拼多多變「提多多」改香港集運政策手動變自動合單買家轟：要1件1件咁攞

文: 溫藹紅

8小時前

拼多多突改香港集運政策！網購平台拼多多近日被形容變成「提多多」，網上討論區、社交平台等都有港客抱怨，稱該平台由平時「手動」改為「自動合單」直接集運到香港，令一眾買家無奈苦呻：「自動轉運到香港，變咗一件一件咁到自提點」、「十幾件去咗另外一個自提點，步行過去要25分鐘」、「我分咗兩次去拎」。

拼多多變「提多多」改香港集運政策由手動變自動合單

最近有市民透過網上討論區發帖分享，內地網購平台「拼多多」近期突然更改對香港的集運政策，抱怨平台由以往的「手動」改為「自動合單」集運到香港，導致買家的取貨時間陷入大混亂，拼多多更被形容變成「提多多」，港客被逼多次於指定時間及自取點取貨，令其大感無奈！

點擊圖片放大

港客抱怨：變咗一件一件咁到自提點

有市民表示：「發現有部份貨，到咗集運倉之後自動轉運到香港，變咗一件一件咁到自提點，暫時有兩樣嘢，佢根本冇拼埋一齊，搞到已去左兩輪」、「突然改了玩法，十幾件去咗另外一個自提點，步行過去要25分鐘，好彩有車揸車過去攞」。

▼港客分享取貨經歷▼

點擊圖片放大

拼多多集運自動變合併訂單直接轉運至香港自取點

有人就表示，平時購買貨物時可以揀「集運」選項，再於「選擇配送類型」揀選送貨的集運自取點或自提櫃。然而，有網民就報告最新情況，「暫時我想買既野，都係話自動集運，好似冇得揀手動」、「佢而家係揀都冇得揀，件貨去到集運倉後，冇顯示集運按鈕，之前係有個紅色集運俾你撳㗎嘛，而家係直接自己轉嚟香港自提點」，又指「一卷膠紙，一個掃把頭，佢完全冇幫我拼埋一齊，我分咗兩次去拎」，又戲稱「拼多多變咗提多多」。

▼手動變「自動合單」集運▼

點擊圖片放大

拼多多官方客服：香港集運模式逐步優化中

有用家就上述情況向拼多多官方客服作出諮詢，獲回覆指「香港集運模式逐步優化中，後續也無需你手動合包」。用家無奈表示：「而家我買咗8樣嘢，希望唔使去8次。」

▼拼多多客服回覆▼

點擊圖片放大

網民猜測平台不願堆積過多貨量部份用家稱影響不算大

帖文亦引起其他網民熱議並紛紛猜測：「我估平台，唔想積埋太多單，或者太重，所以按佢哋標準，到標準便合埋一齊發貨」、「免運費嚟香港，佢都要確保公司運作順利」、「其實變咗買少咗野，幫自己慳錢」；不過都有部分網民認為「其實而家唔使煩，免運已經抵到爛，不過如果要去旅行幾日，要記著預返十日八日唔好買嘢」、「我覺得自動合包影響唔算大，送錯自提點都可以經客服改返，暫時都好順利」。

資料及圖片來源：Baby Kingdom討論區、Facebook@拼多多開心share 分享群

六合彩頭獎$1.28億神秘規律！驚揭2個號碼成中獎關鍵

六合彩新年金多寶頭獎自上周四（1月2日）起攪珠，不過繼續無人中，至本周四（1月7日）攪珠後終於有人贏走彩金！攪出號碼為：8、13、18、23、31、47；特別號碼16。昨晚六合彩$1.28億頭獎2注中，每注派逾$6,900萬元；二獎14注中，每注派逾$84萬元；三獎651.5注中，每注派逾$4.8萬元。

點擊圖片放大

然而六合彩至今已有50年歷史，惟每注派彩從未突破億元大關。根據馬會紀錄，目前六合彩最高派彩紀錄為2021年8月26日（第73期），當時有幸運兒以10元一注獨中高達$9,124萬元派彩。但今次中頭獎金額同樣可觀，不少市民都好奇哪位幸運兒中頭獎？

網傳警務人員中頭獎 $6900萬馬會戶口截圖瘋傳

有網民在社交平台上在今日（1月8日）早上約11時發帖分享，指「朋友尋晚中咗六合彩頭獎六千幾萬，真開心」，並附上一張馬會戶口截圖照片，顯示該戶口結餘為$69,034,076，與今期中頭獎派彩金額吻合。據指，今次中頭獎的幸運兒為水警。帖文引起熱議，有網民留言質疑真偽，亦有人笑言「你朋友做水警？」、「可以開始部署點拐笠呢個friend」、「還是朋友嗎？」

點擊圖片放大

網民揭六合彩頭獎神秘規律 2個號碼是中獎關鍵？

另外有網民在周四晚開彩時，發現六合彩頭獎的一組神秘規律，更驚揭2個號碼疑是中獎關鍵。

點擊圖片放大

有關發現惹來大批網民驚訝：「開心大發現」、「即係重點係5同8」、「你係個天才！」、「犀利咁都畀你揾到規律」、「這次的六合彩都幾特別，真的有人Win？咁嘅巧合？」有網民就大嘆「好邪」，笑指下次買六合彩要用計數機。不過有網民就覺得，即使成功找出規律，也難以中獎：「就算係畀你知道8同5係關鍵，你可以點做？8，16，24，32，40，48；5，10，15，20，25，30，35，40，45；13，18，23，28，33，38，42，47；13，21，29，37，45；23，31，39，46，隨便諗都已經諗到咁多數字，仲要可以再加落去，你有冇本金拖」？

資料及圖片來源：Threads、小紅書