「生物多樣性地理信息系統」正式面世！加埋本地物種介紹同靚相一站式助你親親大自然

文: a.Ki

2025.01.17

大人、小朋友都喜歡捉精靈，有沒有想過，現實生活中其實我哋身邊都有好多「精靈」，仲要係實體，唔使捉都可以欣賞到？漁護署今日正式啟用「生物多樣性地理信息系統」（Biodiversity Geographic Information System, BGIS），作為「#香港生物多樣性資訊站」嘅一個新設施，蒐集過百萬個由漁護署和合作機構發放，以及從科研和公民科學項目整合而來嘅本地物種出沒記錄，加上資訊站本身有嘅物種介紹同佢哋嘅靚相，一站式加深大眾對本地生物多樣性嘅認識。資訊站亦附設教育活動平台，一年四季都有不同生態活動及公民科學活動供大眾參加，同大家一齊探索身邊唔同物種！

香港嘅市區雖然是全球人口密度最高嘅地方之一，偏偏這彈丸之地卻孕育豐富多樣嘅野生動植物，唔少具高保育價值嘅物種都在此地棲息，如盧氏小樹蛙、黑臉琵鷺、馬蹄蟹及石珊瑚等。有見及此，漁護署早於2022年推出「香港生物多樣性資訊站」，透過其「物種數據庫」、「多媒體數據庫」及一系列主題網頁，讓大眾安坐家中都可以認識同欣賞本港豐富嘅生物多樣性。新增嘅BGIS令到資訊站可以將本地物種嘅介紹同佢哋嘅相片、出沒過嘅地點及其他資訊無縫結合，大大提高資訊完整度，對普羅大眾以至小朋友認識同親親大自然都大有幫助！

物種搜索︰一鍵輸出！
香港生物多樣性資訊站原有數據庫加上BGIS嘅物種出沒記錄，只要輸入物種名稱，一鍵即可輸出整全物種資料，包括基本介紹、相片，以及標記在地圖上出沒過的地區，一目了然，易用又方便！

生境分佈圖︰深入認識香港「生物多樣性」
好多人對於「生物多樣性」嘅認識只停留喺物種層面，但其實唔同生境，即各類生物嘅棲息地，都係生物多樣性嘅組成部份。BGIS特別設有「香港陸地生境地圖」，讓大家認識香港多元嘅生境同佢哋嘅分佈。

物種比較︰發掘有趣關連
自然界生物時而互利共生，時而弱肉強食，有時亦會物以類聚。大家可以利用BGIS嘅「比較」功能，比較兩個物種嘅出現記錄，睇下會唔會搵到啲蛛絲馬跡，增添探索大自然嘅樂趣。

打造全港最大型一站式生物多樣性資訊平台
香港生物多樣性資訊站致力成為一個資訊量大且全面嘅一站式平台，現時已載有超過5,000種本地物種嘅資料，當中更有漁護署和合作機構為大家蒐集的本地生物相片及影片，亦不乏由市民提供嘅「靚相」，令大家唔使買長鏡頭都可以近距離、多角度欣賞不同物種嘅千姿百態，大飽眼福！

此外，香港生物多樣性資訊站亦透過各種有趣方式及資源，與大眾分享本地生物知識，例如其「資源中心」便附有圖鑑供老師或父母作為教材下載使用。而教育活動平台則持續推出一系列由漁護署與夥伴機構籌劃嘅生態活動，歡迎大眾踴躍報名參與。

