深圳電影院推薦｜IMAX/CINITY/杜比影院 深圳戲院推介10間睇戲價錢¥20起
到深圳睇戲成為近日港上北上的新活動，除了價錢較便宜，部分更有餐飲服務，對放映質素有要求的觀眾亦可以選擇到IMAX或杜比影院等觀賞。編輯整合出深圳10間戲院，位於羅湖、福田、南山等區，交通方便。
深圳電影院推介
深圳戲院推介｜1. 英皇電影城
英皇電影城目前於深圳有3間分店，均坐落於福田區，方便港人。而位於平安金融中心的分店擁有7個影廳，包括1個IMAX激光影廳以及6個全激光影廳，當中IMAX激光影廳可實現4K48幀以及12.1聲道的效果。另外深業上城CINITY店內就有1個CINITY特效影廳，可達普通影廳放映亮度的3-7倍。IMAX激光影廳票價79人民幣起；至於CINITY特效影廳票價就由70人民幣起。
英皇電影城（平安金融中心店）
地址：福田區益田路5023號平安金融中心商場南塔L4層
交通：深圳地鐵1/3號線購物公園站D出口
英皇電影城（深業上城CINITY店）
地址：深圳市福田區皇崗路5001號深業上城M層和L1層
交通：深圳10號線冬瓜嶺站A出口
票價：¥49.9起
深圳戲院推介｜2. CINESKY新天影院
位於壹方天地的CINESKY新天影院於2018年開業，擁有龍華區最大的IMAX影廳。CINESKY新天影院採用科技感工業風空間設計，以藍色和灰色為主調，設計充滿未來感。這裡更有深圳首家Cinema Barco特效廳，配有真皮座椅。
CINESKY新天影院
地址：深圳市龍華區人民路壹方天地A區L2；C區L4
交通：深圳地鐵4號線龍華站下車A出口
票價：¥63起
深圳戲院推介｜3. 萬象影城
深圳萬象影城的設計源於奢華酒店，擁有現代設計。戲院共有8個放映廳，深圳灣分店的杜比影院近年就大受歡迎，杜比影院設有杜比視界、杜比音效等配置，吸引不少追求放映質素的觀眾。另外這裡亦有3個貴賓廳和4個雷射廳，滿足不同需求。杜比影院的戲飛票價由99.9人民幣起，一般影廳票價由54.9人民幣起。
萬象影城（深圳灣萬象城旗艦店）
地址：南山區科苑南路2888號華潤深圳灣萬象城L316
交通：深圳地鐵2/11號線後海站G/H出口
票價：¥49.9起
深圳戲院推介｜4. CGV影城
CGV影城為韓國連鎖戲院，目前在深圳有3間分店，最方便港人的是位於福田卓悅中心的分店。除了一般的放映廳，CGV影城更設有多個特殊影廳，包括4DX withScreenX 融合廳、Gold Class廳、激光IMAX等。4DX withScreenX 融合廳有270度螢幕，至於Gold Class廳就引入飛機頭等艙的設計概念，相當豪華。一般放映廳的戲飛票價為55人民幣起，而Gold Class廳戲飛售價為95人民幣起， 一般影廳票價由54人民幣起。
CGV（卓悅中心激光IMAX店）
地址：福田區福華路卓悅中心1棟B2層
交通：深圳地鐵1號線崗廈站/會展中心站
票價：¥54起
深圳戲院推介｜5. 寰映影城
寰映是來自澳洲的影城品牌，在深圳灣睿印RAIL IN、中洲灣C future City等商場都有分店。而今年1月22日，在中航城君尚購物中心亦將開設新分店。寰映影城深圳灣睿印RAIL IN是南山區首間激光IMAX影城，同樣設有VIP放映廳，亦有首排躺椅及殘疾人專屬座位。
寰映影城（深圳灣睿印RAIL IN店）
地址：深圳南山區深灣匯雲中心四期G座L401
交通：深圳地鐵9/11號線紅樹灣南站E出口
票價：¥49.9起
深圳戲院推介｜6. 百老匯電影中心
深圳這間百老匯電影中心位於萬象天地內，是一間人流相對較多的戲院。百老匯電影中心共有10個展廳，有IMAX以及杜比全景聲巨幕影廳，並且配有情侶卡座。百老匯電影中心最特別的是會不時舉行各類主題電影展覽活動以及電影明星路演活動。票價方面，杜比全景聲巨幕影廳戲飛68人民幣起，一般放映廳票價由49人民幣起。
百老匯電影中心
地址：深圳南山區深南大道華潤萬像天地L5層SL562號店鋪
交通：深圳地鐵1號線高新園站A出口
票價：¥49起
深圳戲院推介｜7. 金逸影城
金逸影城位於寶安大仟里商場內，擁有IMAX激光廳、MX 4D廳、劇場多功能廳等，合共近2,200個座位。當中MX 4D廳配備動感座椅，更能呈現噴水、震動、風效和氣味等15種效果，讓觀眾身臨其境。金逸影城最特別的是設有床廳，配有20張觀影雙人床，適合情侶和親子一同觀影，票價由64人民幣起。
