日系家品店JP LIVING STYLE再陷入結業潮！半年內連執3間 半價清貨最平20元起
主打全日本直送家品的「日系生活JP LIVING STYLE」連鎖家品店早前連執2間分店，分別是將軍澳及銅鑼灣店。最近再次陷入結業潮，位於九龍灣德福店宣佈結業，全店以半價清貨，日本製碗碟、卡通文具、家品最平20元起有交易！不計九龍灣全港暫只剩下4間，大家記得多多光顧下啦！
「日系生活JP LIVING STYLE」德福店宣佈結業
去年9月，日本直送家品的「日系生活JP LIVING STYLE」將軍澳及銅鑼灣2店宣佈結業，半年內再傳出分店結業消息，開業近3年的九龍灣德福店宣佈結業，店舖張貼Closing sale的傳單，全店以低至半價清貨，包括各款日本製碗碟、卡通文具、家品最平20元起有交易！
全港暫只剩下4間分店
去年位於將軍澳POPCORN的日系生活分店於9月20日前結業，而位於銅鑼灣希慎中心的店舖亦於8月結業，大約半年左右日系生活連續執3間分店。不過據其網頁顯示，去年底則於啟德體育園零售館開設期間限定店。不計九龍灣全港暫只剩下4間，包括荃灣、沙田、元朗及啟德。大家記得去多啲行下啦！
德福店多款家品最平20元起
九龍灣德福店內有多款日本製碗碟、卡通文具、家品、床品都有優惠，最平20元起有交易！即㩒入圖片慢慢睇款，趁着結業優惠入手日本直送的家品！
來源：HKET
日系生活JP LIVING STYLE 2店結業
日系生活JP LIVING STYLE在港擁多間分店，主打店內所有商品皆為日本直送的日系家品店。而近日日系生活宣布銅鑼灣分店將於8月結束營業，另外記者發現將軍澳分店同樣於門外張店結業減價優惠，換言之日系生活銅鑼灣及將軍澳分店將結業，兩店都正舉行清貨優惠，超多家品低至半價促銷。
-
著數報料
文具佬中環店結業清貨🥹🥹🥹
近日文具佬於其官方社交平台宣佈，中環分店因租約期滿正式結業。並於結業期間推出全場清貨優惠，買滿$100即享九折、$200即享八折。 文具佬官方表示，三年內於中環區的分店均因業主加租、租約期滿等原因結業收場，並預告「中環區暫時唔會考慮搵返一間舖開分店」。不過，文具佬仍於其他地區持續擴充，同步文具佬青衣分店亦正式開業。 文具佬中環分店詳情 地址：中環德輔道中71號永安集團大廈地下A號舖 營業時間：09:00 - 20:00 (星期一至日) 來源：文具佬生活百貨 Stationery Lo
閱讀更多
-
家居
宜得利家居 九龍灣店
日本家品店掃貨！抵到爆！🤩 襯晒嘅小物入手！🏠
❣️ 行開megabox又忍唔住去日本｢國民家品店｣NITORI🛍️掃貨~!! 依家真係好抵買🤭 最近咁啱想補返啲有氣氛嘅家品佈置屋企 見到入面一系列新推出嘅小物就心心眼😍 最後掃咗襯晒pattern馬克杯☕️, 杯墊, 隔熱手套🧤又靚又實用! 仲買埋被套枕套🛌吸濕實在好啱我哋潮濕嘅屋企~ 📍 NITORI 九龍灣MegaBox, L6 #NITORIHK#NITORI#日本最大國民家品店#日系家居#家居佈置#日本家品店#被套枕套
閱讀更多
-
著數報料
## 鰂魚涌柯達二期家品店打卡天堂🤩
. 其實我有個喜好😌一有時間我多數鍾意行家品店🤪睇中靚嘢既我就會入手裝飾下間屋🤗今次去咗鰂魚涌柯達二期Garian家品店,一入去就俾佢個無敵海景吸引住🌊✨!成個環境勁chill,啲自然光打落啲簡約北歐風家品度,即刻想搬晒返屋企🏡~ 店入面嘅貨品真係多到眼花撩亂👀,有齊香薰蠟燭🕯️､設計感餐具🍴､文青賀卡📝,仲有啲香港少見嘅小眾品牌,好似土耳其嘅BORNN琺瑯器皿同日本Hasami陶瓷,忍唔住入手咗幾件戰利品🛍️!文具控一定瘋狂,過百款賀卡分晒主題,揀到選擇困難症發作😂 Garian係家品控天堂💖,打卡影相一流📸,仲可以對住海景shopping!推爆呢個隱世寶藏店🔥 #北歐風中毒#海景shopping初體驗#柯達大廈真係有驚喜
閱讀更多
港生活人氣本地熱話
《U GO》回本小隊🎖️ ：召集最真實Buffet食評🔥
🌟分享必食推介/避伏心得/回本攻略😋輕鬆贏獎品🎁
請您睇💚BILLIE EILISH 巡演(3D現場版)
↓將世巡HIT ME HARD AND SOFT嘅珍貴畫面搬上大銀幕🎞️↓
假日好去處