深圳電影院推薦｜IMAX/CINITY/杜比影院 深圳戲院推介10間睇戲價錢¥20起

EatPlayFun

深圳

《阿凡達3》香港延期至1月？港人必去深圳4大電影院🎬

等緊《阿凡達3》嘅香港朋友應該都收到消息，香港上映延期至2026年1月。 對一班等好耐《阿凡達3》嘅朋友嚟講，確實有啲失落。 如果想唔比人劇透，可以即刻了解《阿凡達3》嘅故事，又想體驗《阿凡達3》IMAX、杜比全景聲震撼畫面。 今次我會推薦4間深圳電影院比大家 深圳戲院無論係硬件、體驗、票價，近年真心已經追過唔少香港戲院。 以下就同大家分享 4間最推薦嘅深圳電影院。 1️⃣ 萬象影城（深圳灣萬象城旗艦店 ）(P2) #🎬 最有「五星級酒店感」嘅戲院 萬象影城可以話係我心目中「最靚深圳戲院之一」。 整個設計完全唔似傳統戲院，更似行入高級酒店大堂——雙層樓高天花、精緻燈光、木材＋金屬＋石材設計，未入場已經好有儀式感。 🎥 設施方面亦非常全面：         •    杜比影院（345 座位）         •    4 個鐳射廳         •    3 個貴賓廳（VIP 真係坐得好舒服） 🎬阿凡達3票價 (P3) 原版3D ¥54.9 杜比版本 ¥180 VIP廳 ¥300 附上萬象影城 阿凡達3 聖誕節(12月25日)場次資訊 (P4, P5) 💭 個人感想：如果你想體感五星級睇戲服務，又想坐得舒服，唔係《阿凡達3》體感好差，我會直接推薦呢間。加上近深圳灣口岸，過關後轉地鐵好順，非常適合港人即日來回。 影城資訊(P6) 📍南山區科苑南路2888號華潤深圳灣萬象城AL316 🚇 地鐵 2 / 11 號線「後海站」G / H 出口 2️⃣ CGV影城（卓悅中心店）(P7) #🎥 4DX + ScreenX 體驗控必去 CGV 係韓國連鎖品牌，深圳已有幾間分店，而卓悅中心呢間最受港人歡迎。 最大賣點一定係： 🔥 4DX with ScreenX 融合廳         •    270 度環幕         •    動感座椅、風、水霧效果         •    睇動作片或科幻片真係好刺激 🔥激光 IMAX 仲有Gold Class 等高端影廳。 🎬阿凡達3票價(P8) 2D版 ¥53.9 3D版 ¥58.9至68.9 3D激光版本 ¥138.9 Screen X版本 ¥108.9 4DX版本 ¥148.9 IMAX 3D版本 ¥148.9 附上CGV影城（卓悅中心店）阿凡達3聖誕節(12月25日)場次資訊(P9,P10,P11) 💭 個人感想：如果你想要「玩味＋科技感」，而唔只係安靜睇戲，CGV 呢間一定啱你。特別適合同朋友一齊北上玩足半日。影城資訊(P12) 📍福田區福田街道福華路2005號OneAvenue卓悅中心西區B2樓、4層 🚇 地鐵 1 號線「崗廈站」／「會展中心站」 3️⃣ 英皇電影城（深圳平安金融中心店） 🏙 地標級 IMAX 激光體驗 英皇呢個名，香港人一定唔陌生，而深圳平安金融中心呢間可以話係英皇旗艦級配置。 ✨ 重點一定係         •    IMAX 激光影廳         •    4K 激光放映         •    更高亮度、更強對比度、更細膩色彩 🎬阿凡達3票價(P14) 3D版 ¥44至¥59 IMAX 3D版本 ¥179至¥219 附上英皇電影城（深圳平安金融中心店）阿凡達3 聖誕節(12月25日) (P15,P16)及12月26日場次資訊(P17) 💭 個人感想：如果你係追求「畫面極致＋音效震撼」嘅影迷，呢間係安全之選。位置又方便，睇完戲順便行商場、食飯，一條龍完成。 影城資訊(P18) 📍 福田區益田路5023號 平安金融中心南塔 L4 🚇 地鐵 1 / 3 號線「購物公園站」D 出口 4️⃣ 上座國際影城（東門店）(P19) #🔥 最近羅湖嘅戲院, 35蚊睇戲 呢間我會直接形容為：北上睇戲最癲性價比之選。 一嚟近羅湖，二嚟都價錢優惠 🎬阿凡達3票價(P20) 2D版 ¥34.9 3D版本 ¥37.9  附上上座國際影城（東門店）阿凡達3 聖誕節(12月25日) (P21,P22) 💭 個人感想：以呢個價錢，真係冇乜好投訴。簡直平近正。👉 適合想慳錢、或者臨時起意睇戲嘅港人。 影城資訊(P23) 📍 羅湖區新安飯店商業大樓三樓 🚇 地鐵 1 號線「老街站」E 出口 🎯 總結 《阿凡達3》延期對香港影迷嚟講未必係壞事。 因為你會發現深圳戲院嘅選擇、體驗同價錢可以追得上香港，值得專程北上睇戲。 如果你：         五星級睇戲服務→萬象影城（深圳灣萬象城旗艦店） 想追求「畫面極致＋音效震撼」 →英皇電影城（深圳平安金融中心店） 想玩科技效果 → CGV影城（卓悅中心店） 想平價睇戲 →上座國際影城（東門店） 北上睇戲，可能會成為你之後嘅新習慣。 圖片來源: 萬象影城及英皇電影城官方網站,CGV影城官方及深圳东门步行街小紅書, 貓眼電影官方小程式 #攻略 #深圳睇戲 #深圳好去處 #電影院 #阿凡達3 #聖誕節  