金逸影城（寶安大仟里店）
地址：深圳市寶安區寶安大道與海城路交匯處寶安大仟里4樓L452
交通：深圳地鐵1號線坪洲站A出口
票價：¥29起
深圳戲院推介｜8. 中影國際影城
中影國際影城在深圳同樣有多間分店，包括歡樂海岸、印力中心、龍華天虹購物中心等。而中影國際影城歡樂海岸店是中影集團在深圳的旗艦店，有IMAX、THX、CINITY、VIP等11個放映廳。中影國際影城的戲飛票價亦比較實惠，¥19.9起就有得睇電影。而CINITY廳及THX廳的戲飛票價就分別由¥58及¥68起。
中影國際影城（歡樂海岸CINITY店）
地址：南山區白石路東8號歡樂海岸曲水灣2棟中影國際影城
交通：深圳地鐵9號線深圳灣公園站E出口
票價：¥58起
深圳戲院推介｜9. 博納國際影城
博納國際影城是一間較為老牌的戲院，在深圳有多間分店，包括在熱門的港人好去處福田皇庭廣場以及華強北等地方。博納國際影城的設施雖然沒有其他戲院新，不過價錢就比較便宜，而且位置亦比較就腳。一般2D影廳票價¥45起，價錢實惠。
博納國際影城（皇庭廣場店）
地址：深圳市福田區福華3路118號皇庭廣場B1層
交通：深圳地鐵1號線會展中心站C出口
票價：¥45起
深圳戲院推介｜10. 上座國際影城
深圳上座國際影城位於東門，對港人來說十分方便。戲院擁有10個RGB三色激光放映廳，以不同色彩作主題，而且動態音效以及視覺效果都比一般影廳高質。如成為會員的話，更能以優惠價¥19.9觀賞電影，十分划算，是港人北上睇戲的好去處之一。
上座國際影城
地址：羅湖區東門永新路永新街55號
交通：深圳地鐵1號線老街站E出口
票價：¥33起
*以上資料僅供參考，一切依官方資料公佈為準。
相關文章：
延伸閱讀：
資料及圖片來源：貓眼電影、大眾點評、Lead8、幸福福田微信公眾號、英皇電影城微信公眾號、深圳龍華微信公眾號、龍華文體通微信公眾號、深圳寰映影城微信公眾號、創新南山微信公眾號、寶安大仟里MAXLAND微信公眾號、博納國際影城深圳領航店微信公眾號、博納影業、上座國際影城微信公眾號、中影國際影城龍華店微信公眾號
深圳的上座國際影城、金逸影城、CGV影城等都有情侶座位，詳情可參考深圳戲院推介文章。
-
深圳
《阿凡達3》香港延期至1月？港人必去深圳4大電影院🎬
等緊《阿凡達3》嘅香港朋友應該都收到消息，香港上映延期至2026年1月。 對一班等好耐《阿凡達3》嘅朋友嚟講，確實有啲失落。 如果想唔比人劇透，可以即刻了解《阿凡達3》嘅故事，又想體驗《阿凡達3》IMAX、杜比全景聲震撼畫面。 今次我會推薦4間深圳電影院比大家 深圳戲院無論係硬件、體驗、票價，近年真心已經追過唔少香港戲院。 以下就同大家分享 4間最推薦嘅深圳電影院。 1️⃣ 萬象影城（深圳灣萬象城旗艦店 ）(P2) #🎬 最有「五星級酒店感」嘅戲院 萬象影城可以話係我心目中「最靚深圳戲院之一」。 整個設計完全唔似傳統戲院，更似行入高級酒店大堂——雙層樓高天花、精緻燈光、木材＋金屬＋石材設計，未入場已經好有儀式感。 🎥 設施方面亦非常全面： • 杜比影院（345 座位） • 4 個鐳射廳 • 3 個貴賓廳（VIP 真係坐得好舒服） 🎬阿凡達3票價 (P3) 原版3D ¥54.9 杜比版本 ¥180 VIP廳 ¥300 附上萬象影城 阿凡達3 聖誕節(12月25日)場次資訊 (P4, P5) 💭 個人感想：如果你想體感五星級睇戲服務，又想坐得舒服，唔係《阿凡達3》體感好差，我會直接推薦呢間。加上近深圳灣口岸，過關後轉地鐵好順，非常適合港人即日來回。 影城資訊(P6) 📍南山區科苑南路2888號華潤深圳灣萬象城AL316 🚇 地鐵 2 / 11 號線「後海站」G / H 出口 2️⃣ CGV影城（卓悅中心店）(P7) #🎥 4DX + ScreenX 體驗控必去 CGV 係韓國連鎖品牌，深圳已有幾間分店，而卓悅中心呢間最受港人歡迎。 最大賣點一定係： 🔥 4DX with ScreenX 融合廳 • 270 度環幕 • 動感座椅、風、水霧效果 • 睇動作片或科幻片真係好刺激 🔥激光 IMAX 仲有Gold Class 等高端影廳。 