香港男團ERROR成員阿Dee何啟華早前現身商台節目《星光背後》受訪，自爆出道以來的種種經歷，原來當初ViuTV組成MIRROR及ERROR前，何啟華已夥好友楊樂文(Lokman)及王智德(Alton)向高層自薦組三人組合出道，後來就已是大家認識的歷史，不過阿Dee則坦言慶幸自己沒有入選MIRROR。
阿Dee何啟華入行前並無正職 愧對家人
香港男團ERROR成員阿Dee何啟華早前現身商台節目《星光背後》受訪，阿Dee透露六年前參加《全民造星》為星途大改寫︰「我中五畢業嗰一年都有返過正職嘅，侍應、Sales、賣衫，我都做過，但係我做乜都唔及我響舞台做得好，咁有滿足感。」，「眼見哥哥養家，而我自己隨住年紀長大而成就向下跌，我會反問自己係咪浪費時間，月尾總係無錢洗要問屋企人攞，果陣不斷重覆，好地獄，但個天又好奇怪，到我想放棄又有啲機會出現留住我，一年總有一、兩套舞台劇搵我做chorus，總係心灰意冷果時又有電話搵我做，當時我涉獵MC、跳舞、舞台劇，幫人宣傳遊戲game扮喪屍，總之同表演有關我都做。點解？因為無錢囉！過程都係鍛鍊苦中作樂。父母有無壓力？我會形容係季節性，佢哋忍到夏天，又忍唔到個春天。《造星》最後簽ViuTV，最初幾千蚊底薪都好，佢哋終於放心，係因為我終於有份正職！不過都真係要多謝父母，佢哋好傳統，好錫自己小朋友，無得食都要畀小朋友食。」
自爆ERROR曾分兩派對立?
ERROR成軍六年，Dee 坦承經歷過不少磨合，「嗰陣我哋四個分咗兩邊咁，好多拗撬，但好彩我哋都係男人，有啲咩就會三口六面鬧清楚，係講晒粗口果隻。如果我哋係女仔嘅話，應該會扯頭髮添！之後我哋啲嘢就越行越順，有錢就齊齊搵，一齊經歷咗好多嘢。」根據過去梁業(肥仔)的訪問透露，當時肥仔與DEE哥一派，保錡與郭嘉駿（193）一派。原因在於前者一向跳舞合作，後者就對於時尚、Marketing、娛樂圈的流量有不同睇法。不過在保錡經歷低潮期時，都是由四人互相扶持跨越難關：「係一齊撈返起佢，我地同佢講你肯玩就一齊玩，你畀人雪藏，咪用個雪櫃推佢出嚟，畀佢知道home sweet home，我地係屋企人，你當我同事又好，係合約精神又好，我哋四個係綁埋一齊架嘛，如果我哋想害你，咪即係害埋自己？」
坦言慶幸當初沒入選MIRROR
Dee當年夥兩位跳舞好兄弟Lokman及Alton一起參賽《造星》，沒想過要爭冠軍，「目的我只係想話畀人知我響度！」最終他30強止步，但原來十強決賽前，他與兩兄弟已向高層自薦組成組合，「而家應該可以講，我捉住高層話我哋可以做呢啲，又可以做個啲！不如俾我哋三個試下整個組合。到節目尾聲，聽到有個組合要誕生，本身以為得米啦，以為就係我哋三個一齊做個組合。係後來先知我哋要入唔同組合，我入ERROR，佢哋就入MIRROR。」被問到自己無緣入MIRROR，他說：「無唔開心！我反而慶幸自己冇入到MIRROR，佢哋兩個適合做偶像派，比我更適合，我會話自己似entertainer多過idol。」
」，
App內睇文同睇片可隨時捕捉U Fun彩蛋，
換領現金券及禮品！
【請您食😋】利苑賀年糕品✨ ！
↓免費品嚐如意蘿蔔糕 x 招牌棗皇糕↓
↓【限時搶⚡】Nourwish重生育髮系列！↓
↓ 提升頭髮彈性/令頭髮變得滋潤及豐盈↓
