台灣阿城鵝肉首度登陸香港！連續6年米芝蓮推介 招牌燻鵝/麻辣血/臭豆腐

Ellakayee

台式料理

阿城鵝肉

台北米芝蓮鵝肉登陸！🤤 淘大掃食四人餐！😋

呢間來自台北,連續六年獲得米芝蓮必比登推介嘅阿城鵝肉進駐香港九龍灣淘大商場啦,提供多款台灣嘅小食,今次我哋就叫咗佢哋嘅四人套餐,份量很多,其中佢哋嘅招牌就係煙燻鵝,外皮有淡淡的焦香味,肉質鮮嫩多汁,再配上佢哋嘅鵝油飯真係讚不絕口,另外一品鍋裏的麻辣鴨血和麻辣臭豆腐也極具人氣,麻辣鴨血採用台灣直送豆瓣醬熬製湯底,豆香與微甜完美融合,佢哋嘅山藥鵝骨湯湯底乳白香濃,夠晒滋補!佢哋舖頭冇收服務費,大家而家唔使去台灣都食到啦,快啲嚟試吓啦! 4人套餐: 🌸山藥鵝骨湯4碗 🌸滷白菜 🌸白滷水鵝腳 🌸台灣一品煲 🌸滷肉時蔬 🌸櫻花蝦麻醬A菜 🌸招牌煙燻(半隻) 🌸白滷水鵝頭 🌸白滷水翅膀【2節翅】 🌸鵝油拌飯 🌸白飯2碗 🌸鵝油拌飯2碗 阿城鵝肉 📍 九龍灣牛頭角道77號淘大商場2期地下G254號舖 #foodies#hongkong#hongkongig#photography#vsco#九龍灣美食#eatsomethinggood#hongkongfoodie#阿城鵝肉#taiwanesefood#台灣美食#打卡美食

heimen

打卡熱點

阿城鵝肉

淘大阿城鵝肉🤤！糖燻鵝腿爆汁！😋 台灣直送！

【🍴九龍灣淘大｢阿城鵝肉｣】糖燻鵝腿爆汁+隱藏食法 💯 📣 前言:台灣過江龍直擊! ｢阿城鵝肉｣終於黎到淘大商場!即刻約埋朋友去會一會呢位米芝蓮級選手!由裝潢到食材全部台灣直送,連特製循環糖燻機都原裝進口,到底值唔值得排隊?即刻同你逐樣拆解👇 🦢 鎮店雙雄:煙燻鵝 vs 白滷水鵝 1. 煙燻鵝(必點招牌🔥) 一上檯就聞到焦糖燻香!鵝皮閃住琥珀光澤,師傅刀功了得——片皮薄到透光,但肉層厚實😍 咬落先觸到脆卜卜嘅糖燻外皮,跟住鵝油｢吱｣一聲爆出,肉質嫩滑､仲帶微微彈性!最驚喜係骨頭縫都滲滿燻香,配店秘辣椒醬(🌶️小辣夠嗆),食到唔捨得停口! 2. 白滷水鵝(後半段) 以為係普通鹵水?大錯特錯!台灣版其實係｢鹽水鵝｣,每日新鮮用鹽､米酒和水等簡單材料浸出鮮甜鵝肉🍶 鵝髀位肥瘦分明,雪白嘅脂肪層入口即化,連骨啜都有淡淡酒香! 🍖 內臟控狂歡!7款滷味､各有特色 滷鵝粉肝:似慕斯滑入喉,帶中藥滷香+鵝油雙重暴擊 蝶花:筋位爽脆過豬耳,筋膜部分特別有嚼勁,滷到連紋理都入味 滷鵝腸:脆度10/10,帶有濃郁滷香 滷鵝蛋:滷汁沁透蛋白每一寸,蛋黃綿密 🌶️ 熱辣新品:麻辣臭豆腐 同夜市炸臭豆腐截然不同!台灣直送嘅生臭豆腐用麻辣湯慢煨,咬開蜂巢狀氣孔爆出滾燙汁液💦 臭味溫和但後勁麻香,襯埋酸菜食超上頭!湯底要讚──用鵝骨+10種香料熬製而成,食落帶有回甘😋 🍯 清新之選:蜂蜜柚子白涼瓜(香港獨家版) 怕台灣菜太重口味?呢道涼拌白涼瓜絕對驚喜!👏 師傅將涼瓜片到紙咁薄,冰鎮後淋韓國蜜糖柚子醬,清新又解膩!清爽度完勝普通醃蘿蔔,解膩神器認證! 🍚 配角王者:鵝油拌飯 睇落平平無奇,食落充滿溫潤鵝油香,飯粒分明又帶黏性,味覺層次簡約卻豐富💛 🥣 養生湯品PK戰 ✅ 藥膳鵝掌湯:呈現出鵝骨鮮甜與藥材溫潤!當歸香氣突出,飲後全身暖和､胃腸舒適 ✅ 山藥鵝骨湯:乳白色湯頭釋放出自然鮮味,口感細膩､整體風味清爽 🍺 必點酒香冷盤:花雕醉鮑魚 新鮮鮑魚吸盡陳年花雕精華,咬落彈牙得黎帶杞子甜味,酒香醇厚撲鼻,絕對值回票價! ✨ 總結:煙燻鵝同滷味水準拍得住台灣本店,建議3-4人分享多款菜品｡避開週末6點後嘅人潮,等位會快好多! 🚪 阿城鵝肉 📍淘大商場店: 九龍灣牛頭角道77號淘大商場2期地下G254號舖 港鐵九龍灣站B出口行 📍東薈城店: 香港大嶼山東涌達東路18-20號東薈城6樓603號舖 (即將開幕) 📍太古城店: 香港太古太古城道18號太古城中心地下003 -004號舖 (即將開幕) #香港美食#台灣過江龍#鵝肉控必收🦢🔥 #UCreator#打卡美食#好去處#全新景點#chill#隱世打卡點#打卡 #ghd雪葩粉紅慈善限量系列#全方位護齒三步曲#敏感肌防曬攻略