🎬阿凡達3票價(P8) 2D版 ¥53.9 3D版 ¥58.9至68.9 3D激光版本 ¥138.9 Screen X版本 ¥108.9 4DX版本 ¥148.9 IMAX 3D版本 ¥148.9 附上CGV影城（卓悅中心店）阿凡達3聖誕節(12月25日)場次資訊(P9,P10,P11) 💭 個人感想：如果你想要「玩味＋科技感」，而唔只係安靜睇戲，CGV 呢間一定啱你。特別適合同朋友一齊北上玩足半日。影城資訊(P12) 📍福田區福田街道福華路2005號OneAvenue卓悅中心西區B2樓、4層 🚇 地鐵 1 號線「崗廈站」／「會展中心站」 3️⃣ 英皇電影城（深圳平安金融中心店） 🏙 地標級 IMAX 激光體驗 英皇呢個名，香港人一定唔陌生，而深圳平安金融中心呢間可以話係英皇旗艦級配置。 ✨ 重點一定係 • IMAX 激光影廳 • 4K 激光放映 • 更高亮度、更強對比度、更細膩色彩 🎬阿凡達3票價(P14) 3D版 ¥44至¥59 IMAX 3D版本 ¥179至¥219 附上英皇電影城（深圳平安金融中心店）阿凡達3 聖誕節(12月25日) (P15,P16)及12月26日場次資訊(P17) 💭 個人感想：如果你係追求「畫面極致＋音效震撼」嘅影迷，呢間係安全之選。位置又方便，睇完戲順便行商場、食飯，一條龍完成。 影城資訊(P18) 📍 福田區益田路5023號 平安金融中心南塔 L4 🚇 地鐵 1 / 3 號線「購物公園站」D 出口 4️⃣ 上座國際影城（東門店）(P19) #🔥 最近羅湖嘅戲院, 35蚊睇戲 呢間我會直接形容為：北上睇戲最癲性價比之選。 一嚟近羅湖，二嚟都價錢優惠 🎬阿凡達3票價(P20) 2D版 ¥34.9 3D版本 ¥37.9 附上上座國際影城（東門店）阿凡達3 聖誕節(12月25日) (P21,P22) 💭 個人感想：以呢個價錢，真係冇乜好投訴。簡直平近正。👉 適合想慳錢、或者臨時起意睇戲嘅港人。 影城資訊(P23) 📍 羅湖區新安飯店商業大樓三樓 🚇 地鐵 1 號線「老街站」E 出口 🎯 總結 《阿凡達3》延期對香港影迷嚟講未必係壞事。 因為你會發現深圳戲院嘅選擇、體驗同價錢可以追得上香港，值得專程北上睇戲。 如果你： 五星級睇戲服務→萬象影城（深圳灣萬象城旗艦店） 想追求「畫面極致＋音效震撼」 →英皇電影城（深圳平安金融中心店） 想玩科技效果 → CGV影城（卓悅中心店） 想平價睇戲 →上座國際影城（東門店） 北上睇戲，可能會成為你之後嘅新習慣。 圖片來源: 萬象影城及英皇電影城官方網站,CGV影城官方及深圳东门步行街小紅書, 貓眼電影官方小程式 #攻略 #深圳睇戲 #深圳好去處 #電影院 #阿凡達3 #聖誕節
閱讀更多
-
深圳
卓悅匯購物中心
香港價錢·深圳VIP電影院頂級享受🎬
金逸影城(深圳卓悦汇IMAX店) 地址:福田区梅林街道梅都社区中康路126号卓悦汇L4-33 🌟環境整潔 🌟影音設備良好 🌟坐位舒適 🌟冷氣極充足,建議拎毛毯 今次上深圳睇戲, 戲院離福田口岸只有十幾分鐘車程, 地鐵沿線無需淋雨｡ 人仔六十幾蚊一張飛就令我體驗到VIP影院嘅享受😎 由於係平日去, 成個場本身VIP廳就得十幾個位, 我地完全包場咁睇 ｡ 一入到VIP房有毛毯､有獨立廁所, 成個場我試過最佳觀影坐位係最後排, 屏幕足夠, 但當然再大啲會更好 ｡ 每個座位位置充裕, 可升起雙腳👣 每個位亦設有小桌子, 等你放野食放野飲 ｡ 香港價錢但包場級舒適享受😎 絕對抵玩👍🏻 真心推介❤️ 😍如果去開大阪嘅朋友, 不妨考慮下👉🏻#翻譯君激推入面嘅高科技觀光巴士Show, 記得用我爭取返黎嘅獨家優惠碼訂購呀😉 #ucreator#ucreatorhk#momentswithucreator#打造完美髮型#深圳攻略#深圳探店#深圳好去處#深圳#深圳吃喝玩樂#深圳玩樂攻略#翻譯君深圳分享
閱讀更多
-
打卡熱點
南山區
保利國際影城 #好去處#chill賞遊世界#chill#打卡#chill歎旅遊#深圳打卡#想去就去
閱讀更多
港生活人氣好去處
【免費送🎁】Cetaphil舒特膚高效清爽低敏防曬啫喱☀️
↓ 無油啫喱質感清爽不黏笠💧立即登記 ↓
《U GO》請您睇《末日聖母號》！
史詩科幻電影🌌Project Hail Mary🚀
假日好去處