Shirley

打卡熱點

南山區

保利國際影城 #好去處#chill賞遊世界#chill#打卡#chill歎旅遊#深圳打卡#想去就去

Danielle

深圳

深圳冷氣最勁商場TOP 10🌬️❄️港人實測‼️ 3大新商場都有入圍

最近香港天氣開始進入30度高溫🥵天氣越來越熱，只想留喺有冷氣的地方呀～平時都會去深圳行街購物，有啲商場真係仲熱過室外，幫大家實測，走遍深圳各大小商場，體感測試冷氣強勁程度，整合成以下頭十位深圳商場冷氣最勁排名，當中包括3間今年新開商場！今個暑假就可以去避暑啦～ 🔟第十位：萬象食家 一個以市集為主題的商場，就如其名，商場內還有很多好吃的餐廳，茶樓、茶餐廳、日式料理、火鍋或烤肉等美食都可以吃到～商場連接地鐵站出口，不需要走出炎熱的室外！ 📍地址：羅湖區梅園路71號  🚗交通：地鐵7號線筍崗站A出口，步行270米 🌟無需出站，地鐵直達 9️⃣第九位：卓悅匯 同樣不用出地鐵站外就可以直達商場～商場集合購物、親子、美食和潮流於一體，是港人最愛的商場之一。 📍地址：福田區中康路128號  🚗交通：地鐵4/9號線上梅林站E出口，步行10米 🌟無需出站，地鐵直達，可選擇上梅林站K出口 8️⃣第八位：One Avenue·卓悅中心 商場內有超市、按摩店、火鍋/茶樓，這些港人喜歡的商戶。商場分東區和北區，北區會比較涼爽。 📍地址：福田區深南大道與金田路交匯處 🚗交通：地鐵1/10號線崗廈站B出口，步行290米 🌟無需出站，地鐵直達 7️⃣第七位：萬豐海岸城 商場內有4K影院、K房、室內親子遊樂園等超多玩樂好去處～附近還即將有寶安區首間山姆超市開幕。雖然離地鐵站或口岸都不近，相對的人流也較少～不喜歡人逼人的話可以選擇這裏！ 📍地址：寶安區新橋街道萬豐社區萬豐中路245號  🚗交通：地鐵11號線馬安山站C出口，步行730米 6️⃣第六位：K11 ECOAST 今年新開的商場～集市集、文化藝術區、海景長廊和潮牌新店於一身，因為是港資集團K11打造，所以冷氣充足。 📍地址：南山區太子灣路56號、61號 🚗交通：地鐵12號線太子灣站B出口，步行590米 5️⃣第五位：寶安華強廣場 2024年年末開幕，全國首間以《熊出沒》為主題的商場。商場內設有親子室內遊樂園、3米高的戶外滑梯、SPA、超市，商戶大多是價格親民的連鎖品牌。 📍地址：寶安區福海街道鳳塘大道153號 🚗交通：地鐵11號線塘尾站B出口，步行450米 4️⃣第四位：中洲灣C Future City 商場內裝潢非常有設計感，有書店、兩層室內遊樂場、VR體驗館、夾公仔店、美食餐廳等超多好玩、好食的商戶，可以滿足大家吃喝玩樂+打卡。 📍地址：福田區濱河大道9283號 🚗交通：地鐵9號線下沙站B出口，步行490米  🌟無需出站，地鐵直達 🥉第三位：深業上城 本人認為是福田區冷氣強度No.1！人流也相對較少，有電影院、連鎖服飾品牌、超市、潮牌等商戶。 📍地址：福田區皇崗路5001號 🚗交通：地鐵10號線冬瓜嶺站E出口，步行220米 🌟無需出站，地鐵直達 🥈第二位：iN城市廣場 今年4月開幕，商場集運動、休閒、購物和美食於一身。商場新淨、商戶多元，冷氣充足～仲未去過的話，嚟緊可以去玩～ 📍地址：福田區深南中路1095號 🚗交通：地鐵1/6號線科學館站F出口，步行310米 🏆第一位：深圳灣萬象城 雖然商場大多都是名店，未必啱行，但是冷氣真的非常充足，如果不是想去購物，只想找個地方涼冷氣休息的話，這裏絕對是首選～ 📍地址：南山區粵海街道海珠社區科苑南路2888號 🚗交通：地鐵2/11號線后海站G出口  🌟無需出站，地鐵直達 💡總結個人實測和部分網民的建議，萬象系列的商場通常都會比較涼爽～ #北上避暑攻略 #深圳好去處 #深圳一日遊 #深圳購物攻略 #深圳玩樂攻略 #深圳美食攻略 #深圳美食 #深圳攻略 #深圳商場 #攻略 #親子北上攻略 #深圳商場排名 #深圳商場推介