍋物盛盒$28 & 美國Prime 牛肩胛肉 50g $32 & 牛五花100g $32 雞白湯就比較似清雞湯 不過都唔錯嘅👍🏻 美國Prime 牛肩胛肉係我今餐入面最鍾意嘅牛🤩 我覺得牛肉味最濃🤤 肉再加左50g 美國牛小排 $42 同50g 牛舌$32 😆 兩個都唔錯 牛小排嘅肉味同油脂好平衡👍🏻 另外仲有加左個蟹肉蟹膏雜炊飯 $32 吸收晒打邊爐湯底啲精華好正🤤🤤🤤 不過我覺得我太多水就煮 應該要收多啲水再落🤦🏻‍♀️🤦🏻‍♀️ 總括黎講所有野都唔錯 呢個價錢真係好抵食‼️環境座位都好靚好舒服 不過人多就未必啱黎 冇咁大嘅枱 加上限時75分鐘🙈 同埋都要等位 我地18:15攞飛都等到差唔多七點先有位🙈 最尾個雜炊飯等左勁耐都未上 催左兩次先有 建議就快食晒就好叫佢上 唔好等到食完先叫🙈 味道❤️❤️❤️❤️💔 抵食❤️❤️❤️❤️ 服務❤️❤️❤️💔 環境❤️❤️❤️❤️ 💰晚餐人均~$190(包括+1) 好鍋日子 (九龍城) 九龍城啟德承啟道38-39號啟德體育園啟德零售館1 2樓M1-206號舖 #啟德美食#啟德零售館#啟德好去處#w啟德美食w#香港美食指南#香港美食日記#香港覓食#相機食先#吃貨#食評#火鍋#邊爐#日本菜#foodporn#foodlover#hkfood#hkfoodie#hkfoodblogger#foodphotography#foodphoto#foodstagram#yummy#eat#foodsharing#hongkongeats#hongkongfood#hkig#foodie#blogger#firstwefeast

Wcs.foodie

擦餐勁

千鳥 Shabu Shabu (彌敦道)

🍲喺呢度用靚靚價錢食日本A5黑毛和牛🥩🐮

油麻地旺角一帶為美食天堂眾所皆知,平時行街只有見到一人燒肉餐廳,例如燒肉LIKE ､牛繁等等,近排睇Thread見到一間大熱的日式火鍋店,叫做千鳥しゃぶしゃぶ,呢間火鍋店係一人一鍋模式,即是一人獨食又得,多人共享都可以,仲發現原來地點同小妹居住點近在咫尺😍琴晚就同老公去咗食啦! 昨晚大概七點搭三去到千鳥,已經要攞飛排隊等位啦,好彩早咗少少🤏🏻到咋,越晏越多人等位呀,因為呢間餐廳係沒有限時㗎,非常難得🤩好彩人流都算好快,等咗大概三､四個字就入得嚕😎店內環境非常舒適優美,兩人座位有撐枱腳座位及排排坐座位(意思是膊頭掂膊頭果種),小妹兩公婆被安排坐排排坐座位🤭小妹與老公｢肥C大隻｣排排坐都唔覺得迫,張枱都算幾大架,腳長都不怕,冷氣夠強一啲都唔熱❣️抵讚呀🥰🥰 餐點方面係以套餐形式提供,每一份套餐都包括前菜､飯､湯底､肉類､野菜盛合!價錢由最划算$68到最貴價$198,套餐份量仲分為150g､250g､350g,一個人食絕對夠飽｡肉類擺盤非常精美,睇落份量好多㗎,仲可以用靚靚價錢食日本A5和牛;野菜盛合有菇有菜有南瓜🎃仲有少有的心內美蘿蔔添😍;唔想食白飯可以加錢轉食烏冬､拉麵或玉子雜炊飯;湯底合共有六款揀,免費的只有豬骨湯及日本昆布鰹魚湯,其餘的要加錢改配｡ 小妹兩公婆每人叫一個餐,一個配白飯,另一個配玉子雜炊飯: 🍲極上千鳥套餐($168/250g) 肉食:日本A5黑毛和牛上肩肉､特級牛舌芯[牛舌最粉嫩部位]､美國特級牛板腱 🥬🍄‍🟫野菜盛合 湯底:日本昆布鰹魚湯 主食:玉子雜炊飯(+$12) 前菜:芥末枝豆&醋薑 🍲幸福滿滿套餐($148/350g) 肉食:美國特級牛板腱､美國特選安格斯牛肩胛肉 🥬🍄‍🟫野菜盛合 湯底:自家製鮮番茄濃湯(+$15) 主食:白飯250g 前菜:芥末枝豆&醋薑 兩份套餐共四款肉食,除咗牛肩胛肉牛味比較騷之外,其他都非常好食丫,小妹的番茄濃湯超級濃厚,第一個感覺係似龍蝦濃湯,如果配烏冬一定超級完美❣️前菜酸酸辣辣超解膩😚玉子雜炊飯被直男老公讚好有儀式感🤭🤭｡ 因為火鍋食到差唔多先再同店員講可以上炊飯,店員會親自上陣,將雜炊飯材料:白飯一碗､日本蛋､黑椒碎､紫菜絲､蔥花､芫茜､櫻花蝦及拌飯素,逐一在眼前調製給你食😳如同直男老公所說｢真係好有儀式感!｣ ♡⃝♡⃝♡⃝♡⃝♡⃝♡⃝ ◡̈° ♡⃝♡⃝♡⃝♡⃝♡⃝♡⃝ ◡̈° ♡⃝♡⃝♡⃝♡⃝♡⃝♡⃝ ◡̈ ~你們既支持小妹最好既動力🫶🏻 𝕐𝕠𝕦𝕣 𝕤𝕦𝕡𝕡𝕠𝕣𝕥 𝕚𝕤 𝕞𝕪 𝕓𝕖𝕤𝕥 𝕞𝕠𝕥𝕚𝕧𝕒𝕥𝕚𝕠𝕟 ♡ 🔎追蹤@wcs.foodie, 發掘更多美食資訊🫶🏻 #hkfoodieblogger#hongkongfoodie#hkfoodie#hongkongfoood#yummy#好吃#吃貨#為食妹#foodies#happylife#香港美食#油麻地美食#thread上大熱#千鳥しゃぶしゃぶ #日本A5和牛#玉子雜炊飯#鮮番茄濃湯#牛舌芯#UCreator #九龍美食