Gettingfatwcc

台式料理

阿城鵝肉

🇭🇰| 九龍灣 - 阿城鵝肉

📍 九龍灣牛頭角道77號淘大商場2期地下G254號舖 (港鐵九龍灣站 B 出口) 係台灣傳承30年既阿城鵝肉,開到黎香港啦!呢個台灣過江龍就犀利啦,曾經係台灣米芝蓮必比登榜連續六年都獲推薦!佢地既招牌煙燻鵝同埋麻辣鴨血都係必試之選!今晚我地就黎到佢地最新係九龍灣淘大商場既分店,試下佢地既招牌菜先! 除左淘大商場分店之外,係東薈城6樓同埋太古城中心地下既分店都係度準備緊,住係附近既朋友記得留意住啦 𝗪𝗛𝗔𝗧 𝗪𝗘 𝗢𝗥𝗗𝗘𝗥 ✨ 招牌煙燻鵝半隻 289 煙燻鵝係佢地既鎮店之寶,所有工序都非常講究 由隻鵝脾骨一睇就知隻鵝有幾大隻啦! 由白灼到過冷河,再放入特製糖燻機,加入焦糖香氣同埋進行煙燻｡ 令到呢半隻鵝每啖肉都非常嫩滑,煙燻味道又濃厚又香,而同時有既焦糖香氣,令到佢唔會太重口味,每種味道都得到平衡,名乎其實既招牌菜👍🏻 ✨ 白滷水鵝肉前半段(大份)159 初頭睇落都唔知白滷水係咩野黎,一食落就明晒啦~ 原來白滷水就係鹽水鵝,就係單純用鹽､米酒同埋水等簡單材料｡ 簡單得黎反而最好咁保留到鵝味,而且鵝肉本身好好食,呢種感覺反而好獨特而且新鮮｡同香港一般認知既滷水同鹽水都唔太相同,黎到一定要試! ✨ 滷味粉肝 189 滷水鵝肝好滑好大,189呢個價錢你得到既係完整一件鵝肝!Cp值好高,而且好粉嫩,口感帶點爽口｡大家黎到一定要食啦~ ✨ 滷鵝胗 59 爽口彈牙既鵝腎,滷水慢火滷製,入晒味｡ ✨ 滷鵝腸 69 超爽口既滷鵝腸,佢同香港大排檔食到既肥鵝腸唔同,雖然唔肥,但係爽口,鵝味又重,加上涼涼爽爽咁,呢個天氣食都好啱食 💕 ✨ 滷鵝心 49 口感好粉既滷鵝心,滷水好入味,而且同時帶有一陣鮮味,完全唔會有腥味,我好鍾意呢個鵝心呀❤️ ✨ 滷鵝蛋 29 ✨ 藥膳鵝掌燉湯 49 藥材味超濃既燉湯 ✨ 山藥鵝骨湯 29 相比藥膳湯,呢個山藥湯會較為清一d｡用左鵝骨燉製｡ ✨ 蜂蜜柚子白涼瓜 49 呢道係香港先有既限定菜黎架! 一d都唔會苦既白涼瓜,配埋蜂蜜柚子係一款好啱夏天食既清涼小食｡ ✨ 台灣香腸三拼 89 三拼口味分別係杏鮑菇､檸檬､辣｡ 杏鮑菇香腸代替左大部分肥肉,獨特既口感帶黎唔一樣既層次同味道,而且更加健康｡完全顛覆左大家對台灣香腸既固有印象,唔怕食多d添呀 😎 ✨ 花雕醉香鮑魚 59 ✨ 台灣一品煲 139 一個煲就可以試到佢地幾款特色菜色｡ 主打一定係又辣又臭既麻辣臭豆腐,厚厚實實咁而且個種臭味真係好吸引! 仲有鵝血,鵝腸,芋絲等等 最正既係佢有台灣竹筍,非常鮮甜,吸左d麻辣湯汁仲更加香☺️ ✨ 鵝油拌飯 29 聞落已經好香既鵝油拌飯,飯粒被鵝油既香氣包住,而且佢地用既比例好好,完全唔會有油膩感,係啱啱好呀 ✨ 阜杭 凍豆漿(無添加糖) 19 ✨ 蘋菓西打 19 ✨ 桂花烏龍(1L)29 ✨ 白桃四季春(1L) 29 #台灣米芝蓮必比登榜#阿城鵝肉#打卡美食#九龍美食