立即探索香港生物多樣性資訊站及BGIS，一齊親親大自然！

香港生物多樣性資訊站
網址︰https://bih.gov.hk/tc/home/index.html

生物多樣性地理信息系統（BGIS）
網址︰https://bih.gov.hk/tc/bgis/index.html

（資料由客戶提供）

大自然

更多真實評價

U Magazine

吹水

「迷你哥斯拉」現身海底！加拉巴哥群島奇妙生物

在南美洲厄瓜多的加拉巴哥群島上，生活著一種獨一無二的蜥蜴，牠們就是海鬣蜥。這種被暱稱為「迷你哥斯拉」的生物，是全球唯一能潛入海洋覓食的蜥蜴。為了享用牠們喜愛的海藻，海鬣蜥可以潛入深達30公尺的海中，並在水下屏住呼吸長達30分鐘。儘管外表兇猛，這些體重僅0.5至1.5公斤的小傢伙其實是溫和的素食者。牠們特殊的牙齒構造專門用來啃食海底藻類，完全沒有攻擊性。牠們目前已被列為易危物種。面臨著生存危機，需要人們更多的關注與保護。下次看到牠們在海中身影時，別忘了這可是地球上絕無僅有的自然奇觀！

閱讀更多
和牛媽媽

親子

圍方The Wai

帶你睇怪奇生物展！🤩 免費又好玩！快啲嚟！🐛🍄

知識型嘅妹妹,好鍾意探索不同事物｡今次帶咗佢去探索香港怪奇生物,唔講唔知原來香港有咁多千奇百態嘅生物‼️ 由11月15日起,🏫保良局媒體創作中心喺大圍圍方帶來一連9日嘅｢怪奇百態｣怪奇生態創意展🖼️,由學生及青少年以創意手法介紹本地特色動物🦎､植物🌺､昆蟲🐞､菇菌🍄嘅獨有美態,透過富趣味的嘅態創作🍀､生態工作坊🎨以及互動展覽體驗💻,等更多人認識和了解香港嘅生態寶庫｡今次呢個展覽,我同妹妹都學咗好多嘢,仲對佢哋多咗好多了解!!絕對係一個有創意､又可愛嘅展覽活動!! 展覽仲係免費㗎,你哋都把握機會,快啲帶小朋友過嚟睇吓啦! 📅 展覽日期:2025/11/15 (六) - 2025/11/23(日) ⏰ 開放時間:11:00-20:00 🗺️ 地點:大圍圍方L4活動空間(Market Place對出) (為環境及自然保育基金資助｢怪奇生物觀察學｣生態教育計劃的成果總結展覽) #ECF#環保友#ECFriends#怪奇生物#bizarrelife#生物多樣性#生態教育#假日好去處#好去處#保良局青少年事務部#保良局媒體創作中心#香港生態#UCreatorHK#親子好去處#親子活動

閱讀更多
Karkarkarliehui

打卡熱點

圍方The Wai

｢怪奇百態｣怪奇生態創意展

最近見彤彤👧🏻借嚟睇嘅幾本書都同生物有關,我發現原來佢對生物都幾有興趣🤔早幾日發現大圍圍方有個｢怪奇百態｣怪奇生態創意展,即刻抽時間帶彤彤👧🏻去睇吓☺️ 怪奇生態創意展係推廣本地生態多樣性嘅創意展覽,用學生同埋青少年嘅創作展示香港嘅特色生物,等大家可以認識和了解香港嘅生態寶庫💁🏻‍♀️ 睇完呢個怪奇生態創意展發覺原來某d生物會有d我覺得幾奇怪嘅特徵,但其實呢d特徵係幫助佢地喺野外生存嘅功能👍🏻 現場仲有好啱親子嘅活動同埋好得意嘅AR booth,可以同特色生物打卡呀📷有興趣記得把握時間去睇吓啦🫶🏻 🦎｢怪奇百態｣怪奇生態創意展 📆展覽日期:2025/11/15 (六) -2025/11/23(日) 🕚開放時間:11:00-20:00 📍地點:大圍圍方L4活動空間(Market Place對出) #怪奇生物#bizarrelife#怪奇#香港生態#生態教育#展覽#好去處#保良局媒體創作中心#UCreator#好去處#打卡#倒數聖誕#100個港人推介親子好去處

閱讀更多